Ralkap nih zeidah an chim te hnga. ..US media ngan CNN Yangon an phan

Ralkap nih zeidah an chim te hnga. ..US media ngan CNN Yangon an phan
==================
Donald Trump pi hmanh a thlan chuak dih lak in bia a rak hal kho tu le Vawleicung raldohnak hmun kip ah kal in thawng a lami Ms Clarissa Ward Kawlram a phan. Ms Clarissa Ward hi American hrambunh CNN media ah rian a tuanmi a si. Bia hal a thiam, vih le khoih a thiam bak an timi si. A hlan zongah Afaganistan Yemin le Ukrain raltuk nak zongah kal in thawng a la bal mi a si. Micheu nih Ms Clarissa cu vawlei cung raltuknak thawng la tu tiah an ti phah.

Tutan ralkap sin kal in a bia hal ding pawl hi Vawlei pi nih an cuanh ko. Amah nih a twitter a tialnak cun March 30 zan ah Yangon phanh ding a si.Micheu nih cun March 30 zan suimilam 8 ah Yangon a phan an ti. Sanahpiahmi zong mirang holh in biachim khawh hau lai. Ms Clarissa Ward nih South Korea Soul in Yangon ah MAI Airline vanlong number 8M 802 in a rat lainak cu a boarding pass he a twitter ah a langh ter. Credit: Tluang Ceu Thang

Relchap; Rev. Lai Ram Hu le Lai Ram. Rev. Lai Ram Hu a tlei ruangmang cu lungthin a faak hringhran ko. Laimi ca ah sunghnak nganpi a si. A kong chim ding a tampi lai nain pakhat te ka hun chim ve lai. Amah tluk in miphun le ram a dawmi hi Laimi pastor te chung ah an sem ti hnga maw, ka ti. Kan pipu hna cu miphun le ram a dawmi le zumhawktlak mi ralṭha an rak si. Asinain, Kawl Ralkap le Socialist uknak ṭha lo tang ah Laimi tampi cu miphun le ram dawtnak siseh, zumhtlakmi sinak le ralṭhatnak vialte kan thlau dih. Mi phun dang le ram dang uar i, mah le sining i zahpinak thinlung kan hun ngei deuhdeuh. Hi lio caan ah Rev. Lai Ram Hu nih a phanmi hla le bia hna nih minung tampi thinlung ah rian a hun ṭuan. A chan chung ah hla fung 4000 deng a phuah i hi chung ahhin “Pathian le Lairam le Lai miphun” kong a chuanmi a tambik cem lai. Hibantuk bia le hla hna nihhin mi tampi thinlung chung ah, Pathian lei lawng silo in, miphun le ram dawtnak le tlaihchiannak cerhti a hun putter ṭhan.

Cu lawng a si lo. Miphun le ram a dawtnak hi a nun hrimhrim in a langhter. A fapa upabik cu miphun le ram ca ah a rak pek. Thlacamnak he CNF camp tiang a va thlah. A fapa nih miphun le ram ca ah a lu a hloh. Atu ahhin Rev. Lai Ram Hu hi bia hun chim kho sehlaw, Online cung in duhpoh in bia a chimmi i mi thangchiat a hmangmi hna khi hitihin bia a hal men hna hnga: “Kei nih Lairam le Lai miphun ca ah ka fapa ka pek. Nang zeidah na pek ve?” ti in. 2015 kum i US a rak tlawn lio ah, “Kei cu ka pum a hme nain ṭihnak timi hi ka nunnak ah um lo,” tiah CBCUSA Civui lio ah a rak chim bal.

Baibal nih David Siangpahrang cu, “Jesse fapa David, sangpi ah cawimipa, Jakob Pathian chiti thuhmi, Israel mi hla dawh phuah thiamtu,” (2 Samuel 23:1 ah) tiah a rak ti. Cu bantuk in, kan pa Rev. Lai Ram Hu zong Pathian chiti thuhmi, Lai hla dawh phuah thiamtu, tiin a min chim kan dai lai lo.