Ralkap kuttang ummi Myanmar sipuazi cu ai cawl kho ti lo, a thaw pit dengmang

Ralkap nih uknak an lak hnu in bank an khar hlei ah Myanmar phaisa kyat man a zor caah ramdang cawkmi(import) datsi a lut ti lo, atu lio ramchung a ummi datsi hi zarh hnih hrawng lawng a nguh cang lai an ruah tiah Reuters nih a tial. Ramchung kan hmanmi datsi(gasoline,diesel etc.) 98% hrawng bak hi ramdang cawkmi a si, ramchung ah chuahmi a tlawm tuk. Atu hi ralkap kuttang ummi Myanmar sipuazi cu ai cawl kho ti lo, a thaw pit dengmang. Hiti ning CDM kan peh khawh ko ahcun Min Aung Hlaing cozah a tlu colh hrim lai.

Min Aung Hlaing tapeh Ngun Cung Lian hi CNF zamtak in MPC ah a rak tuan lio kha cu ka mawhchiat tuk lem lo, nain NLD cozah an kai hnu ah MPC an hrawh i riantha a ngei ti lo caah riantha a pe than kho ding USDP le ralkap an tanbo ah ai cang. Wirathu le Hla Shwe a uartu hna nih cun an hun uar ngai. MAH nih uknak a lakmi zong hi Ngun Cung Lian cawlcawnghnak aa tel ve lai ka zumh, atu cu ai ruah chan bantuk tein MAH a ke tawl piaktu ding caah riansang an pek cang. Chin miphun minchiattertu le belnang nehtu Ngun Cung Lian, phaisa in cawk khawhmi man fawi bik minung.

Hakha Times le Hakha Post zong CDM ah i tel ve cang u, Min Aung Hlaing tapeh NGUN SAN AUNG nih mah ti cun a chim tbk tam ngai nan tial cang. CDM ah i tel timi cu ralkap sermi cozah theihpi lo khi a si. NSA cu mi sawh2 ah ruah ding, zei a chim zong ah zeirel piak lo ding a si. Atu cu NSA caah MRTV nan lo pah cang i a poi ngai.

Tuni cu Yangon ah minung thazaang zong biatak tein a hun thawng than, Sule ah cun Min Aung Hlaing a huatu an khat ko, an tam taktak. Hledan, Minigone le Hledan ah tam taktak an um rih. Zinglei kha lam an khar dih caah lam zawhnak hmun phak kho loin a kirmi zong an tam, lam phih um hlah sehlaw lam zawhtu a let an tam chin lai. Bank vialte an hon kho ti hna lo, cozah zung kaimi an tlawm caah tluang tein rian an tuan kho ti lo, tlanglawng cu aa din beh cang. Ralkap cozah dohtu kan thawng chin. Min Aung Hlaing cu a lungmit pah cang ko lai. Credit: Salai Lungthli Tum