SAC nih Falam peng, Ramthlo khua vanlawng in bomb a thlak i khuami pasarih hma an pu!
==========
Chin ramkulh, Falam peng, Falam- Hakha lamcung ah a um mi Ramthlo khua cu nihin suimilaam 11:00 hrawng ah SAC nih Jet fighter in bomb a thlak pin ah miakpi in an kah hna caah khuami 7 hma an pu i, biakinn tel in inn cheukhat a rawk tiah kan theih.
Khuami pakhat nih,” Kahdohnak zong a um lo, zahan zaantim ah Falam lei ah kahdohnak cu a um rua nain kan nih kan khua ah cun a um lo. Asinain vanlawng nih bomb a rak thlak caah pa 3 le nu 4 hliam an tuar, An nunnak caah thinphan tuk awk cu a um lo,” tiah a chim.
Nihin August 12 zinglei ah Falam khua hrambunh SAC ralkap 268 battalion cu Chin ralkap nih an kah i hrimnam zong an laak hna tiah theih a si. Asinain tuanvo ngei nih phung ning in thanhnak tu cu a um rih lo. Falam hrambunh LIB 268 ralhraang battalion nih miakpi ningcanglo in an kah mi ruang ah Falam peng Sunthla khua zong ah nu pahnih le pa pakhat hma an pu tiah kan theih.
Ramthlo Khua SAC Ralhrang Vanlawng Bomb Thlakhnawh Nak In Khuami 7 Hliam An Tuar; Biakinn Le Inn Cheukhat An Rawk. August 12 zing suimilam 11:30 tluk ah SAC ralhrang raltuknak vanlawng nih Falam peng Ramthlo khu ah Bomb a thlak i Baptist Biakinn le inn cheukhat an rawk pin ah khua mi 7 hliam an tuar tiah CNDF nih an langh ter.
Falam peng, Ramthlo khua ah SAC ralkap nih nihin August 12, zinglei suimilam 11:30 hrawng ah raltuknak vanlawng in bomb a thlak i, Ramthlo Baptist Biakinn zong a rawk. Cu pinah khuami 7 hliam an pu, tiah Chin National Defense Force(CNDF) nih an thanh.
Falam Khuachung Hrambunh SAC LIB 268 Cu CNA Nih An Kah Hna. Chin ramkulh, Falam khua hrambunh SAC LIB 268 cu August 12 zinglei sml 1:00am hrawng in CNA nih an va kah hna tiah thawng theih a si. “Tu zing sml 1:00am hrawng ah kahdohnak thawng pehzulh in a thang. Grenade zong an hman ngai men lai. Bom thawng zong aa peh ngai. Kahdohnak hi zinglei sml 4:00am sml 3 chung hrawng a rau” tiah Falam um khuami pakhat nih The Chinland Post ah a chim.
Zinglei sml 8:00am hrawng ah SAC ralkap lei nih hriamngan an kah thlorh i Sunthla khua ah a tla i a puah caah Sunthla khuami nufa hna 3 an i hliam tiah The Rili Voice zong nih a langhter.
Kahdohnak chung ah CDF- KKG hriamtlai pakhat nih ram le miphun caah a nunnak a liam tiah theih a si.
August 12 chun sml 11:00am hrawng ah SAC Fighter Jet nih Falam peng, Ramthlo khua cu bom a rak thlak caah Ramthlo Baptist Biakinn a rawk i mipi 6 zong an i hliam tiah khuami hna sin in thawng theih a si.
Ramthlo Biakinn Ralhrang Nih Bomb In A Kah, Khuami Hliamtuar Um. East Lairam, Falam peng Falam-Hakha lamcung ah a ummi Ramthlo khua cu ralhraang nih nihin ah Jet fighter in bomb a thlak caah khuami 7 hliam an tuar. Cun Ramthlo Baptist Church biakinn zong a rawk.
Ramthlo khua ahhin kahdohnak zong a um lo. Ramthlo khua hi a liamcia caan ah ralhraang nih an inn an rak baoh khangh piak bal cang hna. Hniang 12 zinglei ah Falam hrambunh ralhraang cu Chin miphun hriamtlai nih an kah hna caah Ramthlo khua hi ralhraang nih bomb an thlak tiah Online ah an țial ngai.
Executive Editor – Ralhraang nih Ramthlo khua bomb an thlaknak le Falam kahdohnak hi ai pehtlai kho lo, zeiruangah ti cun Falam kah ruang i Ramthlo khua nih tuar cu a si kho lo. Falam kah ruangah ralhraang nih bomb a thlak cu thilsi kho a si ko, asinain Ramthlo khua theng nih tuar cu Chin miphun hriamtlai sualphawt duhbia a si deuh lo maw?