Ralrin herhnak!

Ralrin herhnak!
==========
Tutan kan ramkhel ah a buaingaimi cu ‘Dalan’-thawngpetu, hi a si. Mah he pehtlaiin i ralrin herhmi cu ‘evidence’ (သက်သေ) a um maw? asiloah ‘suspect’ timi ruahdamh sawhsawh in dah kan chim? Asiloah ihuatnak in dara kan i puh? timi hi a si.

Thantlang ah U Aung Bo hi Dalan tiah a cheu pumpak le burbuluk news nih a van ttial pahmi ka hmuh. An chimmi dihlak hi ka rel tikah ruahdamh in ra mi a si, cucu thawngfian theih lo le Kawl a si ruang bik deuh ahhin si dawh a si.

Keimah pumpak zongin camp lei lutlai pakhat le CDF-Thantlang hruaitu he zong bia kan i ruah, zei hmanh an zumhlonak nihin tiang a um lo. ‘A fapa lehbang hna cu sandahpiah lio ah committee ah a tang tk mi si ti,’ tiah an ti. Chim ahcun, ramleng online in ‘Dalan’ tiah a soi sawhsawhmi nakin chawlei in siseh, thazaang in siseh a let in a ttang deuh kho men.

Pakhat nih a chim rihmi cu, ‘Thantlang an um ti lo hi an theih lo le si la, cun an innhmai kahmi ruangah si la’ a ti. Online ah pakhat pa nih live in biachim le Thantlang hitluk an zam ah annih cu an um rih ko ti hna thawngpalh in a chim len.

Amah lawng si lo, democracy lei ah ai pe ngaimi ka theihmi zong hawi hlan deuh ah puh a tong ve. A fawinak in chim ahcun evidence ngei lo ruahdamh sawhsawh in ‘Dalan’ timi chim hi khawika ram upadi zong nih a onh lo. Kan ka in kan chimrel mi hi tuanvo kan lak khawh lo ding cu hrial hau. Credit: Lian Bawi Thang

Leirawitu/ဒလန် hi Mizei dah ansi! February 2021 in aa thawkmi kan ram buainak cu nihin ahcun hriamtlaih dothlennak ah aa cang. Hi hriamtlai dothlennak ahhin kan Chin miphun zong biatak tein doh kah a si i kan mifim fim hna le hmailei bochan ding kan mino thiamsang tampi an i tel.

Cuhna cu mi ţhalo ralhrang pawl an ci hmih dingah an can sining le nunnak thap in ramsa bang ram an hranh. Culak ah hi ralhrang rual an thilsual tuahnak le kan miphun Arfi ceu pawl nunnak laknak ah a bawmtu le a dirpi tu pawl kan Chin miphun chung ah nan um ve hoi. Cuhna cu tulio holh in “Leirawitu/ဒလန်” tiah kawh nansi. Cuhna cu zeibantuk dah nansi tiahcun khi Kawl ralhrang buu nih anmah lei ţang pawl le Kawl miphun, Biaknak lei ţanhhlei pawl fun in an dirhmi Pyu Saw Htee/ပျူစောထီး timi kuttang minung nansi.

Cu ပျူစောထီး nih an hmuitinh cu Ralhrang pawl an uknak a nuntluan khawh nakhnga, Kawl pennak a chansaunak hnga, an Buhdah biaknak a ţhawnnak hnga ca i dawnkhantu tiah ruahmi mipi paohpaoh hrawh le thah dingah dirhmi asi. Nihin kan Chin ram dothlennak zoh tikah ngeihchia ngai asimi cu ပျူစောထီး kuttang minung colhcanghnak tampi a lang.

Ziah Chin miphun himnak le Chin ram damnak le kan biaknak kilvennak ah aa pe mi kan mino le kan mi fimfim hna nunnak laknak le kan khualipi ţhionak hna ah cu Miphundang chakmerh mi le biaknak dang tangkun rian hna cu Chin aa ti ve komi nih kan ţuan rih hnga.

Ruah ahhin lung a fak ko. ပျူစောထီ/ဒလန်/Leirawi tu hna nan rianţuan le nan khuakhan le nan colhcang zoh tikah lung afak ko. A can ahcun kan bochan mi kan mifim fim hna le Biaknak le pa le pipi zong indirectly in an hman hna.

Cucahcun tulio Chin ram dothlennak i leirawitu/ဒလန် a ţuantu hna/ Phundang in chim ahcun CNA-CDF dothlennak ah hnahnawhnak le zaangdernak le sunghnak lam asialtu hna ţha tein ruat uh, nan ţuanmi kha nan pawkhimnak ca long silo in kan miphun sinak nan zuar i na Khrihfa sinak Buhdah biaknak tang ah na khumh asi khah. Miphun zuartu Biaknak zuartu nasi khah. Peng Hlawnceu

Dalaan le khuabawi pawl an fimtawl hna; 1. Yangon Ramthen, Thanhlin Peng Bogyoke khua ah Dalaan Kala@Ye Dain cu nihin September 29 zing ah meithal zuun 3 in ah kah i a thi.

2. Sagaing Ramthen, Monywa Peng, Monzwe khuabawi U Myat Kyaw Thu zong Monywa Heroes Group (MHG) nih an fimtawl ve.
3. Minmu khua zong ah Dalaan le a hnuzuul pakhat an fimtawl rih hna.

4. Dalaan lawng hlah, Pyu-saw-htee hruaitu tiin amin thang mi Sagaing Ramthen, Khin-U Peng, Thayat khuami Ko Win Thura (kum 45) cu nihin September 28 ah meithal kahnak in a thi, tiah Khit Thit Media nih a tial.

Dalaan lawng hlah, Pyu-saw-htee hruaitu tiin amin thang mi Sagaing Ramthen, Khin-U Peng, Thayat khuami Ko Win Thura (kum 45) cu nihin September 28 ah meithal kahnak in a thi, tiah Khit Thit Media nih a tial.

Kan Pastor cheukhat pawl i ruat uh Pathian rian a ţuan vemi nan unaupa nunnak a lami kho hodah asi?, a taksa chambau in a tuahtu kha hodah asi? Cu tuahsernak a tluntertu hodah asi? thlahlawh Pastor si loin adikmi le zumhtlak Pastor si kha na rianh mi Pathian rian asi khah!