Pu Henry Van Thio nih a biakam bangin a dawtmi Chin ram le Chin miphun an kan rauh tak mi pawl!!

NLD Chan Lio I Pu Henry Van Thio nih kum ( 5 ) chung ah Kan ram caah an kan tuah piak mi pawl!!
================================================
Pu Dr.Henry Van Thio a zuamnak thawng in:, 1. Saisihchuak Tipi hlei donhnak ding ah India cozah nih Budget Rupee Million 315 (Kawlram tangka in cun Million 5676.3 ) hrawng budget an rak thap. 2. Pu Henry Van Thio cu hi hlei hi rianrang in donh khawh nak ding ah India lei nawlngei tu upa hna, India Embassy le Kawlram Transportation and communication minister hna he chimhchonh in biatak tein rian a rak tuan.

3. Saisihchuak hlei donhnak ding hi NLD cozah an si lio ah Vice President Dr.Henry Van Thio nih biatak tein a zuammi a si caah Kawlram cozah dang an kai sual ah cun phung dang pi in an mersan sual lai ti hi minung lei kap cun phan a um ngaimi a si caah 2020 election cu a biapi taktak lai caah tiin Chinmi cheukhah nih rak dirhkamh a si.

Cu Saisihchuak Tipi hlei hi kan Chinram, Thantlang peng le a bikin Vailamtlang tthancho nak ding ah a biapi taktak mi a si ca ah bia tak tein Van Thio cu rak drihkamh a si. Saisihchuak lam hi kan Kawlram Highway lampi he ai pehmi a si. 2013 kum April ah Henry Van Thio cu a hoi lete he lamsul an rak zoh. Cu lio te in Henry Van Thio nih kan Chinram tthanchonak ca ah khua a rak ruat tak tak cang tiah an chim.

A mah thawng in Kawlram Highway Lampi he aipehmi Saisihchuak lam a lim hnu ah Saisihchuak Tipi hlei donh khawhnak ding zong a cung lei a vahal hna i hmuh a rak si. ” Vice President Dr. Henry Van Thio Pumpak Tuanbia Tawi, Kawlram huap in Rian an khinh mi le a rianttuan mi ” 1. Chuahsemnak: Thantlang peng Tikir khuami tleicia Pu Lian Tlung (Khenglawt) le tleicia Pi Ngun Par (Sangpi chung) nih August 8, 1958 kum ah an hrinmi an fapa upa bik a si.

2. Chungkhar kong: August 16,1997 ah Rev. Dr. Ral Buai (Vuangtu Sangpi chung), Founder of UPC of Myanmar le Pi Sung Kui (Khenmual) (Tleicia) hna i an fanu upa bik Dr. Anna Sui Hluan, B.A.(USA),D. Min (Philippines), Ph.D. (New Zealand) he a thiang thitumnak an tuah. Pathian nih rosung fapa Jesse Van Bawi, fanu Jennifer Ngun Sui Par le fapa hniang Joseph Van Thio a pek hna. Jesse le Jennifer cu New Zealand ram Dunedin khua ah Otago University ah sianginn a kai mi an si. Joseph cu Yangon ah sianginn a kai mi a si.

3. Fimcawnnak: Tikir khua State Middle School in kum 1972 ah tang sarih a awn hnu ah Hakha State High School in kum 1975 ah tanghra a awng. 1984 Kum ah Mandalay Arts and Science University (MASU) in B.A.(Geography) degree a la. Kum 1999 ah Yangon Arts and Science University (RASU) in Post Graduate Diploma in Law degree a la. Kum 2010 ah Philippines ram Manila khua international Graduate School of Leadership (IGSL) sianginn ah Master kumkhat a kai.

4. Rian tuannak: Kum 1977-2000 tiang ralkap a tla i, kum 22 chung minchiatnak ngei lo tein Major rank tiang a tuan. Cun, kum 2000 in Civil rian a simi Ministry of Industry (1) ah an thial i Mandalay khua Virginia Tabacco Factory ah Factory Manager (Sehzunghmu) rian 2005 tiang, kum 5 chung a tuan. Kum 2006-2009 tiang kumthum chung Bilin khua Spirit Factory ah Factory Manager (Sehzunghmu) rian a tuan.

Cunglei bawile hna thawngin rian chung i a um lio a si nain a nupi Dr. Anna Sui Hluan hi Pathian rian a tuanmi a si i, ramdang ah Bible lei ah degree lak than ding a si caah, kum 2009 March thla in Factory Manager rian cu a chuahtak. Myanmar cozah theihpinak he kum 2009-2011 tiang Philippines ram, Manila khuapi ah an chungte in an um. Cun, kum 2011-2015 tiang New Zealand ram, Dunedin khua Otago University ah a nupi cu Doctor of Philosophy in New Testament kai than ding a si caah an chungkhar in cu khua ah cun an i thial.

5. Politic luhnak: 2015 November thla thimnak ah NLD party ai-awh in i cuh ve dingin Myanmar ram ah January thla chungah a rak tlung. Thantlang peng mee hmun No.3 in Amyotha Hluttaw in aa cuh.Thantlang peng mipi nih nan dawtnak thawngin teinak a rak hmu. 2016 Feb.3 ni in a voi 2-nak Pyidaungsu Hluttaw ah Amyotha Hluttaw MP riantuan a thawk. 2016 March 15 ah Hluttaw ah Amyotha Hluttaw aiawh in Vice President caah candidate ah an thim i, 2016 March 30 ah Myanmar ram pumpi Vice President (2) tuanvo an pek.

6. Vice President in tuanvo a lakmi rian hna: (1) Ethnic, Public Management & Service Affair Committee (တိုင်းရင်းသားရေးရာ၊ပြည်သူ့ရေးရာစစီမံခန့်ခွဲမှုနှင့်ဝန်ဆောင်မှုရေးရာကော်မတီ – Chairman), (2) Least Developed Country Graduation Status (ဖွံ့ဖြိုးမှု အနည်းဆုံးနိုင်ငံအဖြစ်မှ လွတ်မြောက်ရေးအတွက်အကောင်အထည်ဖော်ရေးအဖွဲ့- Chairman), (3) Central Review Committee on Confiscated Farm Lands & Other Lands (လယ်ယာမြေနှင့် အခြားမြေများ သိမ်းဆည်းခြင်း ခံရမှုများ ပြန်လည်စိစစ်ရေး ဗဟိုကော်မတီ – Chairman).

(4) National Road Safety Council (အမျိုးသား ယာဉ်အန္တရာယ်၊ လမ်းအန္တရာယ် ကင်းရှင်းရေးကောင်စီ – Chairman), (5) National Disaster Management Committee (အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှု ကော်မတီ – Chairman), (6) National-Level Water Resources Committee (အမျိုးသားအဆင့် ရေအရင်းအမြစ်ကော်မတီ – Chairman), (7) Myanmar National Culture Central Committee (မြန်မာနိုင်ငံ အမျိုးသားယဉ်ကျေးမှု ဗဟိုကော်မတီ – Chairman)

(8) Crisis Management Central Committee (အရေးပေါ်ကာလ စီမံခန့်ခွဲရေး ဗဟိုကော်မတီ – Chairman), (9) Myanmar Special Economic Zone Central Body (မြန်မာ အထူးစီးပွားရေးဇုန်ဆိုင်ရာ ဗဟိုအဖွဲ့- Chairman), (10) Permanent Residence System Management Committee (မြန်မာနိုင်ငံတွင် နိုင်ငံခြားသား အမြဲနေထိုင်ခွင့်စနစ် စီမံခန့်ခွဲမှုကော်မတီ Chairman), (11) Hanthawaddy International Airport Project (ဟံသာဝတီ အပြည်ပြည်ဆိုင်ရာလေဆိပ် တည်ဆောက်ရေး စီမံကိန်း ဦးဆောင်ကော်မတီ – Chairman).

(12) Dawei Special Economic Zone & Joint High Level Committee (ထားဝယ် အထူးစီးပွားရေးဇုန်နှင့် ဆက်စပ်စီမံကိန်းများ အကောင်အထည်ဖော်ရေးဆိုင်ရာ မြန်မာ အဆင့်မြင့် ကော်မတီ – Chairman), (13) National Tourism Development Central Committee (အမျိုးသားခရီးသွားလုပ်ငန်း ဖွံ့ဖြိုးတိုးတက်ရေး ဗဟိုကော်မတီ – Chairman), (14) National Committee on The Rights of Persons with Disabilities (မသန်စွမ်းသူများ၏ အခွင့်အရေးများဆိုင်ရာ အမျိုးသား ကော်မတီ – Chairman).

(15) National Land Use Council (အမျိုးသား မြေအသုံးချမှု ကောင်စီ Chairman), (16) Data Accuracy and Quality of Statistics Committee (စာရင်းအင်း အချက်အလက်မှန်ကန်ရေးနှင့် အရည် အသွေးပြည့်ဝရေး ဗဟိုကော်မတီ Chairman). (17) Intellectual Property Central Committee (မူပိုင်ခွင့်ဆိုင်ရာ ဗဟိုကော်မတီ – Chairman), (18) Digital Economy Development Committee (ဒစ်ဂျစ်တယ်စီးပွားရေး ဖွံ့ဖြိုးတိုးတက်မှု ကော်မတီ – Patron), (19) Farmers Rights, Protection & Interests Promotion Leading Body (တောင်သူလယ်သမား အခွင့်အရေး ကာကွယ်ရေး နှင့် အကျိုးစီးပွား မြှင့်တင်ရေး ဦးဆောင်အဖွဲ့ Leader)

(20) Central Committee for Development of Small and Medium Enterprise (အသေးစားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေး ဗဟိုကော်မတီ – Vice-Chairman), (21) Finance Commission (ဘဏ္ဍာရေး ကော်မရှင် – Vice-Chairman), (22) National Planning Commission (အမျိုးသား စီမံကိန်း ကော်မရှင် – Vice-Chairman), (23) Cabinet (ပြည်ထောင်စုအစိုးရအဖွဲ့ – Member)
(24) Central Committee for Development of Border Races Areas & National (နယ်စပ်ဒေသနှင့် တိုင်းရင်းသားလူမျိုးများ၏ ဖွံ့ဖြိုးတိုး တက်မှု အကောင်အထည်ဖော်ရေး ဗဟိုကော်မတီ – Member)

(25) National defense & Security Council (အမျိုးသား ကာကွယ်ရေးနှင့် လုံခြုံရေးကောင်စီ – Member), Vice President in tuanvo a lakmi rian 25 chungah Chairman 17, Vice Chairman 3,Patron 1, member 3 a tuan.

7. Ram Aiawh in Ramdang ah a kalnak: 1. Netherland – Ti he a pehtlaimi thanchonak caah 2017 April 18-2-17 April 25 tiang a kal., 2. New York, America – Ti he pehtlai in a voi 3 nak tuahmi UNO Special Meeting ah 2017 July 15-2017 July 24 tiang a kal., 3. New York, America – A voi 72ndUnited Nations General Assembly ah a kal i rampi aiawh in bia a chim. Pu Henry Van Thio hi Myanmar ram hruaitu upa hna dirhmun in 4-nak le Chin miphun chungin 1-nak caan hmangtu a si.

4. Hanoi, Vietnam – A voi 6-nak Greater Mekhong Summit ah rampi aiawh in bia a chim. 5. Jakarta, Indonesia – 2019 October 19 in 2019 October 21 tiang Indonesia President thar biakamnak (inauguration) ah rampi aiawh in a kai. 6. Phnom Penh, Cambodia – 2019 November 18 in 2019 November 21 tiang tuahmi Asia-Pacific ram hruaitu hna meeting ah rampi aiawh in a kai. 7. Seoul, South Korea – 2020 February 2 in 2020 February 8 tiang tuahmi World Summit on Peace, Security and Human Development ah rampi aiawh in a kai.

8. Upatnak Pekmi: Honorary Doctorate degree in Leadership cu Global Gateway University of Missouri, USA nih 23 January 2017 ah an pek.

9. Vice President A Riantuannak Committee Hna Chungah Hlawhtlinnak Hna: 1. Central Review Committee on Confiscated Farm Land and Other Lands ah Chairman sinak in, mizapi sinin, lakpiakmi vawlei chungin NLD cozah chungah Acre (117,718) kha an hal piak hna i, vawlei ngeitu sinah Acre (107,157) an pek khawh than hna. A taangmi zong kan pek rih hna lai ti a rak si.

2. Farmers Rights Protection and Interest Promotion Leading Body Committee ah Chairman sinak in, Myanmar ram in 1934 hnu (kum 73 chungah) ramdang ah facang (rice) tambik an rak zuar khawh. 3. Ti lei he pehtlai in National Level Water Resource Committee ah Chairman sinak in, 2017 December 11-12 tiang 3rd Asia-Pacific Water Summit kha Yangon khua ah Myanmar ram nih a voikhatnak tlamtling tein an rak tuah khawh. Mah thil ti khawhnak ruangah Yangon Declaration zong an rak chuah khawh hi a si. Cucaah, UNO nih a tuahmi 2019 March 22 World Water Day logo ah INLE Lake tilawng (vok-kuang-lawng)zahnak hmantlak in upatnak an rak tuah.

4. National Tourism Development Central Committee Chairman sinak in, UN World Tourism Organization nih 2020 February 4 ni ah chuahmi ca chungah Myanmar ram cu 2019 kum khualtlawnnak he pehtlai in thanchonak a rang bikmi ram vialte lakah pakhatnak (42%) a si tiah an rak langhter. 5. Finance Commission Vice Chairman le National Planning Commission Vice Chairman le National Planning Commission Vice Chairman sinak in, hlan lio caan nakin Henry Van Thio thawngin Chin State budget hi tamdeuh hmuh khawh a rak si tiah an chim.

6. Cozah pi cabinet members le Central Committee for Development of Border Areas and National Races Vice Chairman sinak in, Chin State caah lamkip in thanchonak tampi an rak tuah khawh. 7. National Road Safety Council Chairman sinak in, Kalay-Falam-Hakha lampi sersiamnak ding caah World Bank nih thaap cangmi US $ 6.2 million lem than (cancelled than) an timh ruangah Amah Pu Henry Van Thio le Minister of Construction U Win Khaing nih fakpi in an rak chimrel caah an rak peek than i 2021 kum chungah rianthawk than dingin timhlamhnak an rak ngei.

8. Myanmar National Culture Central Committee Chairman sinak in le telpinak in, Chin miphun caah a herh tukmi tlang cung le nel rawn Chin miphun vialte hna caah combined (Fonh/cawh) Chin thil thuam cu 2017-2018 chungah an chuah khawh. Mah thil thuam Pa-angki cu ai hruk i, vawlei cung ramkip hruaitu vialte hna tonnak 72ndUnited Nations General Assembly ah bia chimnak a rak ngei ton.

Mah thil thuam nu-angki cu Thantlang khua ah tuahmi 72nd Chin National Day kalnak ah rampi hruaitu State Counselor Daw Aung San Suu Kyi nih a rak i hruk. 9. Ethnic, Public Management & Service Affair Committee Chairman sinak le telpinak in, Chin miphun vialte i funtomnak caah All Chin Society (ACSY) cu 2017 kum ah Yangon ah an rak dirh i, vawlei hmun Acre 4 zong Yangon Regional Cozah nih peek a rak si i Building pawl hna zong an sa.

10. Central Committee for Development of Small and Medium Enterprises Vice Chairman sinak le telpinak in, Chin State Chambers & Commerce of Industries (CSCCI) zong 2018 ah an rak dirh i, Hakha khuapi ah zung saknak timhtuah a rak si. 11. Central Committee on the Rights of Persons with Disabilities Chairman sinak in, Myanmar ram ah tuah bal rih lomi, ram pumpi um kum 85 cung tarnu/tarpa bawmhnak pension cu minung pakhat ah thlakhat 10,000 kyats in pek a rak si.

Nu nau pawi cu thlakhat ah 15,000 Kyats le hrinmi ngakchia pakhat ah thlakhat 15,000 kyats in Chin State, Rakhine State, Kayar State le Naga Land vialte peek an rak si. A taangmi state le regional divisions zong pek thluahmah dingin timhlamhnak ngeih a rak si. Naypyidaw khua chung hmun hnih (2) ah, a hmasa bik khua a hmu lomi le a kal kho lomi hna fawi tein tlonlen cawlcangh khawhnak ding caah zunput (toilet), wheelchairs chiahnak, wheelchairs kalnak lam, khua hmu lomi hna kal khawhnak lam hna tuahpiak an rak si.

10. CHIN STATE CAAH A TUANPI CHIHMI RIAN PIPA HNA: 1. Airports ( Vanlawng ground pawl), 1.1. Chin State ah a pakhatnak tuahmi Falam Surbung airport ( Cozah phaisa), 1.2. Lailenpi airport (Ramdang bawmhnak), 2. Bridges ( Hlei pawl), 2.1. Paletwa hlei, 2.2. Var hlei, 3. Roads ( Lam pawl), 3.1. Cikha-Tedim-Falam-Hakha-Matupi-Paletwa Lamthlurpi, 3.2. Hakha-Saisihchuak Lam, 3.3. Hakha-Hmantaw lamthar.

3.4. Kanpetlet-Samee-Paletwa Lamthar, 3.5. Samee-Cindui,Kanpetlet Lamthar, 3.6. Lailenpi-Shinlatwa Lamthar, 3.7. Kabani-Rallawn-Lungpi Lamthar, 3.8. Tedim-Khaikam Lamthar, 3.9. Tonzang-Yazagyo Lamthar, 4. Factory (Sehzung pawl)
4.1. Mindat peng Tawlrelba sehzung (2021 ah Thantlang zongah Tawlrelba sehzung sak dingin timhlamh a rak si), 4.2. Bungzung peng Cement Factory miring vawlei sehzung (ni khat ah 100,000 bags/5000 tons chuahnak sehzung nganpi) a hram an rak thawk cang (Sahrang nih Ukank an laak hnu bel in theih a si ti lo).

5. Town Upgrade (Myo) pekmi khua hna, 5.1. Cindui, 5.2. Makui-innnu, 5.3. Surkhua, 5.4. Hnaring, 5.5. Webulah
6. District (khayaing) pek tharmi, 6.1.Matupi Khayaing (District), 7. Education, 7.1. Hakha College cu University level ah kaiter an rak si. 7.2. Hakha Education College kum 2 kaimi cu kum 4 kaimi degree college ah kaiter an rak si.

7.3. Hakha Sport and Science Training School, 7.4. Hakha Mid-wife Training School (Nursing Training School zong 2023 ah tuah te dingin timhlamhnak an rak ngei), 7.5. Mindat khua ah Mindat College (2020 in sak hram an rak thawk ), 8. Hospitals, 8.1. Thantlang 25 bed hospital in 50 bed hospital,

8.2. Kanpetlet 25 bed hospital in 50 bed hospital, 8.3. Paletwa 25 bed hospital in 50 bed hospital, 9. Dam pawl, 9.1. Laikual No. 2 Dam, 9.2. Tikir Dam, 9.3. Hakha Nawi Dam (2020-2021 budget ah a tel cang) , 10. Electric Power caah, 10.1. Laymyo hydro-electric power project (620 MW), 10.2. Manipur Dam (380 MW). Hi hna pawl hi NLD chan lio ah Henry Van Thio nih an kan tuah piak mi a si. Theihkhawh mi le hngalh khawh mi a si.

Cun pehchap, SAC ralhrang nih hramhram in uknak an laak hnu Pu Henry Van Thio a hnu bik thawngpang: 2022 July 31 i Myanmar ram uknak hramhram in a latu Min Aung Hlaing hruaimi Cozah phu nih a tuah mi Rampi Runvennak Council (National Security Council) NSC meeting ah NLD Cozah chan i Vice Presudent a tuan mi le 2020 kum thimnak teinak a hmu mi VP Henry Van Thio cu a ngandam lonak ruang ah meeting a kai kho lo tiah theih a si.

2020 kum thimnak ah VP Pu Henry Van Thio hi Thantlang peng, Amyotha Hluttaw mee hmun ah aa cuh than i teinak a hmu nain SAC nih uknak an laak ca ah inn ah hrenh erh in an chiah tiah theih a si. A dam lonak kong he pehtlai in, Pu Henry Van Thio he aa naihniam mi chungkhar pakhat nih, “Atu hi dam le zawfak ngai in a um. A dam zau lai ti zumhnak zong kan ngei ko. Pathian sin tu ah thlacam tu kan bawm hram ulaw,” tiah CCN ah a chim.

Cun, SAC ralhrang nih a cawmmi MWD Media zong nih, “VP Pu Henry Van Thio hi zeidang ruang ah si loin ngan dam lo ruang ah NSC meeting ah a rai kai kho lomi a si,” tiah mizapi theih in a thanh. NSC meeting an tuah hnu Myanmar ram chung ralhrang nih uknak a laak mi thla ruk chung kan chap tiah biachahnak cu tuah a si tiah MWD nih a thanh.

Pu Henry Van Thio Cu Min Aung Hlaing kuttang ah Vice President rian a tuan peng rih! Kawlram uknak hramhram in a latu ralhrang Min Aung Hlaing kuttang ah hin Kawlram chung mifim thiam sang lawng si loin kanmah Chin miphun chung zongin kan pale bochan taktak mi minung pathum hna zong an i tel tiah thawngpang theih a si.

Tutan ah ruahlopi in minung pakhat bochan taktak mi a min cu a hung lang ruangmang ko cang. Chinmi tam bik nih kan theihmi cu Dr. Ngun Cung Lian le Pu Ngun San Aung lawng hi kan theih hna. Nain, Henry Van Thio cu Vice President rian a tuan peng ko, tiah anmah ralhrang phu le cathanh chuahmi ah an rak tarlangh tikah mipi khuaruahhar in kan um cio hna.

July 31, 2022 ni ah Ralhrang bawilian pawl meeting an tuah i, Vice President Henry Van Thio cu a dam lo ruangah meeting ah a kai kho lo, tiah cathanh an chuah. July 31, 2022 ni ah tuahmi Ralhrang Concil Meeting abiapi tuk mi meeting ah hin Vice President Henry Van Thio cu dam lo ruangah meeting a tel khawhlonak an tarlanghmi hi a si.

Pu Henry Van Thio cu Thantlang peng Tikir khuami a si i, NLD Cozah chan (2015 – 2022) kum 4 Vice President a rak tuantu a si. Ralhrang Min Aung Hlaing nih hramhram in uknak a la hnu ah Ralhrang Council uknak tangah Vice President rian a tuan peng rih ko, tiah thawngpang theih a si.

A mak taktak a si cang, Chin miphun nih bochan taktak mi Pu Henry Van Thio hrimhrim nih ralhrang kuttang riantuan peng hi a phu lo tak hringhrna ko. Chin miphun nih kan siang bak hrimhrim lo ee, Pu Henry Van Thio hrimhrim nih Ralhrang Min Aung Hlaing kuttang riantuan cu a si kho bak lo.

Teirul Cham Le Phuhlam Aduh Lo Caah Henry Van Ṭhio Nih Rallokap He Aa Kawp.Teirul Cham lai le Phuhlam Lai hi Ralhrang Rallokap nih an ṭih bik mi asi. Phuhlam le Teirul cham lai an ṭih tuk ruangah 2008 phunghrampi a hung chuak hi asi. Hnukhirh in dantat le azizut khawh asi lailo ti in an thawk I, 25% savo an I phawt hnu ah rampi uknak le nawl ngeih nak 90% cu Rallokap nih an I lak colh. 2008 phunghrampi an I lim hlan ah,

Phuhlam le Teirul cham kha an ṭih tuk caah Pi Suu Ci cu thong an thlak zungzal. 1992 Nobel Peace Prize an pek zong ah an thlah hlei lo. Pi Suu Ci nih an kan ti lo zong ah amah bochan in le limhang in Teirul cham lai kha an phang zungzal. Tlangcungmi hruaitu le Democratic phu upa zong thongthlak dih an si. Thongthlak lo mi cu Ramdang ah zam mi lawng an si. Ko Jimmy, Ko Min Ko Naing, Ko Mya Aye, Ko Ko Kyi, Ko Pyone Cho, Dr. Lian Hmung Sakhong, Dr. Van Ram Uk, tbk hna hi 8888 phu le Prodemocracy phu an si.

Federal phu an rak si lo. Ramdang ah a zam lomi 8888 le Prodemocracy phu cu Pastorte le Bible College founders ah an I chuak siam dih ve. Pi Suu Ci le Tlangcung mi Politicians hna Telloin, 2008 phunghrampi cu an fek ter. Rallokap cu Teirul cham khawh le Phuhlam khawh an si ti lo hnu ah 2010 kum ah thimhnak an tuah I, Rallokap angki a hlai chung mi nih, Democracy tiah Ramthar cu an hruai. 2012 ah Pi Suu Ci le Pu Thang Sui an I tawn.

Pu Thang Sui he Zeibia dah an I ruah I, an chimh timi nihin tiang an langh ter lo. CHINMI si hna sehlaw, kan hngalh diam cang lai nain. Jesuh nih a kun I vawlei ah ca a ṭial. Ka chuak ka in ka sual ballo a ti tu nih lung in chep hmasat seh tiah a kaa in a chimh. Jesuh nih vawlei ah a ṭial mi ca kha hngalh khawh asi lo bangin Pi Suu Ci le Thang Sui biaruah nak hi asi ve. A Thaizing ah Pi Suu Ci nih lakhruak thimhnak ah kan lut lai tiah a ti colh. Tlangcung mi cu Party an dirh manh lo caah 2012 lakhruak thimhnak ah an lut kho ti lo.

8888 thawk in a Hawikom ṭhabik asi mi Tlangcung mi cu a kal tak hna I, Rallokap he aa kawp cang. Pi Suu Ci, Rallokap, USDP le Kawlte Democracy Party kip nih Tlangcung mi Party cu cawlh khawh lo in an hrem caah, thimhnak kip ah Tlangcung mi party nih teinak an hmuh khawh ti lo. Pi Suu Ci kut ah ukpennak cu aphan cang. Apa biakam Panglong a tlinter lai, Federal an kan pe lai, EAO zong hriamnam chiah in PEACE an tuah dih lai tiah, ruahchan nak lian pi he Tlangcung mi sin ah lunglawmh nak ni a tlung ve. Nain Tlangcung mi cu a hlawt hna I, Rallokap he Pi Suu Ci nih aa Hawikom diam ai.

Reconciliation Theory in an kan kal pi. Miphun hna le pakhat le pakhat I rualrem ṭhannak in an kan hruai. Panglong kong chimh hlah uh, Panglong lungthin hi a biapi, Rampi caah a hal lawng hi thiam hlah uh, rampi caah zeidah ka tuah khawh lai timi lawng nih, ram a dam ter I a ṭhancho ter, Hlutdaw in 25% ralkap kan dawi hmasat hna lai, cu hnu ah Democracy Federal in kan kal lai, tiah Tlangcung mi hruaitu rolung a bunh hna, ningzak a thlai hna I, mualpho cikcek in atuah hna.

MAH hruai mi Rallokap cu PA PA I ralkap tiah a cuaisan hna, roca apek hna, thura a pek hna, ICJ tiang in MAH le Rallokap cu an sual lo tiah a va khumzual hna. Roca, minṭhatnak le laksawng tampi an chut ṭhan. Nobel Peace Prize belte an chut lo. Ahohmanh kan chut bal rih hna lo an ti. AA cihmih awk ah Henry Van Ṭhio he nawl an pek hna I, sen an thuh piak hna. Chawhar ah dar al tiah an ti bang in, Kawl party ah Kawl sal ṭuan mi hna zong cikkhat cu an lung laar ngai ve. Nain MAH nih uknak an kan chut tikah MAH le Rallokap he an I kawp dih ṭhan.

Jesuh cu Judah Iskriat nih a rawi bangin MAH nih 2021 February ah Pi Suu Ci pennak cu a chut I, amah Pi Suu Ci zong thong a thlak colh. Thiamlo coter mi cases lawng tein taza cuai beh. Kum 120 leng thongthlak khawh mi case in MAH nih Pi Suu Ci cu tazacuai lio asi. 2008 Phunghrampi ning in Rallokap cu duhpoah in sualnak nawl pek bantuk an si. Hnukhirh in tazacuai khawh asi lo. Dantat, azizut khawh asi bak ti lo. Cucaah Ko Jimmy te 4 zong a thah bak ko hna. An duh mi thahnak nawl a hmuh mi an si caah, zeiti hmanh in lehrulh khawh mi, Teirul cham khawh mi, Phuhlam khawh mi an si ti lo.

Cu caah Henry Van Ṭhio hi asivang tuk ah MAH le Rallokap he aa kawp lawlaw asi men lai. Myint Shwe le amah he Lakhruak Tamada ve ve an si. Lakhruak Tamada Henry Van Ṭhio cu a dam lo caah, khonh a hal, Kaalung Meeting a kai khawh lo tiah MWD nih a ti. U Myint Shwe pakhatkhat asi sual ahcun SAC Lakhruak Tamada cu Jessy pa asi ti nak asi. Pi Suu Ci nih MAH le Rallokap he a kawp nain amah thihloh nak tu asi lehlam. Pu Henry Van Ṭhio hi an kutpar in ankan tawngh piak nak hnga lo, a caah thlacam cio ko usih. Nain rul el rul an ke an I hmuh ti asi ahcun thinphang awk cu aum lai lo.

Dam tein le nuam tein khuasa khawh mi asi ko lai. Pathian nih doh hna hlah, anmah he I kawp ko ti seh law kan theih lo pi. Rallokap he aa Hawikom mi Rallokap minung lo cu sau an nguh ballo. An tlaih, an hrem, an thah thotho ko hna. Abiak in a zumh mi a Pathian tu nih Pu Henry hi zohkhen hram ko seh. Teirul cham le Phuhlam aduh lo caah a mah zong an thah I, a pennak a raw dih mi cu Rome SPH Julius Caesar asi. Caesar Julius Policy cu: Ralram ah ral tei awk ah tuk ding, kan ral vialte zong thah dih dang, Raldoh lio asi caah, Phuhlam le Teirul cham asi lo.

Raldoh nak ah silo in Ngaithlem in mi thah le Lainawng cu Teirul cham asi caah Kan tuah awk asi lo. Ram lak ah cun Cakei he kan I tawn zong ah thah ding in kan doh ko lai. Cakei cu kan tei lo ahcun amah nih an kan tei lai i, an kan sehthat ko lai. Ralram ah kan ral tei awk ah kan thah mi hna cu: Teirul cham asi lo. Phuhlam zong asi fawn lo tiah Julius Caesar bia roling cu asi. Julius Caesar Nupi cu Izipt Queen Cleopatra asi.

Cleopatra nih Izipt ah aum mi SPH vialte kha a thah dih hna, Izipt kha amah kuttang ah achiah dih hna, a vapa zong a thah chih. Izipt SPH hna nih an ka thah lai ti a phang caah, cu lio ah Vawleipi uktu, Rome pennak SPH Caesar Julius cu hramhram in tlaihhrem I vat. Izipt SPH vialte hi nupa sinak (sex) in a lemsoi hna I athah dih hna. A vapa SPH pa nih a kianh duh lo caah athah ve. Izipt pennak cu Julius cu a ap lawlaw I, Rome amah Cleopatra nih a uk hna. Julius Caesar athih hnu ah a tupa Augustus nih Caesar a Ṭuan. Augustus zong cu Cleopatra nih a lem khawh caah a va asi ṭhan.

Cleopatra nih Izipt hruaitu hna cu a tlaih hna, a hrem hna, a hnahchuah tuk hna, a huat tuk hna, Phuhlam nak le Teirul cham nak ah a thah dih hna. Julius Caesar nih a nupi Cleopatra sin ah: Izipt hruaitu na thah hna caah, Izipt nih nangmah thah an ra tengteng. Cutikah Keimah nih Izipt mi cu ka thah hna lai, annih ka miphun Rome mi an thah hna lai, Rome nih Phuhlam nak le Teirul cham nak ah athah ve hna lai.

Cuticun Teirul cham nak le Phuhlam nak cu chanchung aa peh cang lai, a dai khawh ti lai lo. Cucaah Teirul chamnak le Phuhlam nak cu kanmah can a phak bak ah ngawl awk asi tiah Cleopatra cu a ti. Hi lungput ruangah Julius cu a ral nganbik tiang in an upat ti asi. Nain a Hawikom ṭhabik rual nih Rome Hlutdaw zung hmai bak ah an thah.

Pu Henry Van Ṭhio hi Phuhlam le Teirul cham aduh ahcun Ramdang ah a kal lai, asilo ah hriamnam tlaih in a doh ve hna lai. Raldohnak hmun ah a kal khawh hlan le Ramdang ah azam khawh hlan ah Rallokap nih an tlaih mi asi caah, Zei tuah awk theih ti loin anmah he aa kawp mi asi men lai. Julius lungput he Teirul cham le Phuhlam aduh lo caah (Ralram asi lomi Nipidaw ah asi caah): anmah he aakawp lawlaw hi asi ko lai.

Nain nai hrawng MAH lungput le karhlan dan zoh tikah: Teirul cham le Phuhlam in can ahmang tawn. Pi Suu Ci le Julius Caesar Bantukin an tuahto ve nak hnga lo CHINMI vialte nih Henry VT caah thlacam piak cio usih, CHINMI Tamada si caah. Zeitintiah MAH le Rallokap cu 2008 phunghrampi ning cu mithah Lainawng nak license a hmuh tu an si. Thluk in kan thlah khawh hna lo, an cihmih khawh lo ahcun: Kan ti khawh hna lai lo.

Cucaah Paucan Dohthlennak ah CHIN MINO hna nih nunnak le thisen tampi pek in Ralhrang cu an doh I, Kanram le miphun damnak le Zalonnak caah Dohthlennak an tuah cu asi. Pu Henry VT nih MAH le Rallokap he aa kawp mi cu amah pumpak himnak caah asi, CHIN mino nih MAH le ralhrang an doh mi cu: Kanram le miphun zungzal dam nak le Zalennak caah asi. Aa lawh hrimhrim lo. Hna ngeih mi nih theih hna seh. Crd-ZingtinCuai Cinzah

Monywa-Yargyi Toll Gate Pawngah SAC Ralkap Bomb Puahhnawh An Ton Ruangah 10 Hrawng An Thi, Sagaing ramṭhen Yinmarbin peng Monywa-Yargyi(ယာကြီး) lam meng 5 toll gate pawngah SAC ralkap motor cu PDF nih, nizaan October 7 zinglei sml 5 in 8 kar ah bomb lung 3 in an puahhnawh hna caah SAC ralkap 10 hrawng an thi kho i 15 hrawng hliamhma an pu lai, tiah theih a si.

“Motor lam cu ṭha tein kan cawh hnuah thir zum tampi le bomb lung 5 ṭem chihmi kan phum hna. SAC ralkap motor cu bomb kan phumnak an phanh ah kan puahhnawh hna i, ralkap 10 in cunglei an thi lai. Bawmtu ralkap an auh hna i, an rak phanh hlan lo hriamngan in an kan kah,” tiah Chu Mai Mai thawngpang fiangternak phu nih an langhter.

SAC ralkap skat motor le i khamnak motor pakhat cu Aung Zeyar tlangpar in Banbuai khua lei an kal lioah PDF nih bomb in an puahhnawh hna hi a si. SAC nih nawlngeihnak an lak hnu in SAC ralkap pawl cu Banbuai khua ah umhmun an khuarnak kum khat tluk a si cang. Banbuai khuami ralhrial 1,000 leng cu eidin tirawl an har ngaingai, tiah theih a si.

Chungkhar Minung Pa 4 Ti Nih A Fenh Hna!!, Magway ramthen, Pakukku khuapi , October ni 8 zing lei suimilam 3:30 hrawngah ruah fak tukin a sur i tilianh a chuah caah chungkhar pa 4 ti nih a fenh hna tiah kan theih. ” Nu pakhat le Lephiat zawtnak a ngei mi pa pakhat telin hngakchhia pa 2 ti nih a fenh hna. Pakukku meithat phu cu hmun 3 ah an i then hna i an va kawl hna tikah hngakchia pa 2 cu an ruak in an hmuh hna.” tiah tualchung mi pakhat nih a chim.

Tualchung mi bomchantu phu pakhat zong nih,” Zaan ah ruah fak tuk in a sur. Ti a lian i an himnak lei ah an tlik zaam pah lio ah ti nih a fenh hna hi a si. Zing lei ah hngakchia pa 2 ruak cu hmuh an si. Cun an nu ruak cu zaan ah hmuh a si. Hngakchia cu kum 14 nu le kum 7 pa an si.” tiah a chim. Pakukku pengkulh ah ti nih a fenh mi hna hi chungkhar 40 an si cang tiah kan theih.

Buthitaung Le Myinpia Kahdohnak Ah SAC Ralkap 35 An Thi, AA Lei In A Nunnak A liammi An Um Ve, Rakhine ramkulh Buthitaung(ဘူးသီးတောင်) le Myinpia(မင်းပြား) kahdohnak ah SAC ralkap 35 an thi, tiah AA nih cathanh an chuah.

October 3 zaanlei sml 1:30 ah Buthitaung peng Kyauk Sa Taing(ကျောက်စာတိုင်) khua thlanglei ah SAC ralkap le AA cu sml 5 chung an i kap i SAC ralkap 17 an thi, 15 hliamhma an pu. Meithal, zen-kuan le an thilri cheukhat zong AA nih an lakpiak hna, tiah theih a si. October 5 le 6 Buthitaung peng kahdohnak ah SAC ralkap 10 an thi i, 10 hrawng hliamhma an pu, tiah kahdohnak ah aa telmi AA ralkap nih an chim.

Cun October 7 chun sml 12:22 ah Myinpia peng Kyat Sin(ကြပ်စင်) hlei pawng umhmun khuarmi SAC ralkap pawl cu AA nih an kah hna caah SAC ralkap 8 an thah hna. SAC ralkap nih hriamngan voi 25 an kah caah tualchung mi 6 hliamhma an pu.

October thla zarhkhatnak ah kahdohnak ngan(Major) voi 10 leng le kahdohnak hme(minor) voi 10 leng a chuak i, SAC ralkap 35 an thi, 25 nak tlawm lo hliamhma an pu. AA zong a thimi le hliamhma pumi an um, tiah theih a si.

Dawei Ah Rallam A Sialmi SAC Ralkap Kah An Ton Caah Pathum An Thi, Tannintharyi ramṭhen, Dawei peng Wakone(ဝကုန်း) khua pawng Dawei-Htikhi lam cungah rallam a sialmi SAC ralkap hna cu kan kah hna i ralkap 3 an thi, tiah Dawei PDF nih an langhter.

A luancia October 6 zaanlei sml 1:30 hrawngah Myatta(မေတ္တာ) lei kap in Dawei lei ah ke le motor in rallam a sialmi SAC ralkap pawl cu Kawthu Lay Army Companny 3 le PDF hna nih an kah hna i kaphnih kar kahdohnak hi mins 10 hrawng a rau tiah theih a si.

Rallam a sialmi SAC ralkap cu kah an ton caah hriamngan, hriamhme le seh meithal in PDF cu an kah kah ko nain PDF ṭangṭi phu lei in a thimi le aa hliammi um loin hnu kan kir kho, tiah PDF ṭuanvo ngeitu pakhat nih a chim.

Pauk Peng Ah Rallam A Sialmi SAC Ralkap Cu PDF Nih An Kah Hna Caah 7 An Thi, Magway ramṭhen, Pauk peng thlanglei ah rallam a sialmi SAC ralkap pawl cu nizaan October 7 zing sml 8:30 hrawngah kah an tong, tiah theih a si.

Thit Ngi Naung(သစ်ညီနောင်) khua pawngah SAC ralkap 300 hrawng cu lam hruang in kan bawh hna i, kan kah hna, tiah People’s Defence Force – Yenangyaung in ṭuanvo ngeitu nih a chim. PDF ralkap hna nih bomb in an puahhnawh hna lawng si loin hriamngan in an kah hna caah SAC ralkap 7 hrawng an thi lai, tiah bawino San Shia nih a chim.

Cu kahdohnak ah People’s Defence Force − Yenangyaung, Pakokku pengkomh 12 Battalion, le YRF Battalion hna i bawm in an kah hna. PDF lei a thimi le aa hliammi an um lo, tiah theih a si.

Kalaymyo, Chin Mibawmchan Tu Phu Caah Hlutmi Motor Cu Palik Nih An Tlaih I Thlakhat A Ruah Tiangah An Pe Hna Lo!!!
Kalaymyo, Chin mibawmchantu phu caah an hlutmi motor cu, Shwebo checkgate ah a luancia September 1 ah palik nih an tlaih i, a tutiang an pe rih hna lo tiah theih a si.

Shwebo check gate a hngaktu palik pa nih motor khaltu cu, Chin maw na si? Kawl dah na si? tiah a hal i, motor khaltu nih cun, Kawl ka si ko tiah a leh. Cu palik bawi pa nih cun Chinmi cu silaw cu, hi kaa hmun ah hin kan thah colh hnga? Chinmi cu an dihlak in a kan dohtu an si.

Zei ruang ah dah, a kan dohtu Chin misual hna motor cu na khalh? Chinmi he maw i pehtlaihnak nan ngeih? Nang cu Monywa khuami na si ko caah kan in thlah lai i na motor tu cu kaa hin kan fim lai an ka ti ii kei tu cu an ka kalter than tiah motor khaltu nih cun a chim. Toyota Alphard motor cu, Chin mibawmchan tu phu caah, Yangon ah an cawk i, Monywa check gate ah an tlaih hi a si.

Paletwa Pengah SAC Ralkap Nih Siangniamrun Saya Pakhat An Tlaih, Chin ramkulh, Paletwa peng siangniamrun saya Maung Win Than le tualchung mi 3 hna cu Miletwa(မီးလက်ဝ) B.E.H.S sianginn lei an kal lioah Laung Kadu(လောင်းကတူး) hlei ah SAC ralkap nih October 6 zinglei sml 9:00 ah an tlaih hna, tiah theih a si.

“Amah he tlaih a tongmi tualchung mi 3 cu an thlah ṭhan cang hna. Saya Maung Win Than cu SAC ralkap nih a hmai ah puan in an ṭem i sml pakhat chung hrawng ke in an kalter hnuah an hren,” tiah amah he ai niahniam mi pakhat nih a chim.

Tlaing a tongmi siangniamrun saya Maung Win Than(40) cu Rakhine ramkulh Sittwe(စစ်တွေ) khua ah a ummi a si i, Paletwa peng Miletwa B.E.H.S sianginn ah saya a ṭuanmi a si, tiah theih a si. Tlaih a tong vemi pakhat nih, “An kan thlah hlan lo chung paoh cu kudawng pakhat ah an kan hren. Saya Maung Win Than cu zeiruang ah dah an tlaih i an thlah ṭhan hnga lo ti cu ka hngal lo, cun khoika dah an chiah i an hren zong ka hngal lo,” tiah a chim.

Chin Ramkulh Falam Khua Ah, SAC Nih Eidin, Mehhang Man Fawi Tein An Zuar Than!! Chin ramkulh SAC cozah le Northwest Regional Military Headquarter hna hruainak in, Falam khua Town Hall hmaiah, nizaan October 7 zinglei sml 7 ah, SAC kuttang riantuan tu hna nih man fawi tein eidin, mehhang an zuarh than hna tiah theih a si.

Cu ah cun, Falam pengkomh Chairman U Saw Htun, Captain Aung Myo Htwe, Palik bawi Myo Win le a dang dang hna nih an telpi ve hna tiah kan theih. Mipi le cozah riantuantu hna khuasaknak caah a thahnem lai tiin facang, Chiti, cite, khachuan, kalape, cawsa, voksa, arsa, arti tibantuk hna cu, man fawi tein kan zuar tiah SAC nih cun, an langhter.
Facang pi – 2 ah 4600 ks,

Mepe chiti 816 gram(၅၀ ကျပ်သား) ah 6000, cite bawmthum ah 1000, khohsuai bawmli ah 1200, khanchuansen cuaikhat(၁ ပိသာာ) ah 3500, khachuan rang cuaikhat ah (၁ ပိသာာ) 6000ks, aalu cuaikhat (၁ ပိသာာ) ah 2500, arti pum 10 ah 2000ks, caw/na sa cuaikhat ah 9600, voksa cuaikhat ah 9600, arsa cuaikhat ah 9600, kalape cuaikhat ah 4000 tiin man fawi tein an zuarh hna tiah theih a si. A luancia September zong ahkhan Falam khua ah SAC nih eidin, mehhang cu man fawi tein an zuar bal cang.

Global Zephai Nih Chin National Army(CNA) Cu Motor Le Computer Cawknak Ah Dollar 40,000 An Pek Hna Vawlei cung ramkip um, Global Zephai nih Chin ralkap CNA ca ah motor, computer le thilri dangdang an herh baumi cawknak ca ah dollar 40,000 an pek(hlut) hna, tiah theih a si.

Global Zephai nih CNA ca ah motor, computer le thilri dangdang a herh baumi cawknak ca ah dollar 40,000 nan kan pekmi cung ah lunglawmhnak tampi kan ngei, tiah Chin National Front (CNF) Headquater, Camp Victoria in Fianance and Revenue Department Office nih lunglawmhnak cathanh an chuah.

SAC Ralkap Nih Hriamngan An Kah Caah Tualchung Mi 6 Hliamhma An Pu, 2 An Hliamhma Faak, October 7 zaanlei sml 1:00 hrawngah Myinpia peng Pha Laung Pin(ဖလောင်းပြင်) khua ah SAC ralkap nih pehtlaiin hriamngan an kah caah khuami 6 hliamhma an pu. Cu chungah 2 hi an hliamhma a fah caah Pauk Taw sii-inn ah an kalpi hna, tiah theih a si.

SAC ralkap nih khuachung ah timh ciammam in hriamngan an kah caah Khine Soe(8), Aye Ngein San(15), Maung Thein(29) le Maung Win Htey(20) cu hliamhma an pu i, Than Maung(60) le Aung Win(33) cu an hliamhma a fak ngaingai, tiah theih a si. AA nih Kyat Sin(ကြပ်စင်) hlei pawng ummi SAC ralkap cu an kah hna caah SAC ralkap nih timh ciammam tein khuachung ah hriamngan an kah tiah tualchung mi pakhat nih a chim.

A luancia October 2 ah Myinpia le May Pung pehtlaihnak ca ah hman bikmi Kyat Sin hlei ah umhmun an khuar mi SAC ralkap nih khualtlawng mi cu lam an kham hna. Rakhine ramkulh, peng cheukhat ah SAC ralkap nih hriamngan le hriamhme kahnak ruangah August le September thla chungah ngakchia telhin a thimi 8 an si i, 20 leng hliamhma an pu cang.

CDM Sii Sayamah Cu Thailand Palik Nih An Tlaih I A Zamnak Ah Tiva Ah A Zuang I A Nunnak A Liam, Karen ramkulh ah CDM sii sayamah(nurse) Thein Ki cu October 7 ah Thailand ramri tan dingin tanglam in a kal, cu lioah Thai palik nih an tlaih i a zam, a zaam pah ah tiva ah a zuang i a nunnak a liam, tiah theih a si.

“Anih hi CDM a tuahmi a si, a vapa he Thailand ah rianṭuan ding in an kal lioah palik nih an tlaih hna caah an zam i tiva ah a zuang. Anih hi kum 25 hrawng a si i fa pakhat a ngeimi a si,” tiah a nunnak a liammi CDM sayamah a hawinu nih a chim.

“Nawlngeihnak a duh tukmi hna hi ka huat tuk hna. Nanmah ruangah ka hawinu zong a nunnak a liam. Mifim mithiam hna zong ramdang ah an zam dih, rammi cu kan hmailei chunmang a um ti lo,” tiah CDM sayamah a hawinu nih amah pumpak social media ah a tar.

KNU Nih Thaton Peng PDF Hna Cu Bu Khat Ah A Fonh Hna, Karen National Union (KNU), Brigade 1 hmunhma chungah a cawlcangmi PDF hna cu KNU nih bu khat ah a fonh hna tiah theih a si. KNU Brigade 1 cu Mon ramkulh Thaton peng ah a um i cu an hmunhma chungah a cawlcangmi PDF bu 24 hna cu nawlpeknak pakhat tangah tlukruang tein an cawlcangh khawh nakhnga tiin KNU nih October 3 ah khan bu khat ah a fonh hna.

KNU cunglei (central) chimnak nawlngeitu Padoh Saw Taw Nee nih “Thaton peng ah bu 20/30 hrawng an um tikah anmah cio in an cawlcangh ahcun buainak kan tong kho. Cucaah pehtlaihnak ṭha ngeih i tlukruang tein an cawlcangh khawh nakhnga bu khat ah kan fonh hna. A bik in kanmah nawlpeknak (command) tangah an um dingmi kha a biapi” tiah a chim.

A luancia September 21 ah khan KNU Brigade 1 hmunhma chungah a ummi dohthlennak hriamtlaibu pakhat a simi Kyaikto (ကျိုက်ထို) Revolution Force (KRF) nih Denko Company ngeihmi detsi phawrtu leilawng (motor) cu an tlaih i a khaltu le a zultu cu an hren hna pinah detsi kalan (gallon) 4,000 cu an zuar fawn.

Cucu hramhram tlaihkhih (kidnapping) phunkhat a si caah KNU Brigade 1 zulhphung buar a si tiin KRF hruaitu hna cu dan an tat hna. KRF zong nih dantatnak cu an cohlan i KNU Brigade 1 ukhruainak cu kan zulh lai tiah cathanh an chuah. Cu ruangah atu bantukin nawlpeknak pakhat ah PDF bu 24 hna cu an fonh hna nak hi a si. KNU Thaton peng Brigade 1 nih ṭuanṭi hawi hna zulh dingmi zulhphung 25 an ser i cu zulhphung a zulmi lawng ṭuanṭi hawi ah cohlan ding ti a si.

KNU Thaton peng Brigade 1 i ṭuanṭi hawi hna tlangtlaknak kawmiṭi (မိတ်ဖက်ရေးရာ ကြီးကြပ်မှုကော်မတီ) chungṭuan pakhat nih “Zulhphung chung an luh khawh nakhnga kan tlangtlak hmasa hna, ṭuanṭi hawi ah kan cohlan colh hna khi a si. Cu hnuah kan sinah phunglut sinak (register) an tuah.

Minung thazang, hriamnam thazang ti bantuk ṭha tein an langhter. Kan sinah phunglut sinak a tuahmi bu 30 hrawng an si. Zulhphung ṭha tein kan zulh lai a timi lawng kan cohlan hna. Bu 24 cu phunglut sinak kan pek cang hna. A dang cu a ruang zeimawzat ruangah kan pe kho rih hna lo” tiah a chim.

NUG Nih 2023 Ah Ralhmai 6 On In Dohthlennak Donghter Dingah Timhtuahnak An Ngei, National Unity Government (NUG) nih hmaikum 2023 ah ralhmai 6 on in dohthlennak donghter dingah timhtuahnak an ngei cang tiah NUG chimnak nawlngeitu U Nay Bone Lat nih October 7 ah a chim.

U Nay Bone Lat nih cun “Fiang tein ka chim khawhmi pakhat a um. Cucu a fiang zau dingmi thil a si. Donghnak biakhiahnak tuahtu kahdohnak caah cu kum cu kan i thim cang. A herhmi hna kha kan zate lungrual in kan chuahpi cio a si ahcun kan dihlak in kan duhmi, rammi hna nih kan duhmi SAC khongton uknak hrawh ding kha a tlamtling ko lai. Lungrual tein kan ṭan ahcun cu kumkhat chungah biafiang a lang ko lai. Ahodah a sung lai i ahodah teitu a si lai ti a fiannak kum a si lai” tiah a chim.

NUG nih ramchung hmunhma zatuak 50% renglo an uk khawh cang i tlangcung hriamtlaibu 8 he hnatlaknak an tuah khawh cang. Cu an ukmi hmunhma chungah uknak, biaceihnak le phungzulhnak hna zong ṭha tein an kalpi khawh i phung a zul lomi le ṭhatlonak a tuahtu hna hrennak caah caankarlak thong (lock-up) 20 an sak i sualpalhnak 100 renglo bia kan ceih cuahmah tiah U Nay Bone Lat nih cun a chimchap. A bik in Sagaing le Magwe ramṭhen ah khua tampi cu NUG nih an uk caah SAC uknak a rawk ti khawh a si cang. Kahdohnak hmun cheukhat ah vanlawng kahnak hriamngan zong an bunh khawh cang. Crd-The Chin Post