RAMDANG UM HI FA LE CAAH CA CAWNNAK A THA NAN TI LENGMANG MI HI NAN PALH BAK A SI
===================================
Kan vun zoh hna lai teh. Ramdang ah Laimi tampi kan um hna i, a tam deuh hi cu riantuan an zat hlan ahhin Middle le High School te hi nan hei kaiter hna i, riantuan an zatin atam bik hna cu rian nan hei tuanter hna hi a rak si. B.A, BSc, Bcom Graduated a niam bik hmanh hi rel ding nan um bak lo khan hi a rak si. M.A, MSc, Mcom hna hi cu um ko seh.
Nan rak hlat tak tak hi a si than. Middle Siang hngakchia le High School Siang hngakchia hi cu thah cawk lo bakin nan um hna. Graduated phan lomi hrim hrim nih cozoh riantuan khawzei ram hmanh ah tuan khawh bak a si lo. Cucaah ramdang um hi fa le caah cawnnak a thatnak ka hmu ve bak lo.
B.A, BSc, Bcom hna hi cu Laitlang hmanh ah thah chawk loin an um cang. M.A, MSc, Mcom hna hi Mizoram ah thah cawk loin an um cang. Cohzah rian um sehlaw, thah cawk loin Ready bakin Interview ah an um cang.
Cucaah ramdang hi fa le caah cawnnak a tha nan ti lengmang mi hi nan i fiang ngai ngai cang lai tiah ka ruah. Laitlang cawnnak le Mizoram cawnnak hmanh hi nan rak phan nai sai lo titu hi rak thei hrim hrim cang u. Graduated si lomi hi khawizei ram hmanh ah cathiam timi an si lo cu teh. Cucaah ramdang ummi hi cawnnak ahcun a niam tak tak mi tu hi nan rak si. Crd-Edel Khuma Thlauhthang
Dawtnak Deu, Voikhat cu nupa hna saram chiahnak hmun an leng. Kuttlaih bu khin saram pakhat hnu pakhat an bih hna. Chun ni king, Ṯhuro awnh le Huho awnh thawng lunglen hruai le hnemtu vanhai saram an hmuh ah an zaangram tuk. Khatlei tiva ral an hei pet.
Tlimno rawn, thing hmawngṯhiam lo ram, aho hmuh lo ram ah aa kilh bang nuam ngai in a tlonglen mi Zawng nupa an hmuh hna. An i hmanh zawn, Hrik an i zoh zawn, an i dai zawn, aho vanhai lo khin vawleipi hi anmah ram ko a hluan. A nupi nih a thawh i, “Kan pa! Zawng nupa khi zoh hna hmanh.
Zeitluk in an i dawt. Duh an nun khawh ning,” a ti. Zei bia chim lem lo khin Chiandeih umnak ah a kalpi. Zawng nupa bang an ti lo, hmunkhat ngaingai zong ah tlongleng lem lo khin aa rem lo bang a kine veve an bok. Nu ṯheu cu, “Kan pa! Chiandeih hna nupa hi an zei lung dah tluang hnga lo? Dawtnak a ngei lo mi hna nupa an si.
A langhlat in a meet rumro in an i meet hnga, mibonlo an si, a ti. An pa nih a thawh i, “A nu hmai ah khin lung pum hei chep law zeidah cang na hngalh lai a ti. Lung pum cu a hei cheh i Chiandeih pa hrum thawng cu mithlakok a baar. A dawt mi an nu fahnak a pe mi cung ah hohaling in thlehbauh viar hna a duh. Mipa nih an nu a thawh i, “Zawng hna nupa hmai ah lung hei chap ṯhan tuah, a ti. Aa kuprek cuahmah mi Zawng nupa hmai lung van cheh cu i zawnruah zong a um lo.
Phirpahliklo -khin a perchoi i thingkung ah lo diam a kaitak. Zei biachim awk hngal lo khin an nu hmai a dul.
Lenglang mi hmuh zohdawh menmen ah aa daw tuk um in um, aa duh tuk um in um. Chunglei dawt kuang a reu mi thinlung kan hmuh lo mi a um tihi hngalh a hau. Nihin Laimi nuva karkhuah kar ah a cang mi tampi a um.
An riahruun ah a cang mi chungkhar zawtnak leng lang lo a um bantukin runinn toi ah kan mizia a si lo mi mi zohdawhnak sawh ah kan vahpi mi a tam. Phun dang in kan chim ahcun, chungkhar ah nuva kawp-khat um in um loin, ngeihchiah zong i hrawmpi lo, hmuh mi le hmannak zong i hngalhpi lo,
lungthu kua pakhat ah rawlbel zong a khingṯi in dinei zong aa hrawm lo mi, hmunkhat hmanh ah it lo in mi dang mithmuh sawhsawh lawng ah nuva a si mi an tampi. Chungkhar buaibainak hi aa khat dih lai lo; kan tong mi harsatnak le fahnak zong aa khat dih lai lo. Sinain kan duh mi aa khat bik mi pakhat cu “dawtnak” a si.
Kan nupile zong mifanu dawt, kan pasalle zong mifapa dawt. Harnak le fahnak, siṯhatnak le zawtfahnak lak zong ah, i dirkamhpi ding le chantlung chandongh tiang kutsih in khuasak ding duhpiak cio mi kan si. Sinain Cenghngia bang Tuuhmul i aih in ‘dawtnak deu’ he hmailei mah karkalak hui duhnak lungput ngei zong cu kan rak um ve tawn.
An sin/cung ah kan lung a hmunh khawh lo caah mitpar kan ngei; harnak nih a kan phak tikah zawnruahnak le thlachiatruahnak a um kho lo. Cucaah harnak caan ah zamtak a hmang mi dawtu cu “Zawng” bantuk an si. Mi hmuhnak lawng ah dawt i chungkhar taktak ah dawtnak ngeih lo. Taktak kan ti ahcun, dawtnak hi bia in a si lo, tuahsernak tu in a lang mi a si. Cucaah na dawt mi kha Zawng bantukin muaitham hlah, Chiandeih bantuk tu in rungveng. crd-Carson Twintwin