Pu Ngun San Aung le Pu Ko Suan Khai hna kawl ralkap nih Rian Pek Mi Cohlan Hlah Uh

I strongly ask Pu Ngun San Aung and Pu Ko Suan Khai to reject the illegal military appointment. Pu Ngun San Aung le Pu Ko Suan Khai hna kawl ralkap nih ningcang lo in nawlneih nak an lak hnu i an dirh mi SAC cozah ah itel dingin rian an pek mi hna kha cohlang hlah u tiah fakpi in kan fawrh/nawl hna. Pu Ngun San Aung cu pumpak in ka upatmi, ka bochan mi le ka dawt mi asi. Chinmi kan pa le mifim kan neih chun mi hna chung ah ai tel ve mi asi.

Ahmasabik Democracy cozah lio zong ah Construction minister a rak ttuan mi asi. Mi ding, mifel, mi ral tha asi. Chin mi zapi nih kan upat, kan dawt, kan bochan mi asi caah Kawl ralkap nih ningcang lo in uknak an lak i an sin ah itel ding in rian an khih mi cu a pom piak hna lo ah a ttha bik, Zei catiah Pasal ttha asimi, a good politician nih cun principle, integrity le dignity kha an nunnak pek in an runven tawn mi asi. DINFEL NAK LE MIPI THAZAANG IN TEI NAK KAN HMUH HRIMHRIM LAI.

Relchap, RAMLENG UMMI NIH A RAN NAK IN TUAH DING: Tuzanlei ah US Senators 14 nih Secretary of State (US ramdang lei minister) kha ca an pek. Burma ram kong ah biatak te in le fakpi in hma lak a hau. Cu ti hmalak nak na tuah nak ah aherh ning in kan in dirpi lai timi ca an chuah. Tuchun ah US I kan hawile asimi Burma ram kong ah kumtampi rian kan ttuantti mi hna nih President Biden nih Burma ram he pehtlai in Executive Order a chuah khawh nak ding ah thil sining rak chim ding in an kan sawm caah zeibia dah kan chim ah athat lai timi konghe pehtlai in biaruah nak kan nei kho. Cu kan hawi le nih White House ah President Biden cu Burma ram thil acang mi kong he pehtlai in bia an va ruah lai. Cu pin ah US Senate ah bia an va ruah rih hna lai I State Department zong ah bia an va ruah hna lai. Covid 19 Pandemic lio asi caah kan mah kan kal kholo.

TUAH DING: US aum mi nih nan mah le nan um nak cio I senators pawl le Congressman pawl kha phone in chawn hna u asi lo ah email/ ca kua hna ulaw Burma ram thil a cang mi kong ah hmul a nei bik in rak kan ttanpi u tiah catial, phone chonh, email kuat ding an si lai. State kip in rak tuah cio ding asi lai. Cun Australia I a um mi zong nih mah ti ning cu rak tuah ve uh. Europe le ka dangdang I a um mi ramleng I aum mi poh nih mah cu rak tah u.

Zei caah dah mah cu kan tuah ahauh? UN Secretary General hrimhrim nih Kawl ralkap nih uknak an lak mi hi hma kal kho lo ding in ramkip nih kan izuam lai ati. UN nih Burma ram ah biapi taktak minung pahnih a thlah mi hna an um.
1. Cu UN Secretary General Special Envoy to Burma ti asi I Politics kong he pehtlai in a tlai mi asi. UNO General Secretary nih direct in a mah aiawh ah athlah mi asi. Mah cu nu cu Switzerland nih Thailand ah Ambassador a rak ttuan mi nu asi. A vapa zong Switzerlannd nih Burma ram ah an rak thlah mi Ambassador asi. Nizan UN Security Council nih thanhca an chuah mi ah Security council nih mah Envoy nu hi rianfak pi in a ttuan khawh nak ding ah kan dirpi lai ti asi.

2. A dang pakhat cu nuhrin covo lei ah UNO nih Burma ah a thlah mi UN Special Rapporteur on Human Rights on Burma ti asi. Mah cu nu zong cu tu UN Security council ah direct in Burma ram kong report a pe mi asi. UN Secretary General Special Envoy office he pehtlai te in kan ichawn kho. Ahlan te in a rak ithei hngal mi kan si caah. Asi khawh chung in Ralkap uknak Burma ah a um than lo nak ding ah an izuam. Rian fakpi in an ttuan cuahmah.

UN Special Rapporteur on Human rights zong tu chun ah CHRO nih brief kan tuah. An mah office zong pehtlai te in kan I chonh peng mi an si.Kan mah mipi ramchung ramleng biatak te in kan ttan tti abiapi. Kan ti khawh nak lam cio in fak pi in thazaang chuah hna usih. Ralkap nih uknak an lak mi a hram a thlak hlan ah kan phuk a hau. Credit: Salai Bawi Lian Mang