Rev. Dr. Hai Vung Lian A Hnu Bik Thawngpang Thar Update..Bawipa A Tha Tuk Hringhran.

December 8,2020 Rev.Dr Hai Vung Lian thawng Update.

Hannah pa (Rev.Dr Hai Vung Lian ) cu a dam deuh ko. Nurse nih an van ka chawnhnak ah a vital zong a ttha ngai cang an ti. Lungfimlonak sii le Fahlonak sii cu kan pek rih ko an ti. Oxygen leval zong a ttha ngai ko an ti. Pathian thei mi kan si i damnak tling a hmuh khawhnak lai thlacamnak he kan i zuam lai tiah Sizung Nurse hna he an i chawnhnak Hannah nu nih a chim.

Pathian dawtnak thawng in le pakhat cio nan thlacamnak thawng in tu zing ah Doctor te nih Rev. Dr. Hai Vung Lian cu ni dang nak in a let 10 tluk in a thangcho e tiah thawng an kan thanh. Amah tu cu hngilhnak si an pek peng ko rih caah lungfimlo in a it ko rih. Oxygen level zong amah ah 95 – 100% kar hrawng ah a um peng ko. Seh in zeimawzat hrawng cu an pek chih peng rih. Hitining tein thancho lam a panh ciahmah ko ahhincun caan raulo teah damnak tling zong a hmu than ko lai tiah ruahchannak nganpi kan ngei ko. Thla a kan campiaktu vialte nan dihlak cungah kan i lomhnak kan chim cawk lo. damnak tling taktak a hmuh khawh nak hnga donglo tein thlacamnak in kan bawm hram ko rih uh. Bawipa nih thluachuah in pe hram ko hna seh! Richard Ngun Lian.

Capar tha tukmi relchap ding a pam tuk, “Double-minded” (lungrep lomi). “Double-minded” (lungthin pahnih, lungthin vaivuanh, lungreplo, hnabu) tlaihtleng angeilomi le a zeipaoh a cohlaanmi le fektein a thinlung a bunh lomi “lungput ziaza” khi a chim duhmi asi. Hi lungput hi Bible nih a huat ngaimi le sualphawtmi asi.

Tahchunnak 1nak ah, Nungak tlangval iduhnak in kan chim ahcun a phiatciami a (Ex) he an ichawnhṭhan nain iduhṭhan awk le aduh taktak ti lo, mi dang le aduhmi a um pah fawn, cun duhtu dang le a ngei fawn tikah, an zatein a thlitein ruahchannak (hope) a pek viar hna i, zeidah ka tuah lai tiah hngalh loin a vaivuanmi thinlung a ngeimi bantuk khi asi. Pakhat ithim loin a kar lakah a ummi, nuamhnak a kawlmi thinlung ziaza khi “double-minded” ti cu an si.

Tahchunnak 2nak ah, Jesuh Khrih cu ka khamhtu le Bawipa ah ka cohlaan ti nain, a nawlbia ngaih duhlo, a duhnak tuah duhlo, Bible rel duhlo, thangṭhat zong huamlo, thlacam zong huamlo in, vawlei nuamhnak ah a nung fawn, taksa nuamhnak a tuah fawn, zuu, ritsii le nungak he aa ciah fawn, mikong ceih le thangchiat a huam tuk fawn. Cun Biakinn ah le Bawipa, Bawipa ti le hallelujah le laam a huam ngai nain, innchungkhar le rianṭuannak ah isik, mi ngaihthiamlo, dawtnak ngeihlo tibantuk le angei fawn. Mah bantuk khi “double-minded” a ngeimi cu an si.

Jesuh Khrih he Satan he vawlei he taksa nuamhnak he an kemh dih i an mah le an caan te ah a hmang thiammi khi an si. Biakinn le leng a ṭhenmi an si. Hi bantuk thinlung a ngeimi hna hi an awnem hmanh ah, an ziaṭhat hmanh ah, an idawh hmanh ah, an rum hmanh ah, an fimthiam hmanh ah, an hrinṭhan hmanh ah ṭihnung tukmi an si. Bible hrimhrim nihcun misual tiah a timi hna an si. Zumhnak ah Jesuh Khrih itlaih nain a nawlbia le zulh duh lo, vawlei nuamhnak le taksa duhnak ah zuan. Cucu Bible nih “lukewarm” ti zongin timi hna an si. “Kih ah kih lawlaw lo, lum ah lum lawlaw lo” in a ummi Pathian nih a huat tukmi asi.

Hibantuk thinlung ngeih hi vaivuanhnak asi. Vawlei ah tlaihmi pakhat khat ngeih lo ahcun vaivuanh asi ko. Cun zumhnak zongah harsatnak le thihnak tiang a phakpitu thinlung asi. Mah double-minded hi kan Khrihfabu cio ah a tam tuk tikah hrinṭhan le hrinṭhan lo zong ihngalh khawh asi ti lo. Hrinṭhan hi hrin loin cawn in kan thiam. Pathian nih a huat tukmi “thinlung ziaza” asi. Jesuh Khrih kan zumh ahcun Satan le vawlei hi kaltak hrimhrim awk asi. Lai Bible ahcun “double-minded” hi fiangtein a let lo caah mirang Bible rel ahhin a fiang ngaingai. Credit: James Vanneilian