Ralkap nih Democracy an ser. Political Party, USDP an dirh

Ralkap nih Democracy an ser. Political Party, USDP an dirh. Thimnak ah an lut. Term khat Cozah an tlaih. Term 2nk ah NLD nih a tei hna. 3nk ah an tei chin chin hna. Ralkap dirhmi USDP cu a dih. Thi lo, nung loin a um aa tangtah-hak. Ralkap dirhmi, USDP cu future a ngei ti lo caah, Ralkap lam dang an kawl. Aana ting khawhnak lam an vih. US ah Trump nih Voters fraud a um tiah election result a buai hnawhmi cu an caah “incitement” ttha taktak pakhat ah an ilak. NLD nih vote an fir. An cawk tiah Voters fraud kong, conspiracy theory cu an vahpi. Example ah Hakha peng ah vote diklo 6000 hlei a um tbk diklo taktakmi cazin an chuah. Zeidah ah itimh?

1990 ah an sung, 2015 ah an sung rih. 2020 ah an sungh a zual. Mipi nih an kan huat tuk timi an ifiang tuk. Anmah, Ralkap nih “election” dang, an tuah tthan zong ah an sungh rih ding hi an hngalh cia ko lai. Cucaah, Democracy, multi parties system hi anmah caah a ttha lo timi an ifiang caah, caan a tlai hlan ah “aana ting” tthan in, Kawlram cu China 🇨🇳 ram bantuk, Chinese Communist, one party System in thlen tthan hi an duh caah a si hnga maw tiah ti hna ka ruat. Nihin cu ka ruahmi a tam. Tuah khawhmi le ka ngei lo. Ralkap nih Aana an tingmi cungah aa lawmmi hna an rak um. Minung ngai hi, mah tluk in maw ruahnak aa dang cio ko, ka ti.

2008 phunghrampi, section 417 ah State emergency ning in, President nih Min Aung Hlaing/ Commender in Chief cu, power a pek lai ti a si caah, Kawlram President , Vice President le State Counsellor cu an hrenh khumh hmasa hna i, an hrenh khumh lomi, anmah Ralkap chung in Vice President a ttuanmi cu, Min Aung Hlaing power petu dingin ah President an siter ta. Phunghrampi ningin kan kal ko tinak ding ah! Cun, atu kha Min Aung Hlaing sinah power cu a von pek viar cang i, Min Aung Hlaing cu Kum khat chung uktu ttuan dingin Nawl pek a si cang.

Kum khat lawng uktu tuan ding cu aa lung si lai maw? Hngalh a si ti lo. A duh ahcun kum 2, 5 or Kum 10 peh khawh vima a si cang. Cucaah, Kum khat hnu ah uknak a chiah tthan ko lai tiah hnangam ding a si lo. Ram chung, Ramleng, lamkip in thazaang chuah cio a herh tak lio a si. Zeitindah thazaang kan chuah cio lai? Lam hruaitu, guide petu kan leaders pawl nan biapi khun lai. Credit: Zasang Cinzah