Rev. Dr. Stephen Hre Kio: Joe Biden (Democratic Party) Phu Nih A Pom Mi Abortion Cu Bible Nih

Abortion (nau thah, nunnak lak, minung thah, lai nawn) le Same-sex marriage (nulenu lentecelh, palepa lentecelh in fa ngeih khawh asi ko tiah) na dirpimi le na voted mi hi Pathian na cungah aa lawm lai ka zum hrimhrim lo. Midang fanu/fapa lawng siloin ka fanu/fapa cungah tlung ve sehlaw, tuah ve ko hna seh, ka lungtling ve ko tibantuk asi. “Voted” a sullam naa fiang ko lai ka zumh! Cucaah na sualnak ingaichih! Khrih cu sualnak ngaihthiamtu asi.

Pathian rianṭuantu hna nihcun hi kan Pa bantukin minung duhnak, pawngkam huih in, chantiluan kalning in, vawlei kalning zohin chim siloin Pathian duhnak le duhlonak, Biatak le dinnak hi ralṭhatein kan aupi ding asi. Bawipa rianṭuantu hna hi Pathian aiawh in chim le Pathian duhnak, a sining le aa tinhmi kha a sermi minung hna sin ah hngalhter asi.

Khrih salṭha, zumhawktlaktein le tehte ṭha si hi kan izuam awk asi. Pathian duhnak tein a bia na chim paoh le a nawlbia na ngaih paoh kha tehte ṭha cu na si ko. Minung mit thinlung ah asilo Pathian mit thinlung ah asi. Laimi nih kan Pa kan ingeih rih hi cu Bawipa thluachuah kan dong rih ko. Credit: James Vanneilian

Relchap duhmi caah a tha kho tuk; Nan pu Trump nan uartuk nan timi ka hmuh pah lengmang! “Veiaw kan bia hi tawi ko seh…!” Um….! Kan uar ko! Chuahkehnak aa philhter i, Sining dirhmun a kaltaak i, Chantiluan a dawi lengmang i, Bawipa nawlbia aduh lomin nakcun, Kan uar deuh ko! Fimthiamnak a cawng i, Nulepa zeiah a rel lo i, Laimi a neksawh ngai i, Mifim ah aa hmumi nakcun, Kan uar deuh ko! Mirang holh a thiam i, Mirang ca arel kho i, Rianṭha te a ṭuan i, Biakinn phakhmanh a huam lomi nakcun, Kan uar deuh ko!

Mithmai panh a cawng i, Miduhnak in a nung i, Biatak a dirpi lomi le, Dinnak a dirpi lomi nakcun, Kan uar deuh ko! Abortion tha a pe i, Same-sex marriage a dirpi i, Bible rel zong caan pe duh lomi le, Thlacam zong a ningzakmi nakcun, Kan uar deuh ko! Jesuh Khrih min zong a chim lo i, Zumhawktlaktein a nung lo i, Vawlei nuamhnak ah aa peih i, Pathian thangṭhat a huam lomi nakcun, Kan uar deuh ko!

Chawva tampi a hmu i, Hruaitu zong a ṭuan ko nain, Sifak ngakṭah a bawm lomi le, Khrihfabu, miphun caah pumpek a zuam lomi nakcun, Kan uar deuh ko! Mirum ngai bantukin a um i, Leiba lawngte a ngei ve komi le, Thilpuan ṭha, innṭha le motor ṭha aa ngeihmi nakcun, US ram caah lahkhah lak loin rianṭuanmi le, Billionaire asimi cu kan uar deuh ko.

Hrinṭhan ka si ti a ningzak i, Thawngṭhachimtu a soi lengmang hna i, Laimi kan Pa le mihrut hmu in a hmu i, Amah nulepa zeihmanh asi ve lomi nakcun, Kan uar deuh ko! Khrihfa ka si a ti ko nain, Khrih nawlbia a zul duhlo mi le, Zule sa, vawlei nuamhnak he aa ciahmi nakcun, Dinnak le Bible a dirpitu kan Pu Trump cu, Kan uar deuh ko. Credit: James Vanneilian

Leave a Reply

Your email address will not be published. Required fields are marked *