Ralkap kuttang ah thlakhat fia chung ah Kan Ram sipuazi private sector hi 75% hrawng a dir.

Ralkap kuttang ah thlakhat fia chung ah Kan Ram sipuazi private sector hi 75% hrawng a dir.
Ralkap nih Ramleng phaisa ngeimi zong an chuah kho ti lo. Harnak nganpi an ton. Hlan cozah nih an rak ngei mi foreign reserves fund hi US$6.7 billion a ngei i US$ 1 billion hi US cozah nih A tlaih piak. Atu Singapore cozah nih Kawlram ralkap ka pom lo a ti caah Singapore i a chiahmi US$5.7 hi chuah khawh dawh a si ti lo. Ramdang ah zeithil hmanh a caw kho ti lai lo (zinan, hraim, sii tbk)

Jan ah FDI luh ding a timmi zong an cancel an i let dih pin ah Feb ah FDI ramleng kampani tangka hram bunhnak pakhat hmanh a lut lo. FDI zero a si (actual inflow). Tu thla hnu cun A lut lei siloin a chuak lei tu an si cang lai. Export hi 100 ah 75% hrawng a tla i atu 25% lawng export a um.

GDP cu 2020 ah 1.8% in atu 2021 ah minus ah a tla. Atu bantuk in cozah zung lawng si lo in private sector hi 100% a dir ahcun cozah a nung kho lai lo. Cun private sector a dir khawhnak ah a biapi mi Si-Ku Commerce zung hi import/export license chuahnak zung le Customs zung hi CDM an luh dih ahcun ramchung ramleng chawthil luh chuah a um lo ahcun cozah riantuannak mechanism a dir lai. CDM le RDM hlawh a tling colh lai. Atu a tang rih mi export 25% hi thumter a herh.

Zeitluk phaisa a rial chap i border in illegal thil pawl a luh hmanh ah Container Association Le SAD bu zung an khar ahcun ramri zong in thil a lut kho lai lo. Cu mechanism a dir ahcun rampumpi le mizapi caah buainak nganbik a chuah lai i CDM hlawh a tling lai i atu Ralkap uknak cu a dong a dih ko lai. Kan phan deng cang… lungrualnak he i zuam hna usih! Credit: Dr. Sui Hingz