Rak i ralring uh, CDF nih khua fak deuh in kan i ruah a hau!

CDF nih khua fak deuh in kan i ruah a hau!
=========
2021 March 29 ah CNF i Vice Chairman Dr. Sui Khar hruainak in CDF timi dirh ding in a inn pawng thlam pakhat ah meeting kan rak thu hna. Meeting lio ah Falam, Thantlang, Hakha le Kalay-Kabaw kan rak i tel.

2021 April 1 ah CDF timi hi mizapi sin ah kan langhter lai tiah bia kan rak chah. Asinain April 4 lawng ah rak langhter a si. April 4 rak langhter hnu May 2 ah kahdohnak kan rak thok (Mindat cu April thla in an thok hmasa). Atu ah uknak a laa tu hna hriamtlai in kan doh hna nakhi thla 8 fai a si cang. CDF hi a hramthok ahcun mi sin kutdawk phun in kan rak um (al awk a tha lomi mu. Atu CDF zong nih an fian in an theih ko lai dah).

Asinain atu ah CDF hi an dirhmun a dik pah lo hlah maw ka ti (CDF zapi ka tinak si loin cheukhat CDF pawl mu). Cheukhat CDF hi yiah mawh ka phurh hna? phurh lo awk cu an that hle (mi tuancia in min langh le hngal tuk in an um cu teh).

Kan hnu nai te ah ram le miphun ca rian a tuan bakmi upa cheukhat nih peng khat CDF tlawn ah an kal. Asinain cu CDF nih cun tlun in an onh hna lo. Atu an kal zong hi anmah miaknak le hlawknak ca a si bak hrimhrim lo. CDF ca a thatnak an kawl mi khi a si bak ko.

CDF nih ninghngal tuk le i uanthlar tuk ca ah CDF nih a ngah hnga ding ngah loin an kir tak diam hna ai. CDF nih kan theih ding ah atu hi mizapi nih a zungzal in an kan zoh kho lai lo. A sau bik kum khat hinh hlei an kan zoh kho lai lo. Cu a si ca ah kan bochan mi hna nib a lamkip in rian an tuan, an kan kawlpiak bak… cu a si bu i tlun inn hna donh ti pawl khi cu i ralrin ngaingai kan hau.

Kan lam kan i phih sual lai. Mi tuan cia in ngha mi thazaang a ei mi ko nih rak hngal ti hlahuh. Rak i ralring uh. Umtu le thut dir zia thiam deuh kan hau ko hi. Thutden le Hmunhma ah kan rit ve lo ding a bia pi bak ko. Na chim mi a dik tuk. A tu hmanh ah CDF kongah ramleng lei cu an lung a dong mi an um ngai cang hih.

Hinak in a poi tuk rihmi cu CNA a uarlo tu nih CDF khi an ţhiangţhunh ah hman in CNA he power balance i tuahnak caah hman an timh khi asi. Nai zongah ka chim, CDF thazang hi Chin mipi ramleng ummi nih 90% domh asi tikah an hmuhthiam lo i an kalsual ahcun kan dothlennak pi hmanh a derter te kho, a biapi bik cu CDF hnulei in chakmerh a timtu an um khi asi. Credit: Salai Tluang Te