Kalay Thonginn Ah CNDF Ralkap 1 Nunnak A Liam; SAC Nih A Ruak Tlunpi An Siang Lo!
=========
Sagaing ramṭhen, Kalaymyo thonginn ah SAC ralhrang nih thong an thlakmi Salai Van Biak Him cu nizan August 6 zing ah Kalaymyo sii-inn pi ah a nunnak a liam, tiah kan theih. 2022 kum i thonginn chung kahdohnak lio ah a nunnak liammi Van Ding he 2021 kum lio ahkhan SAC ralhrang nih an tlaihkhih hna, tiah theih a si.
CNDF in chimpuannak nawlngei tu Salai Cung Ngai nih “Salai Van Biak Him hi lung zawtnak a ngei ti ah kan theih. Nizan zing suimilam 10:00 hrawng ah Kalay sii-inn pi an phak pi i suimilam cheu hrawng a rauh hnu ah a nunnak a liam. Mi theih dingin aa dawhnak men ah a thih lai te ah sii-inn an kalpi hi a si.
Thonginn chung ah ṭhate in thlopbulnak caan zong an pe lai lo. Cun a ruak zong a chuahnak khua Falam ah tlunpi an sian lo caah Kalaymyo ah an vui” tiah a chim. CNO/CNDF chungtel 14 hna cu SAC ralhrang nih an tlaih hna i thong an thlak hna. Cu chung ah minung 2 an nunnak a liam cang, tiah theih chih a si.
Dohthlennak a dih hlan ah Cauk tial le Film chuah caan a si rih lo! Kei cu ka sia a rem lo. Ka chim lengmang tawn, Chin Miphun cu Burmaram milu rel nak ah 2% lawng kan si. Miphun huap in riantuan le thil kan tuah tik ah cu cu kan i philh lo ding a biapi taktak mi a si. Kum 2 leng Dohthlennak ah nun nak tam pi a liam cang, pum tlamtling lo in Minung tam tuk te an um cang. Hi dirhmun kan si ko bu zong ah lung rialmal cu a nei kho ruam rih lo.
Lungrual nak hi cu va um rih ko seh, hi tluk thisen le nunnak thap in Miphun le Ram caah an thisen le an nun nak in tuanbia an tial lio ah, Catlap le pawlpen in zeitin dah Miphun Dohthlennak hna hi nan tial ngam hnga ka ti.
Dohthlennak a dih hnu ah nan va tial te ahcun cu cu a phung a si ko, Dohthlennak zei caan a kal lai zong a thei rih lo. Tei lai le tei lai lo zong a fiang rih lo, zei dirhmun le sining kan va phanh te lai zong a fiang tuk rih lo. Cu caah Miphun le ram caah nun nak thisen he tuanbia an tial lio ah Catlap le Cafung cun tuanbia tial caan a si rih lo.
Cu lawng hlah Dohthlennak Film zong chuah caan a si rih lo, Miphun le Ram a daw taktak mi hna nih cun Dohthlennak Cauk te hna Film te hna Dohthlennak a dih hnu lawng lawng ah chuah te ding ah an chiah mi a si!
Thantlang khi vialte Inn a kangh i a ciam dih mi khi cheukhat nih hman i thlak pi, cheukhat nih Film i chuah pi, cheukhat nih khi Hmanthlak te khi an i put i kan bawm uh tiah bawmh hal nak ah an hman i pawcawm nak ah an rak hman ve!
Miphun huap in Control tu zong a nei lo mi Miphun huap Dohthlennak, Policy zong a nei lo mi mah le duh ning cio in tuan mah le duh ning cio in kal. ThanTlang Inn a kangh mi Hmanthlak hrim khin cun Pawcawm nak ah hmang sawh ti hlah uh! Ka sia a rem lo tuk ah!
Pau dothlennak hi a sau rih lai! Vansan hnu “Ngatlaih duh Tileek- နောက်ဆုံးအကြံ ငါးဖမ်းချင် ရေပက်ထုတ်” timi khi MAH nih a hman te kho! Atu hi ai thawkka lawng asi rih! Kan ciap cikcek te kho! Thisen le Ruak kuung tikah kan Lau ciammam lonak hnga zong Lungkil ah rak i pawi cia kan hau! MAH nih hin a ralkap pawl hmunhma a cuup retret hi kan norh kho bia asi nemmam rih lo!….Acu lakah, a herh lemlo tete cu i sum ah a ttha bik! “Ruahnak ai lauh tukmi Miphun” kan rak si ziar ko rua.
Vawlei cung ah hin mi zei huaha lo pawl khi an cawn piak hna i an fim ngai ti hi ka thei bal rih lo. Mifim mi tu hi cawkpiak hau lo in an mah nih Midang thiam nak le hngalh nak kha cawn khawh le thiam khawh an i zuam, Midang nih rak cawnpiak rak hnek chih an hau lo. An mah tein zuam nak an nei Midang thiam nak le hngal nak kha thiam khawh le hngalh khawh an i zuam zungzal.
Cu cu an nun nak lam thluan ah an i kalpi mi a si!
Taluk pawl khi zoh nak ahcun sifak ngai le mihrut a si rua kan ti mi hna pawl khi Mirum fimthiam nak sang sang a nei mi an rak tam ngai! US ram an um tik ah US nih an tuah mi an thiam mi cawn khawh le thiam khawh hngalh khawh an i zuam dih. Kan nih cu kan lungput hrim hrim in kan tuah kho lai lo kan hngal kho lai lo kan thiam lai lo ti ruahnak le lungput kan i neih cia. Cawn le thiam le hngalh hrim kha kan i tim lo.
Cu nih cun hawi dang va phanh khawh le va phak khawh ding cu a fawi lo ngai mi thil a si! Mah le u nau mah le chung khat, mah le Miphun i bochan le thazaang a pe mi kan si lo, thazaang i pek le i forh fial nak lungput hrim kan nei lo. Cu cu a ruang bik zoh tik ah kan lungput le kan ruahnak a rak niam deuh caah a si bik ko.
Vawlei cung ram tha bik kan um zong ah Midang sal bantuk in kan nun chung um dawh kan si. Ram tha ah Kum 20 Kum 30 kan um hnu ah kan ram ah hei kir than te uh si law zei khi dah ram tha ah Kum 20 Kum 30 kan um mi a theipar kan i phorh te hnga ti ruah awk a um ngai. Cheukhat cu Ramdang in an kir i Zuu tama hna ah a chuah mi an tampi taktak ko. Cu dirhmun zong cu va phak khawh cio kan si te ko.
Hawi nih thil tha an tuah an tuan mi thazaang kan pek khawh hna lo zong ah thazaang der nak thachiat nak a chim tu le a pe tu cu si hrim hrim hna hlah uh sih! Ni khat khat ah an mah sin lila in kan nun a thleng kho te mi kan si ve ti ruahnak in thazaang pek khawh le forh fial khawh tu kan zuam hna ding a si. Cu cu hawi dang Miphun dang phanh khawh nak ding le phak khawh nak ding ah lam tha bik a si! Credit: Salai Ceu