Ralram i kan pasaltha hna hun hmuh cun kan baa kan ti ngam lo!

Kan ralbawi pawl Chuahcam Sunglawi tuah pahin Khualtlawn Diary (သုံးလ ကြာ ချင်းပြည်ခရီး)
========
Major ThawngpiBoyno Tzthang le Bawino Salai Elishama TN; Bawipa nih miphun caah in hmang chin rih ko hna seh!
Kei zong ni 90 chung ka khualtlawnnak ah Bawipa nih damnak/himnak a ka pek caah kaa lawm. Thla 3 chungah khua 26 ah mipi he tonbiaruahnak le cawnpiaknak kan nei kho (Hakhapeng khua 15, Thantlangpeng khua 6 le Kalay-Gankaw karlak khua 5). IDP camp cheukhat zong ka tlawng.

CDF-KKG ralkap camp hmun 4, CDF-Thantlang camp 3 le Thantlang khuachung le Hakha CDF camp 2 le Zophei CDF, CNA kan officer training tiin Kan ralkap lecture le biaruahnak ka ngeih khawh hna. Kan mipi le kan ralkap pawl an lung a tthawng tuk ko. Cucaah kan dothlennak kan tei khawh tuk ko. Kan mino cheukhat Malay/Delhi lei an kal ngaimi belte a poi ngai. Rak thloh cio hna uhlaw. (Ralram i kan pasaltha hna hun hmuh cun kan baa kan ti ngam lo)

Major ko phyu ka hmuh ka lawm tuk hringhran ee ko phyu ka timi kha a hawi le a nau lawng nih kan rak auh tawn nak a c. Bawipa nih miphun caah in hmang hna in in kilveng peng ko hna sehlaw. Chuahcamtuak a phanmi hna Happy Birthday. Bawipa nih thluachuah za in pe ko seh.

Nang hi politician zong na si i nationalism zong na si. Mitampi cu ramkhel lawng ah an kal, miphun kong an ruat lem lo a bik in MP pawl. Tu lio Kan ram nih a herh bik mi cu nationalism a ngeih mi hi an si. Kan in upat tuk e Bawipa nih in kil ven ko seh.

Kan pasaltha hna Bawipa nih miphun le ram caah in hman chin ko hna seh. Uar na um bak a can ah ti ah na tum a can ah tlang ah na kai kho mah hi pei pasal tha bak cu na si cu uar na ve hrim ko. Na khuallam ahar ngaingai ko la hih. Na sam hna apar bantuk in aum tung.

SAC Ralkap Nih Raltuknak Vanlawng 7 Hmang In Falam Peng Ah Kahdohnak A Tuah! Chin ramkulh, Falam peng, Tibual khua kiangkap ah SAC ralkap nih Jet Fighter 2 le raltuknak helicopter 5 hmang in nihin November 19 zinglei suimilam 10:00 hrawng in chun suimilam 12:00 tiang tualchung hriamtlai CNDF pawl a kah hna, tiah theih a si.

Tibual SAC ralkap camp ah Helicopter in ralkap thazang 34 a thlak chap hna, tiah theih a si. CNO Spoke person nih cun “ Myanmar ram tuanbia ah a zual bikmi ramchung kahdohnak pakhat a si lai. Ramchung kahdohnak ah hriamnam tha tha hmang in kahdohnak a tuahmi cu kan duh.

Tualchung mipi pawl hliamhma tuarmi an um le um lo kan thei kho rih lo” tiah a chim. SAC raltuknak Jet Fighter le Helicopter hna hi Moneywa le Kalaymyoe in a rak rami an si, tiah tualchungmi nih cun an chim.

Chin Ramkulh Chung Kahdohnak Ah SAC Ralkap Nih Ni 5 Chung Jet Fighter A Hman. Chin ramkulh ah SAC ralkap le Chin ralkap kar kahdohnak a chuak i, SAC ralkap nih Jet Fighter hmang in ni 5 chung kahdohnak an tuah, tiah theih a si.
Chin ramkulh, Tibual SAC ralkap sakhan cu drone in voi 300 leng bomb in kan thlakhnawh caah SAC ralkap 30 hrawng an thi, tiah CNO/CNDF nih cathanh an chuah.

A luancia November 15 zing sml 5:30 ah CNDF nih Tibual SAC ralkap sakhan cu hrianngan, hriamhme le drone in an kah caah kahhnih kar kahdohnak sml 3:00 chung a rak chuak, tiah theih a si. Zing sml 9:00 hrawng in Jet Fighter nih bomb voi 3 le zanlei sml 6:00 hrawngah voi 4 a thlak. A voihnihnak an thlak bomb ruangah SAC ralkap sakhan pawng ummi inn 2 a kaang. November 15 kahdohnak ah SAC ralkap 8 hrawng an thi, tiah theih a si.

Cu kahdohnak ah ZFU/PDF-Zoland, CDM-Siyin le Chin hriamtlai phu fonh CJDC zong nih an bawmh hna, tiah theih a si.
November 16 zinglei siseh, zanlei sml 2:00 hrawngah siseh kaphnih kar kahdohnak a zual ṭhan i, zanlei sml 2:55 ah Mi- 35 vanlawng in minutes 20 tluk a rak kah hna. Cu ni kahdohnak ah Chin hriamtlai phu hna nih SAC ralkap 5 an thah hna tiah theih a si.

November 17 zing sml 9:30 le zanlei sml 2:00 hrawngah kaphnih kar kahdohnak a chuak ṭhan i, Mi-35 vanlawng hmang in minutes 45 tluk a rak kah than hna. Zaan ah ṭangṭi phu a si mi MEDF nih drone in bomb an thlak caah SAC ralkap 6 an thi, hliamhma pumi zong an tam, tiah theih a si.

November 18 zinglei ah CNDF nih SAC ralkap sakhan cu hriamngan in an kah ṭhan caah SAC ralkap 4 an thi chap. Cun nizan November 19 zing sml 5:00 hrawngah Tibual SAC ralkap sakhan cu, CNDF nih an kah ṭhan i CDF-Lautu zong nih an rak bawmh ve hna. SAC ralkap Jet Fighter 2 le raltuknak Helicopter 3 nih Tibual sakhan um ralkap pawl cu an bawmh ve hna pinah ralkap thazaang an rak chap, cun SAC ralkap a thimi ruak le aa hliammi hna cu Helicopter in Kalaymyo sii-inn ah an kalpi hna, tiah theih a si.

Cuni zanlei sml 5:00 hrawngah Tibual SAC ralkap bawmh ding in vanlawng nih a rak thlakmi ralkap hna cu, CNDF nih Bualte khua ah lamhruang in an kah ṭhan hna caah SAC ralkap 6 an thi, cu hnuah SAC ralkap nih Bualte khua cu an khangh, tiah theih a si.

Bomb Puah Sual Ruangah CDF-Paletwa Ralkap Pahnih Hliamhma Fak Ngai An Pu. CDF-Paletwa Battalion 3 in ralkap pahnih cu bomb an ser lio nizan November 19 zanlei sml 2:00 hrawngah bomb a puahsual caah an pahnih in hliamhma fak ngai an pu, asinain an nunnak kong tu ahcun thinphan awk a um lo, tiah CDF-Paletwa nih cathanh an chuah tiah theih a si.

An hliamhma thlopnak ding ca ah tangka tampi a dih ding a si pinah a hlan i hliamhma a rak pu mi ralkap hna zong sii-ai thlopbul an hauh caah sui ngun chawva bawmh ding in CDF-Paletwa nih mizapi sinah bawmhhalnak an tuah.

Hakha Ah Hriamngan Thawng Pehtlai In A Than Hnuah Helicopter Pakhat A Phan. Chin ramkulh khualipi Hakha ah nihin November 20 ni ah hriamngan thawng pehtlai in a than hnu caan tlawmpal ah Helicopter pakhat a phan, tiah theih a si.

Hakha ummi pakhat nih, “Nihin zinglei cu kahdohnak thawng kan theih mi cu a um lo nain SAC ralkap nih hriamngan voili nga hrawng an kah. Cu hnu zing sml 9:00 hrawngah SAC ralkap Helicopter pakhat Hakha a phan i, caan tlawmpal a um hnuah a kir ṭhan,” tiah The Chin Post ah a chim.

“Rungtlang SAC ralkap sakhan in hriamngan voi tam ngai an kah. An kah le cangka in vanlawng a zuangmi khu bantukin hriamngan kuan khuvai tampi a chuak. Hriamngan kuan cu Timit tlang let ah a tla i a puah thawng hi Hakha in a thang ngai,” tiah tualchung mi pakhat nih a chim.

SAC ralkap nih nihin November 20 chun zong ah hriamngan an kah i, Biakinn ah ai pumi mipi zong an lau ngaingai caah ṭhutsia rem loin an um, tiah theih a si. Credit: The Chin Post