East Lairam thlanglei Matupi in Mizoram ramkulh, Hnahthial ah ralzaam mi pakhat cu nihin 2024 Vaute 27 ah Hnahthial khua pawng tiva i an i kholhnak ah ti ah a pam.
Tipam nak in nunnak liammi hi East Lairam, Thlanglei Matupi Lawngvan sang ummi Pu Yung Bal le Pi Yil Hing hna hi an fapa Salai Thang Lian kum 14 a si.
Tipam nak in nunnak liammi kong he pehtlai in naihniammi pakhat nih ‘ Chun suimilaam 11 hrawng ah khuapawng tiva ah tak kholh ah a hawile he an kal. Zaanlei suimilaam 1 hrawng ah ti-liau nak in ti ah a pil. A pil lio ah hin a hawikom nih an pilh kho lo, kiangkap upa sinah bawmhnak an va hal hna hnuah an pilh khawh’ tiah a chim.
Ti pamnak in nunnak liammi Salai Thang Lian kum 14 cu thaizing 2024 Vaute 28 zaanlei ah a ruak vui a si lai. Source – Matupi Times