Minbya Peng Ah SAC Ralhrang 5 Nih Nu 1 An Thlaihhrem Hnu Ah An Thah. Rakhine ramkulh, Minbya peng, Nga Tan Pyin khua ah SAC ralhrang nih nu fa pahnih an thlaih hna i a fanu cu an sualpi hnu ah an thah, tiah theih a si.
January 17, ah SAC Khah-Mah-Yah 205 sakhan in sergeant Kyaw Myo Naing, second sergeant Thu Yah Naing le ralhrang Chit Luun, Myo Aung le Ko Ko Ko Aung hna nih Nga Tan Pyin khua nu fa pahnih an thlaih hna i a nu cu meithal in an kah i a thi.
Cu hnu ah a fanu cu an kalpi i an pa 5 ning in an tlaihhrem dih hnu ah a ṭang ah meithal in an kah i a hngawng naam in an hleh caah a thi ve, tiah ralhrang Ko Ko Aung nih a chim. Ralhrang Ko Ko Aung hi AA nih an tlaih caah a tubantuk in sualnak an rak tuahmi pawl cu a hun phuan dih ṭhan. Lungmili Post
Thawngpang dang: AA nih hin an ram chung tiang SAC ralhrang nih thazaang taampi an chap kho nak hnga lo caah an ram kauh duh ruangah Paletwa hi fak pi in control khawh an i zuam bik cu asi. Hmailei caah kan thin a phan ngai ve mi pakhat asi.
Dohthlennak chungah cun zeipoah kan mipi zong nih an theithiam ko, kanmah zong nih kan theithiam ko, sihmansehlaw, hmailei can sau a rauh sual ahcun thinphang ngai awk cu asi ko tiah Salai Htet Ni nih a chim.
A biapi cu AA zong hi Local Defence cheukhat pawl nih hmun an pek tuk hna tik ah an duh poah in kan chim mipi zawn zong ruat lem lo in, an hriamnam nih a phak nak tawk in raldohnak an tuah peng mi hi asi ko. Sihmansehlaw, CNA/CNF nih cun miphun dang kan ram chungah duh poah in lut le cawlcang zeitik hman ah kan cohlang kho loh.