Ramthum nak a kal mi le a phan mi nan i ngalhsak nak hi zeihman asi lo nan hram hi zohtuah uh

Ramthum nak a kal mi le  a phan mi nan i ngalhsak nak hi zeihman asi lo nan hram hi zohtuah uh
Ramthumnak (Developed country) kan timi ahhin mah phaisa tampi dih in le fimnak ruang ah aphanmi cu kutdong khiah zat hmanh hi an si la loh. Pathian lamhruainak le thluachuah kutka an kan onpiakmi asi ti ruah khawh ahau. Angaite tiah ralzaam in kal cio kha si ko. Ralzaam in kal cu nangmah thil ti khawhnak pakhat hmanh ai tel loh.
Cheukhat ramthumnak ummi cu Pathian thluachuah dawh asi ti hngal bu tein duhnung te le upat hmaizah ton tein khua asami an um ve ko. Cun ram le miphun, chungkhar le khrihfabu zatlang caah atthahnem mi tampi zong nan um ko. Amahbelte cheukhat cu khuaruahhar lungput chia zong nan rak um ve hoi. Ramthumnak ummi a fanu cu apa nih facebook messenger achawnh le afanu nih alehnak bia cu khuaruahhar lungput fihnung bak si. Hihi anmah pafa lawng an si lai loh- hi bantuk minung hi nan rak tampi lai.
Voikhat cu kan har tuk cang. Kan leikuang le kan fanu Malaysia kalnak ding ah kan pawn. Hnu ah cun kan cham khawh tilo caah an kan tlaih. Kan fanu cu pei ramthumnak (third country) ah aum ve cu tiah kan innpa (amin chim duh loh) phone in kan fanu cu ka hei chawnh; Nute, na nule pa kan tar ngai cang. Na nau le pahnih le sianginn an kai. Tuhi na nau pakhat taanghra kai ding si i, asawng (Boarding) chiah ahau. Phaisa fang khat hmanh le kan ngei lo. Cucaah cun nangmah kan in bochan ko hih. Na von izuam hau ko tiah ka chawnh.
Aka lehmi cu; zeizatdah aherh lai, a cacawnnak ding cu tiah avon ka ti. Kawl phaisa sing 15 hrawng cu dih lai i, tuthla ah sing 6 tal cu nan pek chung hrimhrim ahau tiah an kan ti le tuthla ah sing 6 tal cu na von kuat hau ko tiah ka leh. Aka lehmi cu; tukum ahcun kan kua kho hna la loh. Ka harsa tuk. Bill hmanh kai pek kho lo pi. Tukum cu nanmah nih rak buapi ko uh. Phaisa zong cu rak cawi rih ko uh tiah aka ti. Nan phaisa cah tamtuk tiah aka ti i, avon ka raak len ko.
Mah hihi ataktak bak si. An min chim kha aduh lo. Mah hihi keimah fa lawng si la loh. Hi bantuk minung hi an um cio ko lai ti ka zumh caah nannih cattialmi nan si caah Laimi theih in capar phun in hung kan ttialpiak ati caah ka von ttialmi si. Note/ Hmanthlak hi cu google ah lak chommi asi.

 

Credit: Bung Kahcham

 

admin

Leave a Reply

Your email address will not be published. Required fields are marked *

error: Content is protected !!