Rev. Dr. Jno Mang; Bawipa nih Thantlag a veng maw?

Rev. Dr. Jno Mang; Bawipa nih Thantlag a veng maw?
———-
Bible bia ” BAWIPA nih khua kha a ven lo ahcun a vengtu hna hngilh loin an umnak cu santlailo a si”(Salm-127:1b) “BAWIPA nih zeizong vialte hi anmah ca i tinh ciomi caah khan a ser hna”(Pro-16:4)

Zeizong te hi Pathian hnatlaknak an si ko; 1.Jerusalem le Temple hrawh le khangh kha Pathian nawlpeknak a si.(2King-24:2,10,13, 25:9-11) 2. Sodom le Gomorrah mei in a khangtu kha kan Pathian a si.(Gen.19:13,24). 3. Job zatlaknak vialte le tuartemnak kha BAWIPA nawlpeknak a si.(Job-1:12,2:1-8)

4. Sph Ahab thihnak ding caah nalprofet a thlahtu kha Pathian a si.(2 Chanrel-18:19-21,33,34). 5.Filistin ral le Arab ral hna nih sph Jehoram doh ding in le paw fah ril chuah zawtnak thi ding in nawlpetu kha Pathian a si.(2Chanrel 21:16-18). 6.Sph Ahaziah tumchuk ding in le thah a sinak ding cu Pathian khuakhan a si.(2Chan-22:5-9)

RUAHAWK TLAK THANTLANG KAN DIRHMUN; 1. Sui Thantlang kan i timi hi (Phakanh le Mansu hmanh nih Sui Phakanh, Sui Mansu an i ti lo). 2. Ziknawh einak in a khatmi khua kan si sual maw? (Deu-10:17,2 Chan-19:7,Isai-5:23). 3. Cuaideu hmang in (Sa, Thil) a zuar tukmi khua kan si sual maw? (Levi-19:35-36,Pro-20:23)

4. Phaisa karh coih in a khatmi khua kan si sual maw? (Eze-18:5,8,22:12,Exo-22:25,Levi-25:37, Deu-23:19-20,Salm-15:1-5,Nehe-5:11) 5. Zu dinnak in a khatmi khua kan si sual maw? (Hosea-4:11,18,19,Isai-5:11,22,Jere-51:39, Pro-23:29-35). 6. Kan i porhlaw tuk sual maw?(Jere-9:23)

Bible bia; “Ka min in kawhmi ka mi hna nih khan an lung an thumh i, thla an cam i, ka hmai kha an kawl i, an lam thalo khan an i mer ahcun, van khin ka run theih lai i, an sualnak cu ka ngaihtjiam hna lai i an ram cu ka dam ter lai” (2 Chan-7:14)

“nan thinphang in nan lung dong hlah u,zeicahtiah hi ral dohnak cu nanmah ta a si lo, Pathian ta a si”(2Chan-20:15b) “Palhnak chimh huat cu hruh a si” (Pro-12:1b). Kan ram damnak caah BAWIPA nih thluachuah kan pekpiak ko seh. Amen.

Hi kong hi ka siaremlo ngai ve , kan kokek sining taktak hi zeiindah kan i thok tihi kanpur khodeuh rua loh tiin ka hmuh. Sui Thantlang ti i catial mipawl kazoh tik hna ah Bia le Hla hi an lungpiang rua loh. Kan rum lo nain kan i nuam ti hna hi cu Zapi caah si loh in Pumpak dirhmun deuh khi asawh tiin ka hmuh. Cuca ah Nihin thok in hi Biafang pahnih hi cu kaltak i char tilo ding in hrialkho u sih law thluachuah vanni tu i ham ko hna u sih tihi kan sawm chin hna.

Malaysia i kan naunu ruak a hungtlungkmi hna, Thantlang khua kam i an phum kha, kha vialte lungfah le mitthli vialte hmanh kha ruahlen awk asi ko. Mah hnu khan Kan dawtmi Thantlang a tluang rua lo ka ti ve ee. Pathian tu nih kan ngaithiam ko seh.