Ralhrang Thazaang 300 Leng Le Motor 16 Bak Bomb An Puah Hnawh, Uar An Um Bak!

Ralhrang Thazaang 300 Leng Le Motor 16 Bak Bomb An Puah Hnawh, Uar An Um Bak!
============
Ralhrang Thazaang 300 Leng Le Motor 16 YDF (Saw le Kyaukhtu) Nih Bomb Puah. Kyaukhtu lei ah ralhmai ser mi ralhrang thazaang 300 leng le motor 16 cu YDF (Saw le Kyaukhtu) hna nih nili chung ngak in zinglei suimilam 11 ah bomb in an puah hna tiah theih a si.

Bomh 15 in an puah hna i kaphnih i kahnak caan zei kaw a chuak tiah theih a si. Kahdohnak a dih hnu ah ralhrang nih 35 Helicopter in an kan kah tiah YDF(Saw&Kyaukhtu) nih thawng an thanh.

CDF-Zophei hruai nakin Ngalang khua ah FIM cawnnak hramthawk. Zophei Tlang ah CDF-Zophei hruai mi federal education system cu khuakip in thawk cio asi cang. Hi fim cawnnak ah Cachimtu hna cu khuakip i Cachimtu (Saya/Sayamah) CDM atuah mi vialte nih chimh an si.

CDF-Zophei nih khuakip um CDMer vialte kha bawmh ahal hna i, cuticun kaphnih hnatlaknak le rualrem nak he atubantuk in Rian thawk khawh hi ahung si. Cachimtu hna rethei man caah thlakhat ah 130000mmk cio in pek an si.

Hi Cawnnak caan hi: thlaruk in tuak chung asi, (February, March, April, may, June, July). Hi hnu pinlei khi adangin tuak than lengmang te ding asi lai tiah kan theih. Sianginn kainak a caan cu zarhkhat ah ni 4 lengmang kai asi lai (Monday to Thursday). Nikhat ah zinglei 8:30AM in zanlei 1:30PM tiang lengmang kai asi lai.

Subject hi Cauk hlun kha an cawn rih ko lai, amahbelte Myanmar Sa le Kawl history vialte hna cu lanhtak dih asi lai. Myanmar subject cu Kawlram common language asi caah Writing le Talking ca tu ah aherh ning in cawn asi ve lai.

Matupi Peng Chungah Facang A Dih Ngawt Cang, Khuate Ah Facang Lethnih Man Kai In An Cawk. Chin ramkulh thlanglei Matupi peng ah kahdohnak a fah ruang ah ralhrang nih Internet line an phih hnu atu zarh chungah khuami dinei awk facang a dong hnik camg caah khuate ah facang lethnih man in kan cawk tiah khuami pakhat sinin theih a si.

“facang a dong, motor hi pumpak hman motor lawng a lut, motor ngan a um hrimhrim lo, a hlan ah phoikhat ah thongkhat leng kan pek, atu ah thongkul le thongnga in kan cawk, facang hi atu bantuk a si ahcun cawkkhawh ding a fawi lo, facang a dih/ dongh ding phan a um” tiah Matupi khuami pakhat nih a chim.

“Facang cu um cu a um rih, asinain tu thla dih cun ei awk a um ti lai lo, cawknak ding hmun zong a um lo, lam zong a tu tiang a chuak lut a um lo facang kong ah Lungrethei kan si tiah” Matupi khuami pakhat nih CW ah a chim.
January 5 thawk in Matupi peng ah Internet line le phone line ralhrang nih an phih i, February 9 zing ah phone line a ngah than tiah theih a si.

Khuami pakhat nih “Phone line a cah chungah khuachung ah meithal thawng tamngai theih a si, kan chungkhar hi facang kan i cawk cia mi cu a um, asinain chungkhar i zat ding cu a si lo, atu bantuk lam tha ten on a si lo caah thinphang a si, facang man zong a lettam in a kai tiah” a chim. 2022 January thla thawk in ralhrang le CDF-Matupi nihin tiang i kahdohnak a chuak kaphnih in nunnak liam an um tiah theih a si. Credit: The Independent Post

Taze peng ah ralhraang nih Paychaung khua le Khayutaw khua mei in an khangh. Sagaing ramthen, Taze peng, Paychaung khua le Khayutaw khua cu nihin February 10 ah ralhraang nih luhhnawh in an khangh tiah tualchung mi nih Yangon Khit Thit Media ah an chim.

Ralhraang pawl nih Paychaung khua cu February 9 ah an rak luhhnawh cang i pehzul in mei voi hnih an khangh ca ah inn 10 a ciam. Cun, Khayutaw khua cu nihin ah an rak lut i inn an khangh ca ah khuami kan zaam dih tiah khuami pakhat nih a chim.

Zaanlei suimilaam 3:00 hrawng in inn an khangh hi a si i, inn zeizat dah a kaang ti mi bel kan thei kho rih lo tiah tualchung mi nih an chim.

SAC Sawmmi Remdaih Biaruahnak ah CNF Kai Tim Lo. SAC sawmmi Myanmar ram remdaihnak kong ton biaruahnak ah kan kai lai lo, tiah CNF chimnak nawlngei Salai Htet Ni nih Khit Thit Media biahalnak ah a chim. “Atulio kan ram sining zoh tik ah dohthlennak tuah cuahmah lio a si bantuk in mipi lei ah kan ttan ko a si ahcun SAC nih a tuahmi ramkhel biaruahnak le cawlcanghnak pawl ah kan i teltum awk a si lo.

Sawm zong ah kal awk a si lo. 2008 Phunghrampi a cohlangmi cu a kai zong an kai ko lai. Asinain, kannih cu 2008 Phunghrampi a cohlangmi kan si lo. Uknak an chuh hnu in SAC he biaruahnak ngeih kan i tim lo. Kan kai lai lo,” tiah Salai Htet Ni nih a chim. Chinland Joint Defense Committee (CJDC) chungtel ralkap bu hna he lungkhat-thinkhat tein pehzul in ral kan do lai, tiah a chim chap.

“A pikpak in raldoh loin hmun khatte ah kan ral kan doh tti khawh nakhnga CJDC kan dirh cang. CJDC tlangtlaknak in hmun kip ah ralkap thazaang kan chap lai i, pehzul in ral kan do lai. Nihin ni caan hi raldohnak lei ah lungkhat tein kan um tti caan a si. Thih ah thih tti, nun ah nun tti timi lungput he pehzul in kan ral kan do lai,” tiah a chim.

Nizaan nai February 6 ah SAC nih Tlangcungmi hriamtlai pawl he biaruahnak ngeih ding in sawmnak ca a rak chuah.
KNU, AA, TNLA le MNDAA hruaitu hna zong nih SAC sawmmi remdaih biaruahnak ah kan kai lai lo, tiah a chim cio. Credit: The Chin Journal

NUG Ah I Fonh Dih Lawngah MAH Tei khawh asilai Timi Tulawngah Asiahcun Dohthlennak Caan Asau Lai Tinak Asi. Dr. Sa Sa Chimhmi kha rak ngai uhlaw, a hnu nanrak zulh ahcun, NUG ah pumkhat kansi diam cang I Tuhrawng ahcun Ralhrang Rallokap cu Tei cikcek ansi cang lai I Mipi sinah uknak a phan cang hnga.

Tlangcungmi le an Ralkapbu nih kan zumh hna seh, NUG ah pumkhat si uhsih timi saduhthah he Dr. Sa Sa hi an thimh hlei mi asi ti usihlaw kan palh lailo. Dr. Sa Sa bia kha rak zumh uhlaw, Federal Army zong aum diam cang hnga. CJDC nih, CDFs chung in, Minung 10 cio thimh in kawlrawm lei kuat hnu ah Federal Army dirh zong aum lailo. Federal Army hna Tindan an kai lai, an I lim lai, hriamnam pekin Rallokap hung namh ding zong khi, hmakhat te ah, atu bak ah asi khawh mi asilo caah, Dohthlennak can asau deuh nak cu asi cu mu.

Tlangcung hriamtlai ah a thawngbikmi KIO cu an lung pem cang. Chinmi a lung pem lomi kan um rih lai dah. ZRA ko hi khuaruahar. NUG he siloin MAH tu a kawmh. Tuak cio ko uh. Chinram le Chin Miphun ah, ZRA bantukin si aduhmi hriamtlaiphu kan um rih ahcun, na nu paw chungin a ti in Rak zut law law uhlaw atha deuh phun nansi ko. Lungfak tuk ah bia atha pahlo. Ka ngaithiam hram uh.

KIO/KIA nih NUG ah aa fonh ahcun AA, TNLA, MNDAA zong aafonh lai tinak asi. UWSA hmanh aa fonh ko. Thawngtha ngai asiko. Shan Ralkap tu cu Rallokap minung silan dawh asi ve. CNF/CNA, CDF lawng hi NUG he aa fonh ti zong Chinmi nih hngalh a herh ngai ngai I CNF thangchiat cu chimlo, vawlei ah voi 70 kunin biak ding tu khi ansi deuh.

Tlangcungmi cu NUG he I fonh lo zong ah, tam deuh nih MAH kan doh hna, tampi nunnak a liam ve. Kawl miphun cu NUG he an I fonh ko nain, biatak tein MAH an doh ve lo. Kaya, Chin, Karen, Kachin lawng an kan rinh. Chinram he ramri asimi Sakai le Makui ramthem lawng nih MAH biatak tein an doh ve. Hi nih hin Dohthlennak asau ter khun.

Dohthlennak can cu asau rih lai, mipi kan ba tuk rih lai Nunnak zeimawzat a liam rih lai, Urkangh mi khua le khuarawp an um len rih lai, tirawl eidin harsat can asau rih lai, Lungrawn khua khirh can a nai rihlo, ramdang um chinmi tampi thawh aherh rih lai, Teitu sican hi Zubui Mei can asi hrim lo, can sau rih lai caah, zeilei poah ah timhcia tein um zungzal a herh ve hnga. Credit: Joseph R. Thang