Rev. Dr. Stephen Hre Hio: Chin Miphun Nih “KHUARUATTU BU” kan um lo ah cun kan ichuahsual lai!

Rev. Dr. Stephen Hre Hio: Chin Miphun Nih “KHUARUATTU BU” kan um lo ah cun kan ichuahsual lai!
==========
Ka dawtmi laimi u le nau, Nihin ah kan lairam ah a cang mi thil hi biatak tein kan ruah, kan tuaktan le kan ṭuan cio a hau tiah ka ruah. CNF le CDF an si zong ah, a ho kan si zong ah bu a si mi pohpoh nih a tang ah ka thil mi Rev. Dr. Stephen Hre Kio nih a kan cah mi “KHUARUATTU BU” hi kan ngeih hrimhrim a herh tiah ka ruah.

Dr. Andrew Ngun Cung Lian he CNF a rak umlio, Kawlram Acozah he remnak kong caih i a rak kir ka te ah bia kan iruah i a ka ti mi cu “Mang Mang aw, Thailand i a ummi tlangcung mi hriamtlai bu an hruaitu hna khi DAIHNAK le REMNAK an duh taktak lo; mah ti khin khua caan ah an nau le kawl ralkap he ikah i an mah sin ah media pawl rat i interview tuah luklak khi an uar mi le an duh deuh mi a si ee” a ka ti. Ka dai, khua tampi ka ruat. (Ka rak ruah tawn mi bak te a si).

Nihin Laimi kan dirhmun zoh tik ah “KHUARUATTU BU” kan um lo ah cun kan ichuahsual lai ti phan a um ngaingai. Ka chim duh mi cu hihi a si “Mino cu kan thi a linh lio ah cun khua faak piin kan ruah khawh lo caah, upa, Khrihfa hruaitu hna, le tar hna ruahnak hi lak ah a ṭha ” ti hi a si ko.

Chim ding tamtuk ka ngei nain, tu chan minung cu mifim le cathiam pipi hmanh nih ca sau rel an duh/huam lo i a tawinak in ka ṭial. Nan mah te cio in khua rak ruat u law, Thiang Thlarau bawmhnak rak hal cio ko u. Laimi le Khrihfa na si ah cun. Mang Chawn Hniarlawn

Chinram ah mah hi kan phan cang, cucaah zeidah aherhbik tikha ruah hau, innkaang le hliamtuar, bomb le meithal in athimi tibantuk an um tikah bawmhnak/bulhnak pek kha atthatuk mi si ko, cucu Chinmi kan nunphung pakhat zong a si.
Nain a herh ahcun kaltak chung le tuah lo rih a hau, tuhi zei caan ah kan dir lio timi zoh in a bikin ramleng lei nih ruah le tuak caan asi.

Tulio caan ahcun tangka hmanthiam,semrel taktak kan hau,kan ngeihmi le kan kholhmi tangka hi ram luatnak ding,kan ralkap hna thazaang tthawnnak dingah papek in tuah hau.A dangdang ah tangka hi kalter rih lo ding,kan ral teinak dingah hriamnam le kan ralkap pawkhim hau.

Tuhi buai kan ithokka lawng sirih,tuhnu pinlei in hi let in a zual te dingmi si caah i bulh le i tlomhnak hi tuah cawk lo tiang a um kho.Cucaah ahmasa bikah Chinram in ralhrang dawi/tthawl khawh kha biapi cemmi si i mah hnu lawngah Chinram a dai lai.

Zeicaan ah kan dir lio ti theih a hau; A daihnak lam umchun cu,Chinram in ralhrang dawi kha si,mah dawinak dingah cun kan ralkap tthawnter kha pakhatnak a si. Ngaihchiat tong le chiat tong kip bulhnak tangka kan kholh mi khan ralkap hriamnam tu zalhnak deuh usih.

Tuah le ttuan hmasa ding rian kan thleidan thiam a hautuk cang hi,tuhi red zone ah Chinram kan um lio si hih. Ei le din awk angei bak lo tucu bawmh hna ding si ko.