Rev.Dr Hai Vung Lian Cu Ni Dang Nakin A Let 10 Tluk IN A Thangcho E Tiah Thawng An Kan Thanh.

December 6,2020 Rev.Dr Hai Vung Lian thawng Update. Ahmasabik ah tuzing a Ni thiang dam tein a kan phaktertu kan Pathian min thangthat si ko seh! Pathian dawtnak thawng in le pakhat cio nan thlacamnak thawng in tu zing ah Doctor te nih Rev. Dr. Hai Vung Lian cu ni dang nak in a let 10 tluk in a thangcho e tiah thawng an kan thanh. Amah tu cu hngilhnak si an pek peng ko rih caah lungfimlo in a it ko rih. Oxygen level zong amah ah 95 – 100% kar hrawng ah a um peng ko. Seh in zeimawzat hrawng cu an pek chih peng rih. Hitining tein thancho lam a panh ciahmah ko ahhincun caan raulo teah damnak tling zong a hmu than ko lai tiah ruahchannak nganpi kan ngei ko. Thla a kan campiaktu vialte nan dihlak cungah kan i lomhnak kan chim cawk lo. damnak tling taktak a hmuh khawh nak hnga donglo tein thlacamnak in kan bawm hram ko rih uh. Bawipa nih thluachuah in pe hram ko hna seh!

Tuchun cu thawngpang thar kan van thei than le khua ruah awk bak kan hngal loh. A thalei kam tu si hram ko seh ti lawng kan chim khawhmi asi ko. Atu lio i Rev. Dr. Hai Vung Lian a um nak Hospital hi a ngan tuk lo mi asi. A fat pah caah mizaw hi an dam deuh ko ahcun caan saupi chiah awk an tha tuk loh. Atu zong hi, tuchun ah a hrom vih ( tracheatomy ) cu tlamtling tein an vih cang i thaizing hin cun sizung dangah kan thial cang lai an ti. Mahcu cu lungre a van thei pahmi cu asi. An thialnak ding ahhin ICU thiamthiam ah a um lai ti asi. Amah belte atu a um nak hi caan sau um a ngah lomi asi i an thialnak sizungah hincun caan sau deuh ICU ah um a ngah cang lai an ti. A dam deuh in Regular Floor ah kan thial te lai an ti. Caan sau deuhpi zong a um kho men, van that le caan tawi teah regular floor ah thial khawh asi hnga. A dam deuh ngai ko tu ahcun a kaa in rawl cu kan pek te lai ti asi.
Cuhlan chung vialte thla a kan campitu nan dihlak cungah kan lunglomhnak kan van langhter than. Hi pinlei zong hi nan thlacamnak kan herh peng ko rih. A nunnak le a damnak taktak cu Pathian kut chungah a um ko ti hi kan zumhmi asi ko. Nan thlacamnak vialte Bawipa nih an theihpiak hna lai i a fapa zong vel a ngaih than lai i damnak tling he sizung in a chuak te ko lai ti hi kan i bochanbik mi cu asi ko. Lunglomhnak chim cawklo he Pu Richard Ngun Lian
(ECBC Vice Chairman), Columbus, OH 43228, Cell : 859-466-3739. Atanglei thawngpang dang zong hi relchap khawh a si.

๐†๐ž๐จ๐ซ๐ ๐ข๐š ๐ข ๐๐ข๐๐ž๐ง ๐ง๐ข๐ก ๐๐ฎ๐š๐ง ๐š ๐‚๐จ ๐ฆ๐ข ๐š ๐Š๐ก๐ฎ๐ฉ๐ญ๐ก๐š๐ฅ ๐‹๐ž๐ก ๐š๐ฐ๐ค๐š๐ก ๐๐š๐ฐ๐ฆ๐œ๐ก๐š๐ง ๐ก๐ง๐š, ๐ญ๐ข๐ข๐ง ๐“๐ซ๐ฎ๐ฆ๐ฉ ๐ง๐ข๐ก ๐†๐ž๐จ๐ซ๐ ๐ข๐š ๐†๐จ๐ฏ๐ž๐ซ๐ง๐จ๐ซ ๐š ๐‡๐ง๐ž๐ž๐ค. Georgia i Biden nih buan a co mi a khupthal leh ter than dingin state legistlator an lungthin lak khawh vun i zuam, tiin Georiga Gov. Brian Kemp cu Saturday ah khan Trump nih phone in a hei hneek. Cu thawngpang a theitu source pakhat nih CNN ah a hei thanh chin.

โ€œKeimah a vun ka dirkamh te dingmi electors pawl thim hna dingin state legislator pawl special tonnak ngeihpi hna law, an lungthin laak khawh vun i zuam,โ€ tiah Trump nih Kemp cu a hal. Cun, absentee ballot signatures zong audit tuah dingin nawl vun chuah lawlaw, tiah a chimh. Cu bantuk audit tuah dingin nawlpeknak nawl ka ngei lo, cun, special tonnak tuah a ka fialmi zong ka tuah kho lai lo, tiah Kemp nih fianternak a tuah. Hi an i chonhnak thawngpang hi The Washington Post nih a thanh hmasami a si. Hi kong he pehtlaiin White House lei nih comment an tuah duh lo.

Saturday ah khan Trump nih phone call conference a tuah i, cu lio ah cun Kemp le Georgia Secretary of State Brad Raffensperger cu faak takin a mawhchiat hna i, Georiga i absentee ballot cabawm pawl audit tuah dingin a fial hna. Hi kongah hin a hmanlo mi lawngte a chim. Signatures audit tuah dingin voi 3 khengte ka duhnak ka langhter bal cang, tiin tweeter in Kemp nih a hei leh ve. State legislators pawl special in tonnak tuahpiak dingin Trump nih Kemp a fial hi voihnih a si cang. Kemp le Trump phone in an i chonhmi cu Kemp a aiawhbiachimtu Cody Hall nih fehternak a tuah ko nain, an biaruahmi kong an hal mi kong belte ah, Loeffler campaign staffer Harrison Deal a thihnak kong i Trump nih hnemhnak a tuahmi kong lawng a chim.

January i Senate hmunhma a lawng dingmi a si cang caah, senate election ah Republican Sens. David Perdue le Kelly Loeffler dirkamh dingin Georgia lei panh in Trump ai thawh hlan deuh te ah a tu bantukin 2020 lecton results hnahnawhpek dingin Kemp a chonh hi a si. Election results cohlanpiak lo i a khupthal lehter than dingin Republican a si mi Kemp le Raffensperger hi President Trump nih zapi theih bakin a hneek hna, tiah tuan ah khan US media pawl nih a thanh bal cang.

State election an kalpi ning hnahnawhpek dingin Trump nih Kemp cu a hneek len ko nain, cu bantukin state governor pakhat nih electons hnahnawh pek cu Georgia law nih a onh lo, tiah tutan zarh ah Hall nih CNN ah a chim. Zeibantuk a liannganmi order zong nih a khupthal lehpiak khawh a si ve lo mi elections cu elected constitutional officer a si mi Secretary of State nih a conghkhalhmi a si. Governor zong nih tu le tu a chim bangin, law hnung a zul peng ko rih lai i, cun ai tlak ningin karhlannak tuah dingin Scretary of State zong thazaang a pek ko rih lai. Khat le khat karlak ah i zumhraihnak nunter than dingah le ai buaipituk cangmi thil biapihla pawl tawlrel dingin le signature audit tuah dingin karhlannak tuah dingin a forhfial. An party leader nih heh tiah a phomh len ko hna nain, Goergia GOP election officials nih cun Trump nih vote firnak a um, timi ralchanh in hmai an suang ko rih.

Georgia ah hin Biden nih Trump hi vote 12,000 tlukin a thlau i, kum 30 chungah Democratic presidential nominee lakah amah hi Peach State ah bua a co hmasabik a si. State pumpi ah vote nemhnehnak an tuah mi zulh in, Nov. 20 ah khan Kemp zong nih cun Biden buan a co mi a phichuak namhnehpiaknak a tuah ve. State pumpi i audit an tuahmi ah hin 5 million ballots hrawng hi kut bakin an rel dih than hna. Kemp hi Trump a thanh ngai tu a si ko nain, nai ah khan Trump nih Kemp cu โ€œMi hrut, nichuak minungโ€ tiin phone in an i chonh lio ah a auh. โ€œKemp ka dirkamh mi hi ka ning lei a zakโ€ tiin tutan zarh zongah, Fox News i interview an tuah lio ah Trump nih a chim. A hawikom tha a thih ruangah, Saturday zan i Valdosta, Georgia i Trump nih mipi tonnak a tuahmi ah Kemp hi tel ai tim lo, tiah Hall nih a chim.

Georgia i mipi a ton lio hna i a chim deuh peng mi cu election a teinak kong le, Kemp a remlo nak kong a chim i, Senate thimnak zong hi fir a si te ko la, tiin a chim. Trump nih Georgia election system hi a chimchiat peng i Kemp hi a doh peng ah cun, amah minung lila hi an thin a phawh te sual te khawhmi a si, tiah tuan ah khan CNN nih a chim bal. An chim bangin cun mipi tonnak ah cun Trump nih a tuah taktak.

Supreme Court ah mah le minung tamter, phung kham chungnak an tuahmi donghter, second amendment rights hrawh, Congress ah Democatic votes tamdeuh in i tonenh khawhnak dingah Washington, DC le a dang state pawl ah hmunhma laa khawh ai timmi Democrat-controlled Senate hi Trump nih a saduhthah bangin a tuahto kho ti hna lo. Georiga i Senate thutdan pahnih co hi America khamh khawh nak dingah a nehhnungbik kuanfang a si, tiah Trump nih a ti mi zoh tikah, a lungchung tein election a sunghmi a cohlan, ti a lang. Credit: Chelsea Bawi