Rev. Dr. C Duh Kam: Pathian Sin Thlacam Kan Herh Bik Caan

PATHIAN SIN THLACAM KAN HERH BIK CAAN
===============
Atu hi Myanmar ram hruaitu hna le rammi dihlak caah Pathian sin thlacam kan herh bik caan a si. Pathian nih Jerusalem biakinn pi sak thannak caah Zerubbabel sin ah “Na tei ko lai, sihmanhsehlaw ralkap thawnnak in a si lai lo, nangmah thawnnak zong in a si lai lo, Ka Thlarau tu in a si lai” (Zekhariah 4:6) tiah a rak ti bantuk in, zumtu hna nih Bawipa sinah thla kan cam ahcun lam khat khat in teinak cu hmuh khawh a si ko lai.

Paul nih “Pathian cu kanmah lei i a tan ahcun aho nih dah a kan doh khawh lai?” (Rom 8:31) tiah a ti bantuk in Pathian hi harnak ton lio ah sawm kan hau. Bawipa hi kan sin ah a tan ahcun teinak cu ral ah kan ruahmi hna chung zong in a chuak kho ko. Kawlmi nih “Ngacin thau in ngacin kio” timi bantuk kha a chuak kho ve ko. Pathian cu aa tumcawpmi Pathian a si. Minung chan pakhat chung reng ruang temtawnnak le harnak kan inmi vialte cu A theih ko. Luatnak le zalawnnak cu hmu ve cang hna seh ti cu a kan duh ko. Rili sen tan hnu ah Jordan tiva tan ding a um rih bantuk a si kho ve. A taktak ahcun “Teinak cu Bawipa ta a si.” Pathian sin ah thlacam tinak in bawm ko hna usih. Credit: Rev. Dr. C Duh Kam