Ralhrang Nih An Kawl mi hna cu a poi taktak ko, i ralrin taktak a hau cang!

Ralkap thuam he Fb ah a lang mi nu tam nawn cu Ralhraang Council nih Hakha ah an kawl hna
=========
Ralkap thuam he Facebook cahmai ah hmanthlak a langhter mi nu cheukhat cu Council ralhraang pawl nih tlaih ding cazin ah an chiah hna i lampi in mi chekhlatnak an tuah tiah chekhlat a tong mi nu pakhat sin in kan theih. Atu bantuk chekhlatnak hi Chin Ramkulh, Hakha khua chung ah an tuah mi a si i, an hmanthlak print an chuah hna tiah theih a si.

Hi kong he pehtlai in, “Nihin Hakha khuachung ah mi an chek ngai. An motor chung ah Fb i ralkap thuam he hmanthlak aa post mi an hmanthlak pawl print mi an chiah.D An hmanthlak cu pakhat hnu pakhat in an kan hmuhsak. Kanmah zong ka hawinu he an kan tlaih nain, Bawipa a tha… kan luat than. Kan NRC le kan hmanthlak bel an laak,” tiah tlaih a tong i a luat than mi pakhat nih a chim.

Atu bantuk in hmanthlak he an kawl mi hna hi a tlawm bik ah minung 15 cu an si lai tiah theih a si. Hmanthlak: Hakha khua chung zalam cung Council ralhraang pawl hmanthlak hlun a si.

CDF Halkha nih hin mipi an dawt caah si ko. Lubo pawl khi faqi tuk in an hloh ko hna lai, kan Lai pasal hriamnam zong zei maw zat an ngeih ko. Mipi zawn an ruah i si ko. Bator raallokap cu lor ko rih hna seh. Chinmi kan lung aa rual ahcun an rau lai lo.

A herh lo ah FB i tamtuk ipost kha atha lemlo. lenglang huham nak in chunglei thawn kha biapi deoh ko. Nu lawng sihlah laipa zong treaning kai dih le cangka khaw zei maw puaituah bang le philh lo awk hei ti ifim tawl phun. mah nih khan anmah nunnak caah ttih anung deoh. Credit: The Hakha Post

Pacan CNA,CNF le fapa CDF karlak thil sining! Chin Miphun cu miphun tling pakhat kan si. Holh, caa, nunphung, biaknak a ngei mi miphun kan si.UN zong nih miphun pakhat ah cohlan mi kan si. Union of Burma kan rak dirh hlan ah kan mah tein aa uk aa hruaimi miphun kan si. 1947 Feb 12 Panglong biatiamnak ruangah Union of Burma ram rak dir a si.

Miphun pakhat le pakhat karlak ah thleidannak a um lai lo. Kawl fangkhat a hmuh ahcun Chin pa zong fangkhat tiah biakam a si. Cu ti cun miphun aa dang mi nih inn pakhat ah khusak ding in lungtlinnak ngeih a rak si. Hmanhseh kan zapi inn sak mi cu miphun lian ka si ai timi miphun kawl miphun nih inn pi in kan ihnak khan tiang nawl ngeihnak an kauh cuahmah. Innpi, coka, ihnak khan, inhmun tiang kha an kuttang ah chiah an timh.

Hi inn pi hi kan zapi sak mi a si. A ho miphun kutcungah a um awk a si lo. Kan zapi hrawm mi a si. Miphun pi ai timi kawl miphun pawl nih kan ihnak khan chung a um mi kan biaknak, kan nunphung, kan caa, kan holh cu hrawh piak dih in kawl miphun ah can ter a kan timh. Cucu Pathian a bia mi miphun in milem a bia mi miphun ah ser cu an duh lo ruangah hriamtlaih in ramtang ah ah dohthlennak rak tuah a si. KNU, KIA nih hriam an tlai colh.

Kan Chin miphun chung in Hrang Nawl nih rak thawk ve. An tlam a rak tling lo. 88 hnu in Sianghnakchia hna le ram daw tu hna nih Chin Miphun dohthlennak cu an rak thawk ve. A tu hin cun kum 34 chung an kal cang. Ram tang an luh hriam an tlaih ahhin hi kaw rlakap le miphun pi kan si ti aa ruat mi hna hi kan kah hna lai i kan tei hna lai ti cu an rak ruat hrim lai lo. Miphun pakhat kan si hi!

Kan miphun cu kan mah tein uk kan duh. Mi zei miphun kuttang ah um kan duh lo ti hi! Miphun zalonnak kan duh ti hi a si ko. Kawl cozah he chawnh awk a tthat lo caah miphun a dawmi mifim cathiam hna nih ramdang miphun dang hna sinah kan milphun kong cu au pi a si. UN tiang kan phan kho. Curuangah ramdang ah laimi tampi ramdang kan phak khawh nak hi a si.

Tu chun ni ah MAH nih uknak a lak ruangah kan Chin ram ah Defense Force cu dirh cio a si. Miphun dawtu pasal ttha hna nih nunnak an pek cuahmah. MAH nih hin uknak laa hlah seh law CDF a chuak lai lo. Nain CNA, CNF cu a um peng lai. A ruang cu CDF nih an ruah mi cu kawlralkap kah le kawl ralkap tei kha a biapu cem ah an chiah (PAD, Education,….etc cu chia rih sih). Mah le pengtlang kha CDF nithawng pakhat tangah chiah kha a si bik.

CNA, CNF nih cun nation building, miphun pi kan si timi lungput…..etc an doh mi a si( Kawl miphun lung put). phundang kan chim ahcun kan ram cu kanmah tein uk kan duh ti khi a si. Kun 34 miphun dohthlnak a tuah cang mi CNA, CNF zeirel lo kan um tawn mi hi lung a faak ko. Ramdang um nih bia in an vun cheh CDF nih an hna theih in an soisel hna.

CDF hruaitu pawl nih level khat in nan zoh hna. Tutiangah CDF cungah ngeihchiatnak pakhat hmanh a langhter lo. CDF cu a fapa bantuk in a hmuh mi a si. Fapa cu pa a si bantuk in a aipuan caan a um lai a lungfah caan a um lai, a ngeihchiat caan a um lai ti cu a ruah cia ko pacan dirhmun i mu. A fa ah aa ruah mi CDF cungah ngeihchiat, hmaichiat in a um bal lo bia zong a chim bal lo. Cucu puitling pa can dirhmun cu a si.

Kan chuah kan sem hlan in dohthlennak a rak tuah mi CNA, CNF hi upat hna u sih. Tu hmanh ah rakap thazang le hriamnam thazang in bia kan chim cang. Kan bawh keuh tuk rih caah rawl tampi ei rih ko hna u sih. Hmuh ton tampi ngei rih ko u sih. Kan ning hngal tuk rih hlah seh.

Hlan ah mah zuat uico pakhat cung hmanhah nawl a ngei ve lo nih kuttang ah minung zaa leng um cun a zia cu aa dan ve awk hmeteh. Mindat nih zeitluk CNA,CNF doh zapi a thei a si. Senthang nih kawi an tlaih. Kum 34 miphun ralkap (CNA) nih BG pathum li lawng an ngei hna. CDF nih A rau lo ah an ngei colh ve. Note: Ho hmanh buai lo ding. Salai Elishama TN