Ralhrang an mah le an mah i palh in an i kah caah!
Myaung Pengkulh Ah SAC ralhrang An Mah Le An Mah An I Kah Thah
===========
Sagaing ramkhen Myaung pengkulh ah SAC ralhrang an mah le an mah i palh in an i kah caah SAC ralhrang minung pa 3 an thi khawh nak kong cu Myaung pengkulh mipi hmun himtu CDSOM nih cathanh a chuah.
Tuni suimilam pa 4 hreawng ah Min Chian Khan pengkulh Sii Mii Khung tikulh ah Set Hle (vok Kuang Lawng) pahnih in ralkap thazang minung 20 hrang in Myaung Pengkulh Nay Pu Kung khuate lei ah an rak luh nak kong.
Mah SAC ralhrang phu chung in khuami aiawh in minung pa 4 an i tel i khua chungah an luh hnu ah an chuah tthan hnu in khuai aiawh in a ra mi SAC ralhrang pa li nih an hoi le te a leng in an hngak hna mi cu an mah SAC ralhrang hna nih mipi ah ruah sual in an mah le an mah an i kah nak kong.
Mah khua mi aiawh in a ra mi SAC ralhrang minung pa li hna lak ah minung pa 3 cu an nunnak aliam khawh nak kong cu CDSOM nih cathanh a chuah. Mah hna lak ah Minung pa 3 an nunnak a liam kho.
An mah le an mah mipi hmunhimtu tiin an i ruah sual i an mah le an mah i palh in an i kah sual” tiah CDSOM in tuanvo ngei tu pakhat nih a chim.
ANC/AA Le An Hawile Phu Nih SAC Ralhrang Ralkap Hriamngan Kahnak Sakhan An Laak! Kayin ramkulh Myiahwady peng chung Pha Lu Gyi khua lenglei pi (feet) 4500 hlatnak, Phaya Kung i SAC ralhrang ralkap sakhan le anmah kuttang ah a ummi BGF sakhan umnak, caan karlak hriamngan kahnak sakhan cu ANC/AA, KNU/KNLA Battalion 27 တပ်ခွဲ (၂) le PDF hna i fonh in Febuary 16 zanlei sangah kahdoh in an laak tiah cathanh an chuah.
SAC ralhrang ralkap nih hriamngan in siseh, chun hnu sml 2:43-51 tiangah raltuknak vanlawng (2) hmangin siseh bawmhchanh in an kan kah pinah Myiahwady BGF sakhan in motor (12) bakin thazaang an i chap ruangah sml 7:30 hrawngah tha tein hmunhma laa hratin kahdohnak hmun in himdam tein kan i zukphiak kho tiah an langhter.
Kahdohnak caan chungah SAC ralhrang ralkap nih ၁၂၀ မမ စိန်ပြောင်း zuun (1), 60 မမ စိန်ပြောင်း zuun (1), RPG zuun (2), seh (1), hriamnam hme zuun (1), pehtlaihnak seh (1) telh in bag (20) tluk le bawi deuh nih an hmanmi phone hna cu kan chuh kho hna i, SAC ralhrang ralkap a thimi an tam ngaingai tiah hmutu nih thawngpang an kan pek tiah ANC/AA nih an chim.
Phalu khua le Lyi Kih Kaw peng chungah Febuary 14 thawkin kahdohnak hi a chuak pah lengmang i, thazaang a chaptu SAC ralhrang ralkap hna cu mipi vengtu hriamtlai phu fonhmi nih pyauh kyar bakin kulh hratin an kah cuahmah lio a si.
Kalaymyo Ah Nithum Chungah Sianginn Saya Telh In Minung (6) Tlaih An Tong! Kalaymyo Aung Myi Man sangah CDM tuahtu U Myo Min Aung le a thaisungnu Daw San Da hna cu Febuary 16 ah SAC ralhrang ralkap nih an tlaih tiah theih a si.
Saya U Myo Min Aung cu Kalaymyo အထက (၁) ah middle class ah cachimtu a si i, a thaisungnu Daw San Da cu Natchaung lamah Mohinga a zuar.
SAC ralhrang ralkap tampi nih saya Myo Min Aung inn cu kulh hratin an rak tlaih hi a si. Anmah inn ah an kal hlanah a thaisungnu dawr ah an kal hmasa tiah theih a si. Febuary 15 zanlei sangah Aung Thit Sa ah a ummi Ko Maung Maung mipi sawhsawh zong SAC ralhrang ralkap nih an tlaih tiah pawngkam ummi pakhat nih a chim.
A liamcia Febuary 14 ah Aung Thit Sa sangah a ummi mipi sawhsawh Daw Hti Myint, Daw Mih Htu le kum 20 tluk simi a fapale hna cu SAC ralhrang ralkap nih PDF he pehtlaihnak nan ngei timi sual phawt nakin an tlaih tiah an chim.
An dihlak in Kalaymyo khuapi chung zohfeltu or hohatu head department ah an hrenh hna tiah theih a si.
Putao Peng Chungah A Rak Zaammi Nuva Hna Cu SAC Ralhrang Nih An Kah That! Kachin ramkulh Putao peng chungah Phat Mar khua ah KIA le PDF fonhmi phu le SAC ralhrang ralkap karlak ah kahdohnak a chuah hnuin khuami pahnih cu SAC ralhrang nih an kah that tiah Putao PDF nih Febuary 16 ah cathanh an chuah. Cu kahdohnak cu Febuary 15 zaan ah a si i, khuami hna cu lengah chuahter loin ralphaw ah an hman hna caah cycle in a zaammi nuva pahnih cu an kah that tiah theih a si.
Mipi vengtu Putao PDF nih mipi caah nunnak pekin kan kahdoh hna lai i, mipi ral a simi SAC ralhrang ralkap le anmah kuttang ah a ummi zong kahdohnak kan tuah lai tiah cathanh an chuah. Cucaah SAC ralhrang ralkap lainawng cu an thih dih hlan lo kahdohnak tuah dingmi caan ah Putao mipi zong i tel cio dingin sawmnak an ngei tiah theih a si.
Yan Gyi Aung Khua Ah Umnak Sakhan Tuahtu SAC Ralhrang Ralkap Cu Mipi Vengtu Nih A Thlithup In An Kah! Sagaing ramthen Kalay thlanglei Yan Gyi Aung khua ah umnak sakhan tuahtu nawlngeihnak latu SAC ralhrang ralkap rual cu mipi vengtu nih Febuary 16 zanlei sangah luhhnawh in an kah.
Cu kahdohnak ahcun CDF-KKG le CDF-Hakha hna i fonh in a thlithup in luhhnawh in an kah hna caah kahdohnak caan cu sml 1:00 chung a rau i, ralhrang ralkap (6) an thi tiah theih a si. Ralhrang sakhan kahdohtu CDF-KKG le CDF-Hakha phu leikap ah hliam tuarmi umloin an i zukphiak kho tiah theih a si.
Nawlngeihnak latu SAC ralhrang ralkap nih Yan Gyi Aung khua ah umnak sakhan tuah hratin khua chungah hriamngan hmangin an kah pinah khuami zong an hrocer hna tiah theih a si. A liamcia caan zongah khan khua chungah minung umnak inn (5) cu mei an khanghpiak hna i, tutan zongah minung umnak inn(3) cu mei an khangh than tiah theih a si.
Chin ramkulh Matupi-Paletwa motor lampi cungah a ummi Hte Bui sakhan zong Febuary 16 chun ah CDF-Matupi nih a thlithup in luhhnawh in an kah caah ralhrang pakhat a thi. Hte Bui khua ah a ummi pakhat cu SAC ralhrang ralkap nih vawlei tangah an phummi bomb a lamhsual caah faktukin hliam a tuar tiah theih a si. Credit; The Federal Times
R