Ralzaam sinak (refugee status) sok tikah bawmchantu asimi!

Ralzaam sinak (refugee status) sok tikah bawmchantu asimi
===========
Mithar kan si ah mihlun kan si ah UNHCR ah ralzaam sinak kan sok tikah kan sining (case) a kan cotlan khawh nakhnga bawmchantu pakhat khat tal a rak um ve hau. Tahchunnak ah pakhat khat ruangah tazacuai kan chuah tikah biaceihnak zung nih biakhiahnak ah an zohchih tawnmi cu tete (evidence) hi asi. Cu ve bantuk in ralzaam sinak kan sok tik zong ah interview tuahtu le biakhiaktu (officer) nih an zoh tawnmi cu evidence (tete) a um maw um lo ti khi asi tawn.

Kan theih cio bang kum 2017- 18 hrawng ah UNHCR nih RSD interview a rak kan tuah i 100 ah 90 cu kan sung dih (card chuh kan tong dih). UNHCR nih cohlan lonak a ruang tete (evidence) he an langhter lio ah kan nih cu ralzaam kan sinak a ruang kong hmanh tha tein kan chim kho lo. A tutiang zong kan ram a chiat ko bu zong ah card chuh cangmi (final reject) asimi cu catial than ko zong ah auh than a um lo.

Cucaah ralzaam sinak kan sok tikah a kan bawmchantu ding pakhat khat kha kan neih hrimhrim a herh. Cu bantuk bawmchantu cu zeidah asi kho tiah cun: 1. Hmanthlak, 2. Media, 3. Nuhrin Covo bu ( Human Rights groups) cachuah
4. Activist, biaknak bu, ramkhel bu pakhat khat nih ca an tialmi le chuahmi.

A tu lio kan ram ah cangmi thil ( a hlei in Laitlang ah a cangmi) pawl kha tha tein khawmhsuat i zuam. Zumhawktlak media ngan (Chinland Post tibantuk) nih Laitlang thil a cangmi kong an tialmi kha i chiah. Chin Human Rights Organization (CHRO) tibantuk nih ca an chuahmi kha laak khawh i zuam. Inn le lo hrawhmi le khanghmi hmanthlak pawl kha i chiah hna.

News (media: BBC, VOA, RFA, DVB tibantuk) nih an tial, an chimmi kha screenshot or record tuah khawh i zuam. Card chuh cangmi zong nih mah sining he aa pehtlaimi tehte (evidence) asi ah ahcun case onpiak than khawhnak ding ah UN zung (RSD Unit) ah email in kuat khawh peng asi. RSD interview tuah rih lomi zong nih interview tikah mahbantuk kan i chiahmi tete kha kan piah (langhter) khawh ahcun bawmchantu an si kho.

Theihding: Chin Human Right Organization (CHRO) facebook page khi like law ca an chuahmi na hmuh peng lai.

Chin Ralzam Australia Perth khua Anphan Than Cang Lai. Ram hnihnak ah atang mi Chin ralzam pawl cu Australia Cozah nih ram chung luhnak Visa apek cang hna nain, Covid-19 zawtnak ruang ah kumkhat leng a hren cang hna.

Ralzam zohkhenhtu hna nih Chin ralzam an phan than cang lai tiah thawngtha taktak akan thanh. An phanh hnu ah chungkhar le Community cu thawng kan nin thanh than te hna lai…Perth khua an thutumnak kong ah chungkhar le Community nih nan rak bawmh cio hna lai tiah thawng an kan thanh…

Nai hrawng cu Africanistan ralzam pawl cu hmunkhat te ah tam taktak in an phan ton leng mang,Chin ralzam ramhnihnak i atangmi hna zawng Australia ram ah tam pi an phanh khawh ve nak lai thlacamnak in rak bawm cio hna uh sih…