Pu Zing Cung (CNF Chairman) Chungkhar Kong Hi A Ropui Bak

Pu ZING CUNG (CNF Chairman) Chungkhar Kong Tawi Parik. Ka kawi ZING CUNG hi RASU in 1983 ah B.A(History) in a dih,cun 1988 ah CNF ah a lut.1989-1990 tiang Kachin ram ah raltuk thiamnak a cawng.CNA ah Tongmangno(Major) rank in a rak tlung i Bangladesh ram ah le India ram ramri ramtang ah an um hna.1999 March thla,amah hi Vice Chairman le Defense Secretary le Army Chief of Staff a kemh lio ah CNA Nu Ralkap, Office staff(Typist), Mai HLIM NA(MPI ngaknu dawhfel) he ramtang ah an i um.

2003 ah Thailand hrambunh,Tlangcungmi hriamtlai vialte an i fuunnak Bu NDF (National Democratic Front)ah General Secretary rian khinh in a um caah an chungkhar in an kal.Cuticun 2003 February in Maesoh-Myawadi Thailand ramri ah an um(Tenhta ko ning law 2003 ahhin Canada ka phanhnak kum 1 a si cang,ka kawi hi an har ngai lai ti ka hngalh caah $100 ka rak kuat bal). Fa pakhat (Chan Uk Thang, api,apa nu nih ramchung HKA in, remote control in min a sak)lawng an ngeih lio a si.(Chan Uk Thang hi Lunglei, Serkawn hospital,Mizoram ah February 27, 2000 ah a chuakmi a si).

Thailand ramri an um lio December 15,2003 ah fanu (Zing Ṭha Par) an ngei ṭhan( Anih zong hi ramchung HKA in api ṭhiamṭhiam nin remote control in min a sak). Cu hnu cun pu Zing Cung cu nitlaaklei ram,Scandinavian ram, Europe, N-America, Australia ram pawl ah khual a tlawng peng cang,Vanṭhat kan ti lai maw Vanchiat kan ti lai dek..2004 US a tlawn lioah US immigration nih an tlaih.Thong a tla. Lawyer le US Homeland security hna nih Passport naa tlaihmi hi Bangladesh PP a si fawn, US ahhin dornak (Refugee status) sok law kan in pek colh lai i na him lai an ti nain a duh lo. US ah um ding in kaa timhmi a si lo,kir ka duh deuh a ti hna. Bangladesh Passport naa tlaih ruang ahhin kan in khirh ding a si ahcun Bangladesh ram ah khirh ding na si tikah Bangladesh acozah nih an rak in tlaih lai ti cu a fiang.

Cucaah cun Advice kan in pekmi hi pom law US ah him tein na um lai, khualtlawn na duh tik paohah travel document kan in pek lai i khoika ram hmanh nih an in tlai ngam lai lo an ti. Thim awk dang a um hlei lo tikah US ah refugee status cu a pom piak hna.Cuticun Thailand i a taangmi a nupi le a fale cu a auh lawlaw hnai 2009 February ah US ah an chungkhar in an i tong kho ṭhan hna. US citizen zong a sok lo tikah khualtlawn a duh fatinte Travel document sokta hmasa a hau peng..nihin ni tiang.Cun US an phanh hnu May 24, 2011 ah fanu an ngei ṭhan,a min ah ”Anoi Hniang Chin Sung”,Anoi khi anu nih a sak,Hniang Chin Sung khi apa nih a sak.

Upa bik CHAN UK THANG hi DC, American University ah 2nd a kai lio a si. A lai nu ZING ṬHA PAR hi Florida ah Grade 11 le a hniang bik ANOI HNIANG CHIN SUNG hi grade 4. An pa khual a tlawn chung vialte hi an nu ”pi Hlim Na” nih hin felfai tein Sushi tuah pain a rak zohkhenh peng hna. Atu hi US, CNF Camp Tampa (Florida) ah an chungkhar in an um lio a si.

NOTE: Asikunle, annih pawl kan Ram le kan Miphun caah tiin.thil tampi an rak tuar i an rak lonh cuahmah lioah hin kannih tah kan ram le kan miphun caah zeidah kan rak tuah ve bal? timi le zeidah kan tuah ve a herh, timi hi question nganpi a si.

Atu ah, an rak i pekchanhnak vialte kha BAWIPA nih thlua a chuahmi hna hnihkhat an um tikah, Eihmuar timi Corruption in kan ruah sual/puh tawnmi hna hi, kanmah le kanmah tu kan khuaruah ning i check caan acu men lehlam lai dahkaw. A nunnak a liammi ramtang ah minung 70 ringlo, ramchungah 20 ringlo nih an nunnak a pek in dahkaw an pek, a khuk/khup hmanh a kok bal lomi le hrem le thong tlaak sawhsawh hmanh a tuar bal ve lomi nih nan aw a hraan tawnmi hi ka mitthli a haa tawn. Credit: Pu Tawk Cung