Rev. Dr. Hai Vung Lian Cu A Dam Tuk Cang, Tiah Thawngtha Taktak Kan Theih

Rev. Dr. Hai Vung Lian ( Hannah Lian pa ) thawng Update. Tu zanlei ah Church Chairman he Hannah Lian nu sinah kan kal le kan senior Pastor video zoom in kan va chawn. Tha tein a mit a au i a kan zoh. Kan i hmuhka ahcun amah zong a ngaih a chia kan mah zong kan ngaih a chia. Pastor kan in ngai tuk cang, Khrihfa Bu nih an in ngai tuk cang ti lawng kan chim khawh.

Kan van i hrim deuh hnu ah biaza za kan i ruah. Bia kan chim mi a dihlak in a theih dih. A lu a suk, a kut in a hmai a van tongh lengmang. Atu le a tu a ngaih a chia. A kan zoh ah a celh bak ve loh. Kan si khawh tawk tein lomhnak bia kan ruah, thazaang kan pek. Kan lung duh bia kan ruah dih hnu ah donghnak bia kan van chim le a kut a van thlir le bye bye a kan tuah. Siaherh bu tein kan lawi tak. Hi dirhmun a phaktertu kan Pathian min thangthat si ko seh. Nan thlacamnak Bawipa nih an ngaihpiak ko hna. Tuan te pulpit ah a dir than khawh nak hnga fak pi in thla cam ko rih hna u sih.

ECBC khrifabu hna, Dawtu hna nan thlacampiaknak thawng in le Pathian dawtnak thawng in tuchun cu kan pastor pa dirhmun a thar in thawng kan theih. A lung a fim cang. A kut zong an cawl kho cang. A takpum belte cu a cawl thlu kho rih loh. A kut hna cu exercise an tuahter pah cang. Zoom in an chawnh zongah a kut a piah pah, a luu hna a cawlter pah len cang an ti. Bawipa min thangthat si ko seh. Damnak tling a hmuh zau nak lai thla fak piin campiak ko rih hna u sih. Credit : Richard Ngun Lian