Ralhrang Nih 122MM Rocket Chinram Ah Chiah An Timh Tiah Zumh ASi!

RALHRANG Nih 122mm ROCKET Chinram Ah Chiah An Timh Tiah Zumh Asi!
=============
Ralhrang nih Chinram ah 122mm Rocket hriamnam 2 cu Chinram ah chiah dingin atu hi an kalpi (phurh) lio asi tiah zumh asi.

Tuluk sinin Type-81, Type-90B le Rusia sin in BM-21 phun 122mm rocket cu a rak cawk cang i, atucu an mah Ralhrang sehzung (ကပစ) zong nih MAM-01 phun 122mm rocket cu a serchuah ko ve cang. 122mm hi cekant 10 ah rocket 20 a chuak ko i, kilometer 20 tiang cu target bak a khen kho mi asi.

Atu hi Chinram ah 122mm pahnih an phurh tiin zumh asi. Tedim maw Matupi ah kakhat chiah i Hakha ah pakhat an chiah lai tiah zumh asi. CDF pawl sakhan aum nak an theih khawh lonak ding hi a biapi tuk. Drone le Helicoptor hmangin an ngiat te hna lai.

I ralring kan hau ko lai hih. Amah belte Chinram cu kan fingtlang le sul nih tampi a kan himter ko lai. Cun Pathian nih a kan umpi i țih tuk ding asi lo. Bawipa nih a venmi Miphun cu a ho Miphun nih dah an hrawhkhawh lai Bawipa kan lei ah a tan ah cun tei nak cu kan taa a siko thla zaa cam ciau ko uh sih.

LAIMI KAN PIPU CHAN; ZAWTNAK LE I THLOP NING (1890-1900). Laimi an zawtnak cu mitfah, pawfah, chungtlik le cuar zawt hmaa-rung hna hi an rak si bik. Laimi nih rawl chuannak le einak ah an hmang mi umkheng a thur hnawn ruangah paw a fak ti hi an thei lo. Ti cin buin zan an it ruangah an ruhkhua a fak ti zong an thei lo.

Zeibantuk zawtnak poh khuachia sin ah bawlnak an tuah. A mit fak mi nih Ar a thah i Ar ruh in a mit kha a hnuai tik ah cheukhat cu an mit zong a caw len mi an um. Dam kho ti lo dingin an ruah mi mizaw caah meithal kha an puah i Dar khuang kha an tum piak. An meithal le an dar khuang thawng nih an mizaw cu a zual ter i a cheu cu an i thi phah.

Kut ke a kiak tik ah lachon in an tuam i rua cheu tete in an kamh. Khawndennak hma an tuar ahcun an hma zawn kha thil zum mi in an chunh i, a kua ah meheh ki zum an bunh, cun a thi chia an dawp piak hna. Thichia an dawp hnu ah a hmakaa zawn kha khuaiseng in an phih piak hna.

Laimi hi meithal kuan hma in rian rang tein an dam khawh hi khuaruahhar ngai asi. Kuan nih a khiah mi an ruh zong an peh an ser ter khawh. Mei kangh hma caah cun vok thau an thuh piak hna.

Thinghmui zawtnak hi cu Laimi nih an theih cemmi zawtnak asi. Thinghmui zawtnak hi an tih tuk lem lo i, thinghmui in a zaw mi nih nupi le pasal an ngei kho ko. Dimlo khua ahcun thinghmui ruangah kut le bul mi tampi kan hmuh hna. Ramthlo khua ah hin thinghmui mi zaw an tam tuk ti asi ko nain a zaw mi taktak cu kan hmu lem hna lo.

Chaklei tlang Tlaisun ram ah hin Cokpuar (hrawmpaw) mi tam cem kan hmuh hna. Singsih le Zawlu khua pawng hrawng ah hin mihrut le mi chuapchap an tam ngai. Cheukhat cu vok ek lak ah vok he an tlong i holh zong an holh kho lo. Tlanglei ahcun Ruavan khua le a pawng kam ah Hrawmpaw an tam bik ve.

Laimi nih an țih bik mi cu Ngal-eu chungtlik asi. Mah ngal-eu nih a phak hna ahcun an țih tuk i, lo thlam ah an zaam viar tawn. Minung an tlawm i an vakvai lem lo caah Zawtnak zong hi a karh lem lo. Mah bantuk chonh khawhmi zawtnak nih khua pakhat a phak ahcun mah khua cu an hrial hna.

Rai aum ahcun an mah le khua cio nih Hauka in midang an luhnak hnga lo an hngah hna. Mikhual nih a duh lo i a pah ahcun thinlak in an kah ko hna. Tlang cungah thih sii din in a thi mi cu kan thei lo nain, tiva ahcun nga thahnak ahcun an hman tawn. Credit: Israel R. Thang