Ralring pek nak:Pasal nupi ngei cia lainu laipa cheukhat i ralring uh thup khaw a silo hi

A hmasa bik ah mah ca ttial tu nih hin a mah nih a hmuh tonmi kong bak a ttialmi si i ka cattialmi bantuk a tongsual mi nan um i ka ca nih aan hnorsuan hna sual ah cun rak ka ngai thiam uh, ho hmanh kan ti hnawh hna lo nain nupi neih buin nungak mit lawng a aumi le pasal neih ko bu ah padang mit lawng auhmang pawl nih ttha tein rak rel ulaw ka duh tiah bia a danh ta.
Kan chan tiluan a tthancho tuk bantuk in sualnak tuah hmang minung pawl zong nikhat hnu nikhat in an karh thluahmah, hlan lio ah cun nungak le tlangval neih hmanh hi a rak har tuk nain tuchan ah cun voikhat hmang leng i hmuh bal lo bak in online cung hmanh in aa duhmi an tam tuk cang, lengah pa dang hmanh a chawn ngam huaha lomi hna nih chat box in cun tlangval chawnh an ngamh tuk cang.
Facebook, Viber, WhatsApp le WeChat chung in hawi a kawl deuh tu le mi chawnh zuam deuh pawl hna lak ah hin pasal nei cia le nupi nei cia ko hna hi an tam khun (an nupi maw an pasal le he ttha tein aa tthenmi an si ah cun phungdang). A si nain mah lio ah cheukhat nih cun internet le online hi zei tluk in dah ka caah tthatnak in ka hmanh khawh lai tiah aa rak zuammi zong cu an um ve hoi i cheukhat nih cun ttha tein phaisa hmuhnak ah an hman.
A si nain buainak a chuak bikmi cu pasal neih ko bu le nupi neih ko bu ah online cung in nungak le tlangval neih hi si ko, cheukhat pa pawl cu an nupi le he ih tti le sualpi hna vuai in a thar kawl an duh lio ah cheukhat pasal neih ko bu ah tlangval thar he a thli tein caan hman tti an rak duh ve hoi, a si nain hi thil vialte nih a chuah termi cu hmual phonak le thangchiatnak lawng te si ko.
Cu ruangah pasal na neih ko bu ah online cung in tlangval chawnh cu hmang bak ti hlah law nupi na neih ko bu ah online cung in nungak kawl zong hmang bak ve hlah, kha bantuk thil nih khan caan zei maw zat chung te cu nuamhnak an pek khawh men lai nain nan nun chung na ngaihchih peng dingmi thil lawngte a chuah ter tu an si lai.

 

Leave a Reply

Your email address will not be published. Required fields are marked *