Ralzam dirhmun kan si hlan ah cun khuate lei in har lengmang in!

Nan hmaikhah a si lo!
=======
Ralzam dirhmun kan si hlan ah cun khuate lei in har lengmang in an cinthlak an zuat satil arva cun a dangdang thil an van zuar ah kan tthum deoh uh cuzat/khazat in nan kan pek long ah tiah kan rak det tawn hna, An thilzuar dih i anduh herh thil tete zalh an duh ve caah an kan thumh, ( kan det khawh deoh hna poh ah kanrak i lung hmuih).

A tu ralzam in kan van um i khuate kip ah kan tli kan zam, an cin tlak poh an kan thenh an kan ei pi, an kan cawk cia Bel le kheng puan lum an kan hrawmh, (a phun tampi) thazang an kan pek, Ka hei ruah ah hin nan hmai kan khap hna lo, (kei mah pumpak feeling). By – Ni Hlei Sung

Comment Pawl: ka u hihi ka rak ruat tuk ve, khuapi um nih khuate nau an nek ning hi keimah hrim nih ka rak ton nain ni hin ah cun khuapi fa nak in khua te fa hi chawva lawng si lo, thinlung le ruahnak le nun hrim in an rum deuh cang, khua pi mi cu a leng in an rum nain a thinlung a rum mi an tlawm deuh ko ka ti, Thil det zong an thawng deuh.

Mifim bia upat tlak nun. Bawipa dawtnak na cungah hmun camcin ko seh. A dik in a ttha kho tuk ai. Zapi zaran cu an lung a pem kho cio lai lo dah ka ti. Biatlang tawite ttung in fim tampi na kan chimh khawh caah kan i lawm hringhran mu.

A hman kho tuk ka ningzak ti zong ah tha hnem ti lo Bawipa tu nih thluachuah pe ko hna seh. Thinghmui san chel ram san chel ti si ko hih. Thup lo tein na lungthin ummi te bak na hun tial le a si tak ko lai. Vawlei hi cu mah ti khan a si pah ko. Lung tha lo tuk zongin um hlah. Nan rak kan tthumh mi tampi kan um ve ko khah. Nu tampi lakah mi khuaruat le mifim cu na rak si, ti hngalh khawh si, kan lawmhtuk.

Tangkhawng 7-9 Diary: Thangzang Thar le Semnak Bungkhua ah! Thantlang cu zamtak le khangh a si tik ah Thantlang khuachung ah a um mi mithmuh Khrihfabu a um ti lo. I tthek dih a si. Mit in hmuh khawh lo mi Khrihfabu dirhmun in hmunkip ah kan vai.

JMBC Khrihfabu zong hmunkip kan i ttheknak in 2021 JMBC kumdongh meeting tuah a hau. 2022 Kumthar ah zeitin kar kan hlan ve hnga ti zong ruah a hau. Cucaah January 7-9 tiang Thangzang Thar ah meeting tuah ding in kan phan.

Lawngtlai, Sangau, Farkawn, Serchip in, Falam, Hakha, Phaipha, Tlangte, Tihbual, Tahtlang, Bungkhua, Ruakhua, Thau, Salen, Hringkhan, Bungtlang tiin kan phan. JMBC pastor 7 le Staff 6 tling tein kan phan. EC Upa 11 le a dang 3, kan zapi 27 kan phan kho. I hmuhton lonak a sau i ai ngai tuk cang mi rianttuantu hna Khrihfabu rian nih hmunkhat ah a kan funtom caah kan i lawm!

Tangkhawng 8 cu zing in zanlei tiang meeting kan tuah. Zanlei ah Thangzang Thar um JMBC ralzam ka va vehta hna, nain khua nih a ka muihphuat ca ah ka veh dih manh hna lo. Zan cu kan i pum. Thangzang Thar Khrihfabu le khua mi nih lunglawm tein an kan don, eidin tirawl le ihzaunak ah chambau lo tein an kan zohkhenh ca ah kan i lawm tuk. Pathian nih thluachuahza pe ko hna seh.

Tangkhawng 9 Zarhpi cu Bungkhua ah thawngtthachim ding in ka kal. Jan. 4 ah hi vawlei nunnak in a kan liamtaktu ka Pa Su (ka nu u va) thlan zong zoh pah a hau. Tuzan pumh dih in hi diary ka ttial. 2022 Tangkhawng 9, Zarhpi, Bungkhua. Credit; CP Lian C