Rel nuam tuk News le Huat a tlai tuk mi Lobby an hlan mi news an kong

Rel nuam tuk News le Huat a tlai tuk mi Lobby an hlan mi news an kong
======================
Ralhrang Ralkap Ni hlunghlai tak tak in tuah an i timh. Anaa- an ting mi a ruang le an planning chim an duh caah Sandahpiah mi nih an kan tuah ter kho sual lai an phang tuk caah Rangon cu Martial Law an chuah nak a si. Mandalay le adang Region le State zong Martial Law an chuah khawh men mi a si. Ralkap Ni kai ding an sawm mi hna Hriamtlai le Embassy cheukhat nih kan kai lai lo a ti mi an um cang. Lawmh a um tuk.

American Mirum pa Open Society Founder George Soros a rian tuan hawi minung 11 pomah 505 in taza an cuai hna caah George Soros nih cohlan kho lai lo caah MAH le hawi pawl cu an mah le an mah rep an i fawih bantuk a si. CRPH Dr.Sa Sa le U Kyaw Moe Thun an rian tuan mi an hlawh atling deng cang. Tlangcung hriam tlai a si mi KIA le KNU nih ralhrang ralkap minung an thah hna ti thawng hi mi lung a hmui tuk. Ralkap nih an tih bik mi cu Tlangcung hriamtlai pawl an si. Asean ram ah ram rum bik a si mi Indonisia Malaysia le Singapore ram nih MAH a thil tuah mi thu thiam lo in an tuah peng.

Huat tlai tuk mi News, Lai Mi kan Dr. Ngun le Canada ram um Judah miphun pa Ralhrang ralkap an thil tuah mi Lobby an tuan piak mi cu minung thin lung put tal an ngei hnga maw ka ti. Ralkap an chim mi le tuah an fial mi document pawl hi mihrut hmanh nih an zum hna lai lo. Phaisa duh ruangah a si ko. Tuluk le India ram cu kawl ram caah tih a nung tukmi ram a si. Vawlei cung Democracy ram ngan bik kan si a ti mi India ram cu huat a tlai tuk ve cang.

Ralkap ni a phanhhlan cu Mipi le Sandahpiah mi a hlei in i ralrin ahau. Palek sakhan meiduah le Palek hna he hmaiton in zuanhnawh hna hlah u Aruang cu R2P le UN hi kawlram ah luh ding in an i timh caah hrial khawh a tha bik. Sang le veng ah Pakhat khat a si sual si cun thawng thanh zoh zoh u. A herh ah cun nan ngeih mi hriamnam in tuk le velh ding a si. Nan pum runven nak caah upadi hi a kalh lo mi a si. April thla chungah anak si cu a nak cang lai Arang si cun a rang cang ko lai. Teinak a nai chin leng mang cang. Credit: Robert Ling