Rev.Dr. Hai Vung Lian A Hnu Bik Thawng le Thlacam Sawmnak

Rev.Dr. Hai Vung Lian A Hnu Bik Thawng le Thlacam Sawmnak

Tuni Sizung lei in thanh nak an tuah mi ning in cun tlawmpal cu nizan nak cun kan tha a hung nuam deuh. A kal hi ttawl a hau men lai, thaizing lei ah schedule kan tuah lai ee an ti.

Dr. Hai Vung Lian ( Kan pastor) hi Pathian nih a hlei tein a thim i thluachuah a pek ko tiah ka ruah. Kum 10 reng lo chung a Khrihfa bu ah chungtel ka si cang i zeitik hmanh a aw sang in thinhun nak le a hmai sen ka thei bal lo. Hngakchia/upa thlei dan nak um lo in mi a chawn bia i a biaruah a hei lumsat ning. Ngeihchia mi caah mi hnemh a vai rep ning le mi conglawmh a vai i ret ning.

Khrihfa bu caah ai pumpe i zei bantuk thil kong hmanh ah dik nak le fel nak in riantuan a duh zungzal tu a si. Nautat mi ngei lo in rian a ttuan tu pa cang a si.

Atu hiti a hun si cu Khrihfa bu mipi kan dihlak in mitthli he kan iciah dih. Ngeihchia in mitthli he thla kan cam zungzal. Zumtu fale vialte hna zong nih Pathian sinah fak piin thlacam kan bawm peng ulaw tiah Bawi khrih min in zaangfah kan nawl hna. Credit: Paul Lian

Relchap nizan thawngpang pawl; Rev. Dr. Hai Vung Lian Kongah Thawngpang Thar update. A tu te kha ECBC an Khrihfa upa Pu Sang Kung he kan i chawn. “ Atu te ah khan an nu he kan i chawn i nizan naakcun a ttha deuh ngai tiah Phone an ka chonh a ti “Lung dong lo in faakpi in thla cam piak cio ko hna usih. Atanglei ning hin tuzing thawngpang kan theih ning cu a si. Tutan ah thawngpang tha kan theih than tikah kan lawmhtuk cio lai dah. Pathian nih damnak tlamtling pe hram ko seh.

Rev. Dr. Hai Vung Lian he pehtlai in- ACSY Secreaty Pu Peng Hu nih- A tu hi Rev, Dr Hai Vung Lian cu sibawi te nih hope a um ti lo an ti i Oxygen kan phoih canglai an ti, achung khar nih an siang rih lo, tiah thawng kan theih. Thla cam bawm cio rih ko hna usih. Tiah ca a van thlah. Lung dong lo te in thla cam piak hna usih. A tu te kha US in a hmanthlaak ka hmuh i thlacam piak khawh ding in ka van taar. Credit: JP Biak Tin Sang

Maw Kan Pathian, Rev. Dr. Hai Vung Lian a nunnak kan zuah piak hram ko. Kan miphun le na khrihfabu caah chiti na thuhmi a si bantukin le a sining dihlak le dingfel te in na rian a tuantu a si bantukin na vel kan thumhthlak piak hram ko. Amah ai ah nunnak lak awk aa tlakmi tampi kan um ko. Mithang Paul nih ka nun rih ahcun kan pum nih Pathian sunparnak a langhter lai ti ka hngalh caah nun rih ding kaa thim a ti bang, na sunparnak caah damnak kan pekpiak ko. Nunnak pek in a kan dawttu Khrih min in, A Men. Rev. Dr. Chan Thawng Lian.

KAN THLACAM KAN LET SAWH; Maw kan biakmi Khuazing Kan Pathian, na rianṭuantu na fapa Rev. Dr. Hai Vung Lian (Hannah pa) a zawt a zual i Oxygen pek chom in sizung ah a um ti kan theih. Kan miphun ning in kan thin a phang i mangang in kan um. A nunnak khamh law damnak tling kan pekpiak sawh tiah thla kan cam i kan in nawl. Kan in nawlnak le thlacamnak hi kan theihpiak sawh ko mu. Kan thin a phang tuk hih. Khrihfabu le chungkhar zohkenh ding rian tamtuk na pekmi a lim nai sai rih lo. A nunnak maw dihter sual lai cih mu. Nangmah kut cung ah a um ko. Kan khamhpiak ko sawh. Credit: Vanceuuk Khenglawt

 

Leave a Reply

Your email address will not be published. Required fields are marked *