Sagaing Peng Ah SAC Ralkap Nih PDF 13 Telh In Minung 18 An Thah Hna!
==========
Sagaing peng, Kintaw khua le Myinsi khua cu SAC ralkap nih nizaan June 25, zinglei ah an luhhnawh hna i PDF chungtel 13 an thah hna pinah tualchung mi nu 2 cu an tlaihhrem hna hnu ah an thah hna. Cun, tualchung mi 3 zong an thah hna i thah a tong mi dihlak hi PDF 13 telh in 18 an si, tiah Khit Thit Media nih a ṭial.
Tualchung mi pakhat nih cun, “Nunnak liam mi dihlak hi 18 an si, Myinsi khua mi pa pakhat cu hliamhma a tuar, thah a tong mi hna chung in cheukhat ruak cu khangh an si. Myinsi khua mi U Poah Sah(kum 69) cu SAC ralkap nih an kah i a nunnak liam, a nupi cu atu tiang khoika a um hngalh a si lo. Kintaw khuachung ah SAC ralkap hna cu meithal i thlah pah in an lut in tualchung mi Ko Myint Kyaw(kum 37) le U Maung San(kum 50) hna cu an umnak inn ah meithal in an kah hna,” tiah a chim.
Cauk Thar A Chuak Ding Fakthanh; Mai Ṭuan Kip Par @ Anna Par nih a ṭial mi “Nun Lam Bawmtu” cauk cu a rauh hlan ah kan chuah cang lai. Hi cauk ah hin nifatin kan nunnak ah nun a kan chimtu, a kan cawnpiaktu, a kan bawmtu, thazang a kan petu ding cabia tawi tete 90 an um hna.
A cabia an tawi i a rel a nuam, cinken an fawi. Nunpi an tlak fawn. Huam lo bu zongin pakhat vun rel ahcun thlah siang loin a dih tiang rel khawh ding phun khi a si. Laimi nih cauk zeimawzat kan ngei cang ko nain hi bantuk nunchimhnak le thazang peknak cauk (motivational book) hi kan ngei lo ti awk a si.
Ramchung ah Kyat 2,000 te lawngin kan zuar lai. Ahopoh nih fawi tein i cawk hna sehlaw rel hna seh ti kan duh. US le Australia zongah kan chuah lai. A cauk a chuah in cawk khawhnak hmun le pehtlaihnak tlamtling in kan vun thanh ṭhan te lai. crd; The Chin Post
June 26, 2023