Pu Ngun San Aung Kawl Ralkap Sinah Cun Rian Na Țuan Ko Lai Maw?

Pu Ngun San Aung Kawl Ralkap Sinah Cun Rian Na Țuan Ko Lai Maw?

Zahan ah Hakha post sinah kawl ralkap nih rianțuan an ka sawm i ka cohlan hna tiah a chim ka khuaruah a har taktak atu lio ah mah tlukin cozah rianțuan vialte nih an rian an țuan lo i ralkap duhlonak an langhter lio ah mah bantuk laimi chungin kan rak um cu a poi kho taktak. Hakha in dawi awk aa tlak, Laimi dihlak nih thei u sih kan miphun hi a hohmanh nih zuar bak hna hlah usih,Laimi cu miphun dang lakah mifel zumh tlak kan si kan ti, mah zawn lawng aa ruatmi kan si lo dawtnak in siaherhnak nun i hromh nak aa țhen aa pe mi nun a siang mi kan si kan ti.

Kan miphun chungah a hohmanh nih kawl ralkap uknak kan duh lo i heh tiin kan doh lio ah atu bantukin pu Ngun San Aung nih an sinah țang in mipi tuk a kan timhmi cu lung a fak i ngaih zong a chia, ralkap uknak duh lo ruangah minung pa zeizat dah nunnak a liam cang. Kannih cu a nung Pathian a zummi kan si mițhalo hna sinah aa tel ding aa fonh ding kan si lo,mipi fahnak a kan pe i a kan that a kan nawngtu hi a hohmanh nih miţha ah cohlan khawh an si lo miţhalo ah pom an si. Cucaah pu Ngun San Aung mițhalo hna sinah cun na tel ko lai maw? Naa tel ah cun mifir damiah in pom le hmuh na si lai. Na miphun na dawt taktak cun a rannakin cancel hna na miphun nakin kawl ralkap na duh deuh cun miphun leirawitu na si caah ngaihthiam khawh na si lai lo. A sinah a phak khawh nakhnga tampin rak share u. Salai Thang Ltc

Zei ruangah Pu Ngun San Aung (Ex-Minister) kan doh; Civil Disobedience Movement timi cu cozah riantuan le mizapi ibawm in uknak thalo kha a nemnak tein doh le riantuan kho hlah seh tiin a kehleng phelh khi a si. Ralkap nih uknak rian tuan ko hlah seh, ram hruai kho hlah seh tiah zung riantuan vialte nih zung kai loin nuar hnawh khi a si i cu zung riantuan pawl pehzulh in an dir khawhnak dingah mizapi nih a herhmi lam kip in dirkamh khi a si.

CDM in rampi a thlengmi tuanbia tampi hmuh khawh an si. Thlahlawh tlawmte to in nulepa chungkhar fanau a cawmmi tampi nih mitchinh kamseh in an tefa ca ruat in zung kai lo in an nuar lio ah tu bantuk in kan bochan mi kan pa nih ralkal pekmi rian a cohlan cu lungthin hi a kekkuai dih. Kan Miphun nih arfi le thlapa bang kan izohthla mi pakhat dirhmun le thil tuahmi nih hin hmual a ngei tuk hringhran mi a si caah khua a ruah deuh a herh ko.

Zahan ah minute 40 chung phone in bia kan iruah. Ka pa Thang Thang pa hi minister a rak tuan lio tein aa naihniam ngai mi le aa pehtlai lengmangmi kan si. Kan min zong aa khah bang ka tlaihchan i amah zong nih a fa bantuk in a ka dawt ve mi si. Zahan cu ka dang a khar ka mitthli a ha. Kan duhnak vialte ka chimh. Ka nawl. A duh bak lo. Kan miphun caah ka nunchung te riantuan ka duh a ti. Ka pa tu lio i kan miphun caah a nganbik le a tha bik rian na tuan khawh dingmi cu ralkap pekmi rian cohlan lo hi a si ka ti. A donghnak ah ka duhlo tuk mi thil a chuak. A zei si zongah kan in doh ko lai. Kannih caah cun ralkap he naa khat cang caah kan in doh ko lai tiah ka mitthli ha he ka ti.

Athawk in rian hi cohlan rak itimh cia dawh a si. Belkheng tum in duhlonak langhter ding rian kan awt lai ah meeting ka sawm i ka damlo a ka ti. Lamzawh kan thawk lai i meeting kan tuah dih ah kan timhtuahmi kong thawng ka thanh i nan fale lamcung a kan chuak cang lai. Dirkamh kan herh nulepa kan in bochan hna tiah ka chawnh i cu zong ahcun ka dam lo a ka ti.

Thlacamnak ngeiding in Pastor le mino, rual u pawl he meeting kan ngeih lai zongah ka chawnh i ka dam lo a ka ti. Khuanu khuapa chairman a si. Amah aa tel lo hmanh ah midang zong a kan thlahpiak awk a si. Nihin tiang kan cawlcanghnak ah Khuanu Khuapa an muithlam a de lo. Ka dam lo a ti pengmi cu nihin Feb 12 Union Day ahcun laithuam nak pi he tla huar in Union Day tuahnak ah bawi dirhmun in Hakha khuasik zingka ah a va chuak ko.

CDM hi kan hlawhtling hlah sehlaw amah hi pei kan bochan te lai cu Plan B caah a tha tiah a timi zong an um.
Cu pawl sinah hika in biacah kan duh hna. Plan pakhat lawng kan ngei cucu kan tei tiang doh a si. Strategy bel a herh le kan thlen lai. Kan miphun nih tihal le rawltam tuar in mitthli he ral kan doh lioah inn car lei i a thli tein ral he awkkeem chuan a hmangmi paoh kan ral an si.

(Politics ahcun zeitluk in a fim catang zeitluk a ngeih zongah dirhmun le tlaihmi fek a ngei lomi cu mizapi nih zeitik hmanh ah bochan an tlak taktak bal lo. Ram a hrin deuh nak paoh ah an tli le lengmang ko lai. Cu bantuk tilawng i cit in kan khuallam kal cu kan tinhmi hmun phak khawh a silo. Kan ram ah kan Miphun chungin zeibantuk dah hodah bochan tlak an si timi kan fian a cu cang). Credit: Salai Ngun San Aung