Ralhrang ralkap ruang ah mi tampi nih Hlaing Thar Yar an chuah tak thluahmah cang

Ralhrang ralkap ruang ah mi tampi nih Hlaingthaya an chuah tak thluahmah cang
================
March 14,2021 ah ralkap nih Yangon khuachung Myo vialte lakah company le rian a tam bik nak Hlaing Thar Yar cu Martial Laws hman ding in nawl a chuah caah ralkap tampi an thlah hna. Heh tiah Sandahpiah mi cu an kah hna caah a tlawmbik ni nikhat teah minung 50 an thi. 300 leng nih hma an put. Cu ti cun ralkap pawl cu full in nawl ngeihnak pek an si cang caah ka dang hmundang in ra in Hlaing Thar Yar ah rian a rak tuammi pawl nih Hlaing Thar Yar Myo cu an chuah taah thluahmah cang.

Catial tu keimah zumhnak ah Hlaing Thar Yar ah hin company tampi a um lawng si loin Tuluk company le Tuluk Business tuahmi tampi an umnak a si caah ralkap nih biatak deuh in runven an duh I si ruah tiah ka ruah. Ngaihchia si ko.

Relchap, Kawlram palik 400 leng India ah an zam cang. Tutan Kawlram ralkap uknak lak ruang ah palik pawl cu ralkap nih an duh ning poh in an hman hna. Nawl an pek hna. Dai te Sandahpiah ko mi mipi zong cunglei ralkap nih kah le thah an fial hna caah cu ti ralkap nawlpekmi zulh I mipi thah le hrem kha cheukhat palik nih an duh lo caah India ram ah an zam.

India cozah lei chim ning ah “February thla dih lei khan palik tampi kan ram ah an zam. Ralkap uknak duh lo ah an rak zam i 400 leng an si cang. Tam deuh cu palik an si. Meithat zong an um,” tiah an ti. A zammi tam deuh cu Mizo ram lei in an lut ti si. A zammi lei nih an chin ve mi cu “ralkap nawlpekmi zulh i mipi hrem le thah kan duh lo caah kan zammi si,” an ti. Credit: Tluang Ceu Thang