Nan chimmi hi 2010 lioin CBFA hruaitu sinah chim a si cang!
=========
2012 ah CBC-USA tiah a min thlen a si. Nain, Laitlai timi khi an dirpi. Falam nih Len kanin duh hna, an ti zong ah innka an rak khar. CBC-USA cu Chin min aa bunh ko nain Lai lawng aa tlaih. Baptist dihlak a huap lo. Falam ah a ummi CBC cu Chin miphun dihlak an i tel.
Chin miphun dihlak huaptu bu cu biaknak lei in si loin CYO, Chinland club, CNF, hruaitu hna nih nan thok a hau. Kachin Alliance cu biaknak lei in hruaimi a si lo. Biaknak ahcun ramdang ah a ummi Kachin Baptist vialte cu Overseas Kachin Baptist Convention an ti i, Kawlram ah civui an va kai ve. Cutluk cun an fek. Nain Kawlram KBC cu hmun 2 ah faaktuk in an i tthen.
Kanmah CBC-USA hrimhrim hi Chinmi funtomnak agenda kan chuahpi zongah ekput ah an kan hlonh piak. 2012 in atu tiang ah keimah hmuhning ahcun very narrow minded Laitlai bu CBC-USA a si. Chinmi dihlak huapmi bu ser khawhnak le Chinmi voice pakhat kan ngeih nak ding lam a sersiam khotu dingah CBC-USA cu a lungthin a mer suau- mau a herh hrimhrim. United Chin Organization a dir hlan lo chung cu No Chin, No Voice, kan si. USA le UNO hmai ahcun eekveek kan si ko rih. Miphun dawtnak he ka ttialmi a si. Credit: Rev. Dr. Chum Awi
Chinmi lungrual kan herh caan hi a tu lawng ah a si lo, Chinram kan rak tlak ka in a si cang-milu tlawnte kan si caah. A tu cu zeiruang ah Chinmi a huap dih mi bu (organization) biaknak le a si ah, vawilei lei a si ah, kan ngeih khawh lo ti hi biatak in kan kherhlai i a lam kan kawl caan a si cang.
US ram ummi khrihfa bu vialte CBCUSA ah rak i fonh dih uh tiah hramhram in au hmanh uh, caandongh tiang zong ah lungrualnak hi nan ser kho lai lo. Cubantuk in hramhram in hriamtlai vialte ah i fonh dih uh tiah an au lengmang mi nih hin caandongh tiang zong ah an in fonh/duh lai ka zum lo hrimhrim. Chim duh bikmi cu unity approach kan tuah ning hi fimkhur tein a si ding a si ti hi a si.
Tu kar hi USA ahcun Chin puai caan asi rua. Peng le tlang le miphun then te cio in tonnak le civui tuah asi. Chindianapolis ko ah hin, Chin puai cu a tam. A nuam ngai i, lung zong a hmui.
Miphun then Tete Zomi, Zotung, Lautu, Mara, Senthang, Mizo, Zophei, CYO, Falam Pawlpi, Dai/Khumi, Matu, Cho, tbtk in mah le family cio in organisation dirh cio dih asi.
USA State cio ah Chin Community aum cio rih. Mah le State cio in CND tuahnak tbtk le Chin community tete rak tuah cio asi. Biaknak lei bu (CBCUSA) cu a um. Church 100 leng an i tel kho i a tha tuk. However, US congress tbtk nih hin hrapcheu aiawh tbtk an pom kho lo.
Tahchunhnak ah Catholic kha CBCUSA nih a huap kho ti lo. Kawl holh hmangmi thlanglei laitlang lei kan unau hna Church tampi, Gospel, UPC, tbtk an huap ti lo. Mid America Chin Churches pawl dang tein an um rih. Falam Churches tampi a huap ti lo. Zomi le Sizang Churches huap lo. Mizo, Matu, Khumi, Dai, Church pawl huap thlu lo. Lautu, Mara le Zotung a huap ti lo.
Miphun then kan rak tam ngai nain, UN le US cozah tbtk sin ah Chin miphun dihlak aiawh in bia a chim kho ding Chin huap dihmi Bu/org kan nei rih lo. Ralzam kong, IDP, le Chin dothlennak tbtk caah kan mah te lawng in kan um cio. Chin miphun USA ram chung ummi hna ca zong ah represent a tuah kho ding phu pakhat hmanh kan nei kho rih lo.
Kan unau Kachin hna hi, “Kachin Alliances” tiin bu anganpi an dirh khawh. Kachin Khrihfabu le bu le phu tete an aiawh dih cikcek. Unity an ser khawh i, US Congress ah Lobby an cak hringhran. Kachin kong an chim khawh ngai. An hruaitu le hna an fim ca lawng si lo in, an miphun dihlak in an lung a var i, united si khawh a biapi ning kha an i fiang tuk cang caah asi.
America ah um mi Chin miphun dihlak kan i pehtlaihnak bu pakhat cu ser kan herh ko cang. 2010 kum deuh in Chin mipi tam deuh USA ah rat asi. 2010-2023 kar ah kan karh meisei. Kumpi kum 10 ram kan tlaknak asi nain, mah le dang te cio in a khua leng khua le peng le tlang in kan i then thek chin chin. Cu lio ahcun, UNHCR tbtk le US Congress tbtk nih Chin mi kong ah chawnh biak rak kan duh hna seh law – Kawl pa le Kachin pa tu an chimh hna ding dirhmun kan si. Mah caah cun, US ah Chin dihlak huap bu ser a herh ngai ko.