Ralkap Nih Nawl An Chuah Cang I, Tihnung A Si Cang

Ralkap Nih CURFEW An Chuah Cang
*******************************
Kawlram lei khuapi deuhdeuh paoh (Kalemyo) ahcun Ralkap nih Curfew le Order an chuah thluahmah cang. Minung 5 cung a buu in kal khawh le um khawh asi lai lo. Mi hmai ah biachim le sizung khawh asi ti lai lo. Zan 8 pm in zinglei 5 am tiang a leng ah chuah khawh asi ti lai lo. Chinram zongah a phan zau cang lai i, Ram pumpi caah anchuah te ko lai zumh asi. Lamzawh i Duhlonak langhter khawh asi ti lo ti asi cang ko hih.

Ralkap doh cu thaizing in aa thok cang ko lai hih. Kan Chinram i ramkhel Upa, MP pawl nih mipi caah raltha in mino nan hruai hna a hau ko cang lai. Thaizing in Ralkap Duhlonak langhter hram aa thok cang lai. Thisen a luang kho, thongthlak a tam lai. Harsatnak ton hnu lawngah teinak a um lai. Thaizing in cun Sandah piah mi zong an zawr deuh lai tiah zumh asi. Thaizing in Raldoh taktak cu aa thok cang lai.

Ralkap Uknak Kan Doh i Kan Tei Ahcun 2008 Phunhrampi Zong A Rawk Cang Lai. Hlawtdaw le NCA lam in thlen khawh lo dingin Ralkap nih an ser mi 2008 Phunghrampi thlenkhawh nak lam cu a ong vuaimai cang. A hlan pi kan in ca zong karak tial bal ve. Phunghrampi thlennak ca ahcun Ralkap nih aanaa an ting a herh tiah ka ruahnak ka rak chim bal. Saduhthah cu asilo nain Ralkap nih Aanaa cu an ting taktak cang. Kan Pupa le chan ah NE WIN (Ralkap) nih aanaa a ting i kan Pupa le nih an rak tei lo. Kanmah chan ah SAW MAUNG le THAN SHWE nih aanaa an ting than i kan chan lio ah kan rak doh ko nain kan rak tei hna ve lo. Cucaahcun atu tiang hi sifak le harsa in kan um.

Atu Kan fa le chan ah MIN AUNG HLAING nih aanaa a ting than. Atutan Ralkap uknak kan fale nih an doh khawh lo ahcun kan techin fapar chan tiang Federal Democracy ruahchannak a um ti lo ti awk asi cang. Atu hi a donghnak ral doh awk CHANCE kan ngeihmi asi cang. Sungh awk a thha lo mi Ralkap Aanaa doh ding cu mipi kan tuanvo asi cang. Hluatdaw le NCA lam in cun Chin nih kan duh mi Federal Union uknak cu kan phan kho lai lo. Kan phak khawh hmanh ah kum tamtuk a rau rih lai. Chinram aum mi party dihlak NLD, CNLD, USDP. Le Chin mipi nih lungrual tein Ralkap Uknak hi do ศ›i hna usih. Ralkap uknak in thiltha a chuak lai tiah iruahchan duh hlah. Ralkap policy in cun zeitik hmanh ah thiltha a chuak hrimhrim lai lo.

Atutan hi kan caah Caantha (Chance) kan ngeihmi asi. Ralkap uknak hi mipi thazaang in kan tei hrimhrim lai. Party le ramkhel idoh caan asi ti lo. Hmun khat te ah kan dir ศ›i hna lai. Kum khat hlan ah Ralkap an sung lai i, Phunghrampi zong aa thleng cang lai. Chin nih kan duh mi Federal Union zong kan hmuh nak a nai chin leng mang. Atu kan doh mi Ralkap uknak hi a donghnak ral asi ko cang. Credit: Amos Thang Chin