Pu Zing Kam (U Kam) Siaphu khua damlo kan ngeihmi nih zahan ah Tuluk ram Guangdong Peng Huizhou an umnak Hotel ah mual a kan liamtak cang

Pu Zing Kam (U Kam) Siaphu khua damlo kan ngeihmi nih zahan ah Tuluk ram Guangdong Peng Huizhou an umnak Hotel ah mual a kan liamtak cang. Na pasal lotuk e, Kan pawngkam laimi vialte nih, Na zawn an in ruat, Na caah thil tampi an tuaktan cuahmah, Khua teah na phak khawhnak hnga a lam kan kawl cuahmah ko tung hme, Ziahhme zarhkhatte tal a caan na kan pek lo.

Zanhan na hrumai thawng kha mu, Ka celh hrimlo, Na pawngte ah khan na Nau kha a mitthli he Ka Uu tiah an Auh len dakaw kei nih phone chung khan U kam kan auh hih na ka thei ma? Tiah ka mitthli he kan auh ziah bia kakhat tetal na kan cahta lo. kan kaltak sual hna ahcun, Inn ah ka phakpi muh tiah na nau kha bia na cah, na phone chungih na fa le hmanthlak kha na kutte in na sawh. Kan in theihthiam piak lo, Na kallai naa fiang tikha kan theihiam lo.

Na fa le kha na sia an herhtuk ko mu, Miphun dang sinah Lu iphum kha na duh hrimlo. Kan in sianglo tuk ve. Asinaain kan santlaihlo zong a si kan ngaithiam law kan ruathiam muh. Kan khuacaan tonmi le boruak chiakha tuk nih a kan denlio pi a si caah Innte ah kan in phak pi kho lo. Zahan ih an in chiahnak teahkhan, Na Ihsia a rem maw? tikhi hal ka hei in duh dah, Na sia herh hlah muh. Na nau le na pawngkam hawikom nih, Patling an rian an tlinh.

Zan itlo in zanttim le khuamang ah, Khuadei lai kan ttih sinaain, Pathian nih aw, caan rem an pek, Tthatein khuadei hlan ah, An rian an lim nangzong na siarem ten, Umkhawh rak i zuam muh. Kan umnak ram dirhmun na theihcia a siko, Caah na mawhchiat sianhna lai ka zumlo, Siarem tein um i zuamko awh. U Kam. Hawikom cheukhat a caah a bawmchantu vialte nan cungah kan i lawm. Credit: Van Bawi Zi Hlawnceu