Ram Le Miphun Ca I Nunnak Pemi Tampi Lakah Velhlei In Ram Dawt Hi Cu A Rak Poi Ko Mu!

RAM LE MIPHUN CA I NUNNAK PEMI TAMPI LAK AH VELHLEI IN RAMDAWT HI CU A RAK POI KO MU
==========
Fimnak hi a rak sung lawituk kan ti ko na tein phaisa hmaiah cun zeite hmanh khi a si ve hawi lo, a rang(White) kha a nak a ti i, a sen kha a dum a ti ko, sihmanhsehlaw kha kha fimnak timi a muru tak tak cu a si ve lo, velhlei tu a si.

Velhlei ti mi cu Lungchung dawtnak tak tak si lo in, a daw khun bantuk in aa um ter. Salai nih Naypyidaw an ting tik ah meithal tleih in ramrian ka tuan ve lai a ti tawn mi khi velhlei a si, a ruang cu meithal in Naypyidaw vating khi a har ko lai, Napyidaw va lak zong khi a herh lem lo, cu caah salai nih ram le miphun caah meithal a tlai ve hlei lai lo.

Kan nih laimi cheukhat cu nu ngak helh nak lawng ah si lo in political le dohthlennak kongkau zong ah velhlei kan thiamtuk, velhlei in mi forh le uk kan I timh hna hi cu a rak poi ko. Rian tuan nak kip ah zeithil paoh hi a chia a tha a cawhdih ko lai, si nain kan I tinh nak lamtu kan i palh nak hnga lo a bia pi.

Nihin kan dohthlennak ah hin less evil le lesser evil tiin choice thimding kan ngei mi Chung in, ram le mipi caah, kan sung mi nak in kan hmuh hnga ding mi hi a rak sung lawi deuh. Sihmanhsehlaw Fimkhur tein kan ral cu kan doh hna a herh bantuk in Lesser evils le Nun him tein kan I tinhnak phanh khawh a herh ve.

Kawl ram pumpi state le miphun tuanbia kan zohtik ah Yakhaing le Moon miphun dah ti lo cu kawl nih UK mi miphun kan um lo. Mah nawlngeihnak in a rak I thithruai mi miphun lawng te kan si. Mah nawlngeinak ca I ram caah manpalh lo bak in nun nak pek ding ah miphundawtu tak tak miphun ralkap kan rak ngeih hna hi cu a rak sung lawi tuk.

Cu caah miphun ralkap le Mitam pi nih Ram le miphun dawt ruang i nunnak a liam cang mi le kutke pumtlam tling lo in nunnak an pek lio i velhlei in ram le miphun dawtu hna nih kan hnurh sual nak hnga lo bia pi ko. Credit: Hrang Tin Thang