Pu Ngun San Aung ralkap lei ai fonh ngam cu a poi hringhran ko.

Ralkap nih mipi kan nawlngeihnak hramhram in an kan chuh i kan duh lo tiah mitthli he kan aihram cuahmah lio ah hmai hngal ngai in Pu Ngun San Aung ralkap lei ai fonh ngam cu a poi hringhran ko. A umnak Hakha khuami le khrihfabu hmai zong a khap ko hnga maw? Ningzah nak nih maw a kaltak cang hnga? A nungmi kan Pathian zong a tih hnga lo maw?

Ralkap kuttang ummi Myawaddy Bank cu tuni an hon nain phaisa a chuahtu an tam tuk caah an khar than colh, phaisa a chiahtu an um lo ahcun bank cu a thi ding a si. Hriamnam he hramhram in cozah riantuantu le bank riantuantu riantuanter an timh hna nain tuni kha an hlawh a tling lo. Min Aung Hlaing cu ai hngilh kho ti men lai lo, a lungrawk tuk lai. A ruah leng in mipi nih kan huat timi a thei cang.

Atu ning in CDM le lam zawh kan peh khawh ko ahcun tuzarh chung ah result pakhat khat cu a lang hrim ko lai.
UN le US nih hriamnam in tlangtlak awk a tha rih lo. Ralkap nih zawnruahnak ngei loin rammi an kan kah i an kan thah sual lawng ah ramdang nih an tlangtlak duh lai. Atu lio cu ramdang bochan tuk awk a si lo. Yangon ah mipi lam an zawh ning zong ai dang deuh ngai cang, voidang Sule le Hledan deuh lawng ah lam zawh a si nain atu cu ralkap le palik an lor ngam lonak US embassy hmai khi center ah an lak cang, lam zawhtu cu nifatin lampi an khat lengmang ko.

Khual cazin report pek lengmang a hau than cang, zaan tim zong ah โ€˜khual cazin kan check laiโ€™ tiah innchung luh hnawh in tlerh khawh nak nawl an ngei than cang tinak a si. Biaceih zung nawl peknak an ngei lo zong ah suimilam 24 cung hren khawh a si than cang fawn. An rem lomi cu an duh ning in tlaih le hren khawh a si cang tinak a si. A poi ko. Credit: Salai Lungthli Tum