Ralkap sin thawng petu sin, a hnu bik ralrin peknak cathanh chuah

Ralkap sin thawng petu sin, a hnu bik ralrin peknak cathanh chuah
————————————————————-
Mindat Rammi/Khuami Rungvengtu Phu (Public Security Bureau) nih Ralkap sin ah thawngpang petu (Da-lann tiah Kawl minsak) hna cu a hnu bik ralrin an pek than hna.

“Nan konglam kan hngalh dih. Cheukhat cu kan in kawl lio hna. Hiti thawngpang pek hi ngol cang u. Nan ngol lo i nan peh rih ko ahcun nan chawhrawlnak (sipuazi), zaatlang pawlkomhnak (luhmuhzi) le nan chungkhar nunnak, nan innlo tiang in nan fawi ti lai lo. Atu dothlennak ah teinak hmu ding in nunnak a pe ngamtu kan si i atu bantuk ralrinnak kan in pek mi hna hi an tuah ngam taktak lai lo tiin ruat hlah. Kan tuah ngam tuk, tiah a hnu bik ralrin kan in pek hna,” tiah cathanh an chuah.

Relchap, BreakingNews; Hakha sii-inn in chuahpi mi CNF/A mizaw Aung Lin Tun a nunnak a liam. March 12 ah Ralkap nih Hakha sii-inn ah umhmunkhuar in riantuantu le mizaw an chuahter hna i Mg. Aung Lin Tun cu March 13 zinglei 5:00 AM ah a nunnak a liam, tiah kan theih.

“A thi mi kan fapa hi Paletwa Peng Sami khuami Aung Lin Tun a si. CNA ah Senhnih (Corporal) a si. Kum 26 lawng a si rih. Amah hi 2014 kum khan CNF/A ah a luut mi a si. A paw lei damlonak ruang ah atu hi a voi hnihnak operation aa tuah a si i tutan hi Hakha sii-inn ah thla khat renglo a um hnu tuzing ah a kan thihtak hi a si,” tiah tuanvo ngei upa pakhat nih The Hakha Times ah a chim.

Mg. Aung Tun Lin ruak cu CCPR Zung, Chin Oo Si Sang, Cimnuai Biakinn hnulei ah an suan lai.11:00 AM ah pumhnak tuah a si lai i No. 1 thlaan ah an vui te lai, tiah kan theih. Credit: The Hakha Times