Ralhrang Motor Bomb In Puah Hnawh An Si, Ralhrang 10 An Thi!

Yesagyu khua chuahnak ah ralhrang mawtaw bomb in puah an si,rallokap 10 nak tlawmlo an thi
============
Magwe ramtgen,Yesagyu peng ah September 17 zaan suimilam 9:45 ah ralhrang mawtaw cu Yesagyu PDF nih bomb in an puahhnawh hna i rallokap a tlawmbik 10 nak tlawmlo an thi tiah Yesagyu PDF nih an thanh.

September 17 zaan suimilam 9:45 ah Yesagyu khualuhnak ah Cycle,Mawtaw hna cu humhimnak he pehtlaih in ralhrang mawtaw cu Yesagyu PDF nih bomb in voihnih an puah hna i,rallokap 10 nak tlawmlo an thi,hliamtuar mi an tam tiah Yesagyu PDF nih an thanh.

Nizaan Suimilam 10 hrawngah khualeng ah puahkehnak 3 hrawng kan theih, cu hnu ah kahdohnak kan theih,khua le a chung kar hrawngah kan theih, rallokap lei an thi tiah kan theih, fianghlang cun chim awk a tha lo tiah Yesagyu khuami pakhat nih a chim.

PKDF ralbawi pakhat ram le miphun caah a nunnak liam! Sanpiah meng 6 nak hmunhma ah ralhrangbu le Karenni ralkap kahdohnak ah Karenni ralkap lei in Runham pakhat cu ralhrangbu hriamnam kuan nih a hliamnak in a nunnak a liam
Kaya ramkulh(Karenni ram) Loikaw khuapi pawngkam ah Dawposi khua le Sanpiah meng 6 nak hmunhma chungah ralzaamnak riahbuk pakhat ah September 16 nizaan zaan suimilam 7 hrawngah a rak kaimi ralhrang thazaang 100 hrawng le Karenni ralkap phu hna cu ruahlo piin an k tongin kahdohnak a chuak.

Ralhrangbu lei nih hriamnam ngan in an rak kahnak kuan nih a khen ruangah Karenni ralkap Runham pakhat nih a nunnak a liam tiah thawng kan theih. Karenni ralkap in Runham Na Ye-Al De cu hraimngan kuan nih a khen ruangah ram tang si-inn pakhat ah a nunnak a liam tiah PKDF nih cathanh an chuah.

Daw Aung San Suh Cu Nay Pyi Taw Ah Biaceih Ding In Ralhrang Nih Timhtuah. Ralhrang phu nih rampi ruahnak pe tu Daw Aung San Suh Kyi cu ziknawh nak case 4 in tazaan cuai mi Daw Khin Kyi Foundation he peh tlai in case 3, U Phyo Min Thing he peh tlai in case 1 hna cu a ra lai mi October 1 thok in Nay Pyi Taw ah bia ceih a si cang lai tiah kan theih.

Nay Pyi Taw ah rampi ruah nak pe tu Daw Aung San Suh Kyi cu biaceih tawn nak bik a si mi biaceih nak zung ah Mandalay ramthen Hluttaw Biaceih zung biaceih bawi pakhat a ra lai i bia a ceih lai, Daw Aung San Suh Kyi cu mah pakhat ca lawng ah case2, a dang caah case 2, azapi in case4 ceih a si lai.

Rampi ruahnak pe tu Daw Aung San Suh Kyi cu Mandalay ah tazacuai mi a case hna cu Nay Pyi Thaw ah biaceih ding a si leng ah mi bu pi that tu phungning pohmah 505, cozah thuh mi phungning, Chawleh thalnak phungning, pehtleih nak phungning, hna Pohmah tam pi in sual an phawt. Credit: The Chin Post