Rak share cio uh, pastors te le Public Relation Team Hakha nih rak hmu dih hna seh

Rak share cio uh,pastors te le Public Relation Team Hakha nih rak hmu dih hna seh. Pastor pawl CDM lak ding kan sawm hna!
=================================
CDM timi cu kan pom lomi, cozah ka si aa timi ralhrang pawl fialmi al/zulhlo kha a si. 1990s in Zomi Baptist Convention hruainak in CNF le Ralkap kar ah biaruahnak lam nan rak sial. Pu Chawn Kio zong nih an rak telpi hna i Chiangmai tiang nan rak phan. Asinain nihin tiang a tlamtling maw?

A tu ah chunglai tlak phun in um nan itimh ttheo mi hi ruat deuh tuah uh. Ralkap zia cu na fanu na pek ahcun na nupi tiang an chut ding an si kha philh lo ding.Hakha nan luh ahcun zungah ca va la uh nan ti hoi…CDM kan aupi cuahmah lioah nannih nih zung kal nan fial hna. Zung ah ca va la uh nan ti hna. Hi ralhrang hruaimi hna hi cozah ah kan pom hna lo anmah tial piak mi ca zong kan herh lo.

Pastor pawl, Ralhrang pawl hi nan det khawh ve tung hna lo ahcun an in auh hna zongah tong ti hna hlah ulaw a tha lai. Anmah nih an duhmi paoh an in chimh an in chimh hna i nan hei ttin. Kan hnulei tuan deuh nan iton lioah nan tonmi ralhrang bawipa a min hmanh nan hal ngam lo khah!

A tu hi daite um caan a silo bantuk in ttih lungin cawlcangh caan zong a si lo. Ping le pang i sukkhon dih sual a fawi te. Hitining hin cun kan mipi an lung nan der ter hna lai i CDF nan fale nan kan hloh dih sual lai. Cucaah Hakha Pastor pawl zong hi ralhrang cozah sinin CDM tuah ve dingah kan sawm hna! Salai Aung

Ralhrang Duhnak Zulhmi (Public Relation Team) Cathanh! Ralhrang duhnak zulhmi (Public Relation Team) cathanh cu; suimilam 12 a raulo, anmah ralhrang lila nih an buar colh. Chunlai lingcing khuachung ah hriamngan an puah, mipi an tlerhkhon colh hna.

Kan Miphun nih kan upatbikmi Pastor te cu, ralhrang nih zei an rel hnalo ning a lang ngaingai. Lungfah hi azual.
Chawnh biak a phu lomi ralhrang an si, Vawleipi nih an theih cang, “hi hna pawl hi cabuai cung le daihnak bia ruah phu an silo”, an ti.

Mahhe Level in mi a chawn lomi, anmah duhnak lawng a thanhtu “muko” menmen ah an kan hman theu. UN le Vawleipi hmamh an hlen ngam; kanmah cu chim haulo khi asi. Cu caah dirhmun fekte in kan miphun ningin kan doh lawlaw cangmi hnuthulh ding cu; CDMers, CDF/CNA le nunnak a pemi kan unau hna hmai tal kan khap te hnga maw!

NCA cahren le cachuah hmanh an zul lo. Thil biapi chuak sehlaw atu bantuk biaruahnak men cu an hrikti hmanh a thak lai lo, kan i ti lengmang ve ko nain lam dang kan ngei ti rua lo. Khakha kan si ko. A poi ngai ko. NCA khi UN, US le Vawleicung 15 leng nih theihpimi asi. An zul nemmam loh! Zumh an tlaklo ning khi a chanchan in rak ton tuk cangmi asi nain mu.

Zaanriah voikhat danghnak men in miphun a zuar ngamhtu an tlawm lai lo mu. Judas nih Jesuh 30 pieces of silver in a zuarmi bantuk in kan miphun ningin chikhat thawhchuahnak men ah zuar a siangmi hruaitu an um chung poah cu a fawi lai lo. CDMers, CDF le CNA mino tampi nunnak le thabatmi thisen zeirelloin chikhat hna ngamnak ca i tonbiaruah sawhsawhnak nih kan dothlennak hi lam a hruai kho lai lo tizong an theihmen ko lai.

An ttih phannak a santuk ruang zongah a si kho nain, miphun pi lungput le zawnruahnak he kan doh a herh ti zong an i fiang ko lai nain mu.. Zei hme Biaknak lei kan hruaitu hi an ruah hnga ti hi ruah lo awk a ttha lo ee. Mah ti a si peng ko ahcun zeitin mino hna hmai kan khah kun lai?

Aho nih dah Hakha ah ralrin an kan pek?(uico ralhrang, public relation team). Hakha khuapi ummi nih inn le lo zaamtak lo ding le uico ralhrang nih kan khua le kan ram ah an duhpoh in an um lo nak ding ah thazaang pek le lungthin cheuh le bawmhchanh cu aho pumpak ciopoh nih tuah kan i timh ding a herh tuk.

Asi nain, Nan ralrin peknak chung in; 1. CDF nih khuachung ah kah doh nak ahrial ding asi ah cun uico pawl khualeng ah chuah ding tah aatel maw? 2. Uico pawl nih khuachung ah kahdoh nak thok lo ding ah aho dah an doh ding cu khuachung ah cun an um?

3. Mipi sin ah chungkhar cazin check i an vah tik ah hmuhsak le an chim ning in kan tuah ko ding ah tlaih awk an kawl mi hna kan unau liangluang cu tah zeiruang ah an rak kawl hna ti tah kan ruat maw? CDMer atuah mi tah an in an phak tik ah tlai ko hnaseh apoi lo kan ti lai maw?

4.Mi inn pun nak ah chungkhar cazin cu i ken ding asi ah cun inn ah riak ngam loin an kawl mi hna kha an riahnak thanh he aakhat kolo maw? 5. Khual ngeih i ဧည်းစာရင်းတိုင်း tehna tiang an nawl ngaih ko ding ah cun zeiruangah athok ten doh asi kun?

6. IDP camp cutah thawng nan thanh dih hna in cun ahim ko ankan ven piak lai tiah in na zum in aa-mah na khang ngam maw?

Uico nawl zulh lo kha kan i tinhmi ah aatel tah kan philh sual maw? Thilttha alo ngai nain leirawitu kan si sual maw? CDF hmai na khap maw? CDMers hmai na khap maw? Uico nih amei an hngerh hnawh ruang ah aka lawmh tiah naa ruat sual maw?

Na thiltuah mi nih ngmh himnak lawng panh in an kilveng tu le an dirkamh tu hnahnawhnak ape sual maw? Ruat cikcek law naa palh sual lai! Ahodah ralrin petu cu asi tiah na ruah ve!

Ka khuaruah an har zei tin dah si hnga? Kan mah mi hrut zei hngal lo hmanh nih a cu ralkap cu kan zum hna lo i zei tin mi fim pi pi an khua khan cu ee. An mawnh cang ko hna hih! Mah bantuk cu nan si ning a Langhlat in kan hngalh piak dih hna lo nain tuan ten mah ti i khua an khan ding si cun ziah duh lo nak langhnak ah an i tel.

Ziah Ralkap uk nak tang um ka duh ko an ti ko lo. Mino kan nau le tampi zung rian le tangka hmanh an kal tak dih. Caan sau pi ii zuam cio mi. Mino tampi ram caah a zuam mi an thazang a chiatter tu an si. NU Sung Fb

Hakha khuami hna ca ah ralrin thawngthanhnak. Hakha khuasa hna ca ah ralrin awk tete ruahnak peknak cu Public Relation Team nih a tanglei bantuk in nihin, September 27 ah a thanh.

Ralrin Thawngthanhnak; Hakha khua um nule pa ule nau hna- atu hrawng cu khua chung kahdohnak ruangah thinphang thlalau in kan um i mah inn hmanh ah it ngam loin a himdeuhnak chungkhat hawikom sin ah a riakmi kan tam ngaingai cang. Cu lawng siloin zanttim ah innkip milu chek le mi cheukhat tlaih in an kan luhhnawh tik ah kan thin a phang chinchin.

Cucaah hi kong he pehtlai in kan pastorte nih kap hnih tuanvo ngeitu hna he ton biaruahnak ngeih hnu ah a tanglei bantukin thawng kan in thanh hna. 1. CDF cu zapi himnak a ruatmi le zapi caah riantuanmi an si bantukin khuachung ah i kahdohnak cu a si khawh chung in hrial le zapi harnak phakter loding an kan zuampiak lai.

2. SAC ralkap nih khuachung i kahdohnak thok hmasa loding le zapi tlerhkhonhnak, a herh lo ah meithal puahnak tuah lo ding in i chimhchawnh a si caah thinphangtuk le lautuk in um lo ding.

3. SAC ralkap nih innkip ah vah in chungkhar cazin an chek tik ah tihlo tein innka hunpiak i chungkhar milu cazin (အိမ်ထောင်စုစာရင်း) hmuhsak ding. Chungkhar minung le sualnak ngeilo mi an tlaih hna ahcun a tanglei HCMF Tawlrelphu tuanvo ngeitu sinah thawng thanh colh ding. Rev. Dennis Ngun Thawng Mang – 092451062; Rev. Ni Cung Thang – 09421158480; Saya Za Hnin Thang – 09442001362

4. Sang dang le midang inn ah nan va riah a si ahcun chungkhar milu cazin(အိမ်ထောင်စုစာရင်း) le NRC Card (မှတ်ပုံတင်ကတ်) i ken ding. 5. Khua dang in Hakha ah a rak i dormi hna nih chungkhar milu cazin(အိမ်ထောင်စုစာရင်း) ken pin ah pengkulh uknak zung (မြို့နယ်စီမံအုပ်ချုပ်ရေးရုံး) ah khualtlung cazin (ဧည့်စာရင်း) pek ding.

6. Khua dang in siseh Hakha khuachung in siseh Ralhrial le Ralzaam Zohkhenhnak Camp (IDPs Camp) ah um a duhmi hna nih Chin Christian University (CCU) le Chin Christian Fellowship (CCF) i camp tuanvo ngeitu sinah pehtlaih in i dor khawh a si cang. Rev. Dr. Thawng Hlei Thang – 09740813098; Rev. Za Cung Ling – 09420112979; Pastor Sui Mang – 09423661278

7. Inn le lo kan zamtaak tikah mithalo le ral pawl caah caan tha a si i inn le thilri a him lo chinchin caah Hakha khua chuahtaak in khuate lei kalding cu i timh rih loding in kan in sawm fawn hna. Pathian nih khuami pumpak le kan khuapi kan kilvenpiak hram ko seh. Public Relation Team. Source: Hakha Township Public Healthcare & IDPs Management Committee

Hakha Khuapi ဧည့်စာရင်း check ah Ralhrang an rat tik ah: Tuah Dingmi; 1. Nan inn an phak cang ko ahcun tha tein kutka awnh ko. 2. Tha tein bialeh le chimrelnak ngeih ko. 3. အိမ်ထောင်စုစာရင်း kha hal a si tawn caah timhlamh cianak ngeih ah a tha.

4. Phone, Tablet le Computer ah na fimmi hmanthlak le thilri hna kha kilkawi thiamnak ngei cia. 5. Rallokap hi mask an i tuah lo caah Mask i khuh in bia i ruahnak cu tulio Rai in i kham zong a si.

Tuah lo dingmi: 1. Inn kaa awnh duh loin um lo ding. 2. Tih le lau ruangah tliklek lo ding. 3. Thinphan ruangah biachim holhrel i palh lo ding. 4. Halmi hlei in a herh lomi chim i timh lo ding. 5. Chimrelnak ngeih tik caan ah bo le ngal in biachim lo ding.

RALRIN CIO KAN HERH; Rallokap pawl nih ဧည့်စာရင်း an check tik caan ah PHONE kha hramhram zoh piak in Dohthlennak he a pehtlaimi photos a um sual ahcun bia kan in hal ta lai tiin kalpi a si tawn caah ZAPI lei in kan PHONE chung ummi thianhnak kongkau ah daithlan lo ding a si lai.

A biapi ngai mi cu CMDers nih an PHONE ah a hlan an rian tuannak le duhlonak an langhter mi kong hna kha an PHONE an check i a um sual ahcun tleih dingah ral bak mi an si hna. A si khawh ahcun CDMers nan inn pa cio kha ralrinnak pe cio hna uh sih.

Chingchiah: Rallokap cu ralhrang an si caah hriam an i kenmi in mi kip harnak pek ding ah an lung a reng zungzal. Cucaah hmuh le ton sual tik ah launak he tlik le lek tak si loin an kan halmi bia lehnak ah fimkannak ngei cio hna u si.