Ralkap chungah buainak a um lo si cun anaa- thlah a fawi lo. Mah ruangah

Acaan lio ah ka ruahnak chim cio rih ko uh si
==================
Kan hmuh ning le ruahning tial cio a si. Social media ruangah Mipi vaivuan le thinpang thlalau, Moral rawhnak le Mi dam lo mi ca ah lungzawtnak tiang a chuah pi sual lai phan a um cang. Community Institution subject nih ram pakhat buaihram a thok ning le anaa sinn a chuah tawn ii anaa an sungh tawnnak aruang hna cun,Fiscal crisis, Monetory Crisis, Currency Crisis, Trade/ Investment Saction and Exteral Crisis ruangah a si bik an ti. Mah ruangah SAC zong harnak an ton tak tak ve cang. An lam apit tak tak kan tinak a si.

Ralkap chungah buainak a um lo si cun anaa- thlah a fawi lo. Mah ruangah cun anaa-thlah an duh lo caah an mah ralkap sakhaan chung mi a lengchuah zong a ngah lo, Ralkap an thih zongah ruak humnak nawl an pek hna lo, Internet line aphih peng. Cozah an ngei mi TV le thawng zam lawng a ngah. Ralkap sakhaan ralkap an um ti lo tluk an si cang. Tlangcung hriamnam umnak le sandahpiah mi runven nak an kal dih cang an ti.

Ralkap le palek nih mipi thih lak in kah, tuk le hrem nak a tuah tuk pawl hi a tam deuh cu Ralkap le palek tak tak an si takyak hnga maw ti hi ruah awk a um ngai? mi cheu nih cun thonginn chungah misual an si men lai in an ruah cang hna. Cun Sii tha lo an dinh peng hna ti zong in an chim ngai cang. Mah ruangah sandanpiah mi le zumh lo minung poah cu tlai khawh an nih zuam pengnak a si.

Ralkap zong nih vawlei pi nih kan zumh hna seh tiin lam an kawl peng ve. Lobby an hlan hna. UN, ram dang hruai tu a hohmanh visa an pek hna lo nain CNN cu an luh ter. Ralkap Lobby tuah piak ding le ralkap lei hawih deuh an si ko lai. I ruah chan tuk ding a si lo. UNSC meeting a voithumnak an ngei than cang. A voihnih an meeting Statement an chuah. Solution ngai ngai a si rih lo. Condemn bia fang an hman cang ii nihin an tuah ding meeting ah cun ruahchannak a um ngai. Nain Russia, Tuluk, India, Vietnam ram nih ralkap cungah an dri hmun an thleng lo si cun zeipi pa an chuah pi sual lai lo ti tu hi phan a um.

Ram chung mipi nih sandah an piah peng, Ralkap hnahawhnak an pek peng hna si cun an mah Ralkap chungah buainak a chuak kho mi a si. Tlangcung hriamtlai nih an mah hmuhma cio in an tuk ve hna si cun ralram ah a kal mi ralkap nih an celh lai lo caah an mah chungah buainak a chuak hrim hrim te lai tihi zumh cio a si. Ralkap anaa- thlah zoh zoh hna seh duh ah cun idea le tactice hmanthiam a hau. Lungrual cu teinak nak a si. Credit: Robert Ling