Ralkap uknak kan duh ti lo tiin kawlram pumpi

Kan do mi ka ral tei hrim hrim a hau
==============
Kawram buainak cu kum 70 a si cang.Kawlram tuanbia tial thiam le politice thiam sang nih an hmun dang an lo cio lo tikah phun dang chim ah cun kan cawn mi a dih lo ruangah kan buainak pakhat a si. Politices solution kawl lo in Miphun pi lungput ruangah le hriamnam thazaag in remdaihnak an kawl peng caah a buai peng nak a si. tu zong Mee dih lo, NCA hmai an kal ter khawh lo, rian an tuan khawh lo ruangah anaa- kan ting a ti. Anaa- ating a ruang cu An rumnak le an thutnak kal tak an duh lo caah a si ko.

Ralkap nih 1962-2015 kum tiang an kan uk ii LDC ram ah kan nih chuah. Ralkap bawi le an minung an rum dih. Kawlram GDB 2018-2019 6.8 a si. Covid- 19 ruangah 2019-2020 GDB 1.7 a tla. 2020- 2021 GDB a kai than cang lai an ti lioah Ralkap nih anaa- ating tikah 2019-2020 GDB nak in sipuiazi a tla deuh lai an ti. Ramdang bawmnak Loan le Grant vialte an pek ti hna lo. Tuluk company le Gas in an hmun ding phaisa lawng rian an tuan cang lai. Mipi kan har lai, rian ngei lo an tam pi cang lai. Ramdang Invetment le bawmnak cu pek than ding ah cun caan pi a rau than cang lai.

Mipi zauk nak kan duh. Ralkap uknak kan duh ti lo tiin kawlram pumpi Biaknak phunkip, miphun kip sandah an piah peng. Sandahpiah mi zong nunnak tam pi a liam cang. Ram buainak ruangah Ralkap an lungput an tuah sernak kawl mipi nih an tuar ve cang. A tu lio kan ton mi buainak ruangah tlangcung miphun, hriamtlai pawl an kan hrem ning le ralkap nan tuah ser nak vialte kawl miphun a tak an hmun ve cang.

Kawl miphun lawng in kawlram kan hruai khawh lai lo tiin CRPH hruaitu zongah cawlcanghnak ah an nih fonh dih cang. CRPH nih ramdang lobby Bu thum an hlan mi he rian an tuan tii. Lungsau deuh a hau.

A tu lio te ah Social capital hmanthiam le tantii thiam ah cun kan do mi ralkap kan tei ko lai. Kan doh mi ralkap uknak kan tei ah cun miphun pakhat le pakhat ii bawm duhnak,zawnruahnak, mi phun thlengdannak a zor cang lai. Ralkap nih an kan tei sual lai tiin hriamnam in an kah hna, an tlai hna ii thong chungah an chiah hna. Mipi nih sandahpiah an ngol hlei lo. An thiamnak dih lak an chuah chin leng mang ve. Anaa- an ting mi an nih chuah sual tak cang.

Atu kan do mi kan ral kan tei hna lo si cun zei dah an canh te lai tein ruah a hau cang. Ralkap nih an roapmap ning an kal kho lai lo caah October thimnak an tuah te lai a fiang ngai. Thimnak an tuah khawh lonak lam kawl a hau. A ruang cu thimnak ah NLD luhkhawh lo ding an tuah te hna lai. Ralkap lei tanh 34party (USDP) nih tei hna seh law PR system kan hmang lai an ti.

Ralkap nih kan duh poah in ram kan hruai lai an nih tinh mi a si ii teinak lam zong an kawl peng ve. Mah ruangah MAH le hawi cu Ralkap umnak sakhaan an tlawng peng hna. Ralkap an tinh ning in teinak an hmun tak ah cun Ralkap uknak duh lo ruangah CDM a luh mi an rian ah luh than khawh lo ding phang a um ngai. Mipi harnak le hremnak a fak chin cang lai.

Tlangcung hriamtlai an bia pi tuk lio caan a si. Ca buai cungah biaruah caan a si ti lo. Ralkap he bia ruah ding in Tuluk cozah nih ah hruai ding ASEAN ram cu caan karlak cun hnawh awk an tha lai lo. UN, UNSC lungsau deuh a hau phun a si cang. Kan do mi kan ral teinak lam cu Thimnak an tuah hlan ah anaa-thlah ter a si. Credit: Robert Ling