Ralhrang Kawl Ralkap nih raltei an duh tikah Phihkarh nak phun (4) an hmang tawn.

MAH Phihkar Caan Duhdim Tein Khuasak Tuntuk Ningcang Cawnpiak Nak: PG61
==========
Internet An Phit Mi Cu Thahnawn Dih Cang Usih Ti Nak Asi: Ralhrang Kawl Ralkap nih raltei an duh tikah Phihkarh nak phun (4) an hmang tawn. “ဖြတ်၄ဖြတ်” min an pek. Cu hna cu: Lamsul, Supply (Eidin Tirawl), Communication / Information (Pehtlai nak, thawng pang, Internet, Social Media, fb, phone tbk, Electric (Mei).

Sui Thantlang ah Internet an philh nak hmuitinh bik cu an Ralkap le an mipi he nawn dih uh tinak asi. Ttl peng vialte aa tel dih. Pengkulh dang (7) zong Ttl btk tho tho asi. Chinram ah Hakha lawng an luat ter chung. Pengkulh (namh dih hnu ah Hakha namh an i timh nak asi.

Tirawl, Eidin, Chiti, Cite, Sii ai, tbk nifatin kan Nunnak caah a um lo awk ṭhalomi vialte, an phih dih lai. “Mipi an lungdong sehlaw ka cohlan hna seh ti le an ralkap bawmhchan khawh hna hlah seh” timi MAH i “Great Planning” “မဟာစီမံကိန်း” asi.

Mipi nih Tirawl Eidin le Sii ai i zalh cia ding abiapit tuk hrinhran. Khuate lei cu Lo chung chuak thlairawl le Chin rawl phun phun kan ngei caah phang awk a um lem lai lo. Kawl cozah kip nih, an kan cawm ballo mi, chin miphun kansi, kanmah tein cozah kip sinah aa cawk mi, Chinmi kansi caah azalh kan i har lem lailo dah.

Krifa hmasat hna cu an ngeihchia chawva kha Pathian Inn ah an rak put hna. Hmunkhat ah an Eidin ṭi caah an lakah sifah mi an um lo tiah Dr. Luka nih ati. Cu nun cu cawng ve i zuam usih. Israel ram Kitbuz um mi hna cu nihintiang cu nun in khua an sa. Zumhtu cu Israel thar nanti ko kha, nanmah bia te asi ko. Nunhrawm le siangnun thiam ve cang usih. Zumhtu kan sinak tehte!

Ramlak um thingthei, hanghnah, baa phun phun le bahra in pawkhim nun cawng ve cang usih. Chiti le cite loin eidin thiam i zuam usih. Ngandam nak le chansau nak asi. Cancer, zunthlum le thi kai zawt damnak zong asi cih. Vitamin le Nutritious tirawl zong asi. I nautat ding asi hrim lo. Tawlre baa Eidin nun zong cawn a herh lai. Wahṭung in khauhsoi btkin eikhawh asi. Chumh chuan in Ei khawh asi ve. Tawlre cu sipuazi caa lawng ah hmang ti hlah. Purcan tirawl ah hmang thiam abiapi ngai ngai.

Aka a thaw lomi vialte nih Exercise minit 10 – 30 lak usih. Na ka a thaw rih lo ahcun Ei hlan minit 10 tluk Exercise tuah hmasa lengmang ding. Na thahri le na thisen asamh dih lai i an cawlcangh lai caah na ka a thaw zungzal lai. A rawl Ei ka athaw lomi vialte nih lakphak ti le coffee mix din i sum usih. Na ngeih chun na chawva tlo deuh ve cang seh. Naa sum khawhlo hrat ahcun rawl ei hnu tu ah din awk asi lai.

Lakphakti le Coffee mix caah Khamhmui, Khamphe, Nanan, Puṭanan, Rangtinbel, tbk kha Tisa he ciah law din deuh hna. Na duh lo zong ah i baar chih. Arau hlan ah naa ziak te lai. Sii ai asimi Aihre, Vankhawng, Aithing, tbk cu cat ter loah a ṭha. Adang asi khawh lo hmanh ah Aihre cu um peng seh. Bawhte le Ngakchia an paw fah tikah Aihre din nun cawn ve cang. Upa caah an ṭha ve fawn. Ruahlo pi in, i theihhngalh loin azawmi an um ahcun, Fang le Aihre baar hna uh. Kutke thi zong tuk fawn ding.

Vegetarian timi thingthei Hanghnah lawng in pawkhim nun thiam ve cang usih. Ngandamnak tling phawrhtu asi. Hygiene timi thianghlim nun cawn ve usih. Um kheng, Hrai, Darkeu (Haileng) Pakan tbk thiang hlim tein ṭawl usih. Kutke thiang hlim tein ṭawl ding. Khim hnu ah siloin, rawl ei hlan ah kut ṭawl nun (thiang tein) thiam ve cang usih. Chahpiat aumlo ahcun Vutcam hmang khawh asi.

Ti hring din bak lo ding. Ti thah cat ter lo ding. Pawngkam zong thing hlim tein chiah zungzal a herh. Ngakchia Zuun le ek vawlei ah phum ding. Pawngkal le Dailen naa lim poah ah kut ṭawl philh hlah. Na ka Chung rawnh ding mi poah, thiang hlim tein ṭawl hmasat ding. Phihkarh caan nih purcan a tlunpi lio caan / tlikzam caan / sii ai harsat caan tbk ah nundam le hnangam tein khuasa mi kan si ve nak hnga, dawtnak le zawn ruah nak he lam hmuhsak bia.

MAH le SAC nih phihkarh nak cu, ngandam nak tirawl Eidin Zia kan thiam nak le chansau Nun cawnnak tu ah hmang i zuam hna sih. Kan hrik athak lo kha thei sehlaw lau seh. A hnubik biacahnak cu: Hakbakkuk Ṭinṭang tum na thiam cang maw? Na thiam a herh lai Unau! Credit: Saya Rung Kaw