Pu Daniel Sakhong: A peng, A tlang, A khua cio in CDF kan um hi a ttha!

A peng, A tlang, A khua cio in CDF kan um hi a ttha!
=========
A peng, A tlang, A khua cio in CDF kan um hi a ttha. Kan miphun ralkap CDF member kan tam deuh nak lam, ramleng in phaisa a chuah deuh nak lam pauh hi kan miphun caah thazang a si i, kan ral tei nak ah hriamttha an si.

Kan thazang kan thlen ter ah cun CNF kan sa tlaih lo a si lai. Nain kan fun tawn khawh lai, a hman zia kan thiam ko. lungrual lonak a chuah lo nak ding cu CNF nih kan ni zuam lai. Phan ding a um lai lo. Order pakhat, Comment pakhat ah a rak si tluahmah ko. Kan ni then tthlek lai ti hi phan ding a si lo. Kan phan ding cu CDF kan thazang a der lai i, MAH ral kan tei sual lai lo ti tu hi phan ding a si.

Phan lo ding kan phanh, buai lo ding ah kan buai. Kan phan ding cu kan thazang a der lai i Kawl Ralkap kan thei hna lai lo ti tu hi a si. Shan bantuk kan si lai lo. Kan sining aa dang Shan he cun. Phang hlah uh law. A si CNF policy zong ah Apeng a tlang hi kan thlauh kan kham hna lo.

Hihi cu management issue a si. CNF hruaitu hna nih tuak tan thiam a hau. CDF a umnak hi 6,7 lawng a si caah a tluang deuh rih lo mi tampi a um. a ttha thluahmah ko lai. CDF an zapitein CNF hruai nak tang ah rian ttuan hna seh law a ttha chin chin hnga. KIA le PDF Kachin region ban tuk khin. ka lung tling bak i then cheu a si loh phai sa tha zaang a chuah deuh nak cu mah hi lam hi a si ral doh tu ah hmun khat ah doh mah hi kan si awk si.

A chung riantuan tu nih thil sining an hngalh deuh. An chimmi bia hi hnu hmai an tuaktan cia hnu ah an chim. A lenglei in au sawh tuk ve ding asi lo. Mah le Khua CDF ngeihmi zat ciao hi Hriam nam siseh Hruk-aih angki le Kedan pawl rin viar sisehlaw tha chinchin lai, Ral Doh tik tu ah CNA nih a auh ning zat in a Peng Tlang tu in a hei hnga i thazang tha tuk hnga? Atanglei ah a thatlonak kong an tial ciomi a si ve.

Kei cu a ţhatuk tiah ka hmu bakloh, dothlennak ah a lamkip in doh cu a ţhami asi ko nain dothlennak thazang a chuahnak sources aa ţhenmal, lungrualnak a kheh, nawlngeihnak icuh in a donghnak cu mah le mah i doh asi telai. Pengtlang CDF ah i bungh nakcha cun miphun hriamtlai bu ah i chap tu tha ka pek, a khua a peng a tlang ahcun runvennak bu(ပြည်သူ့စစ်) men in dirh khi a za diam.

mithmuh in a lang chom telai, ruahlo awk a ţha lomi cu. 1. CDF dohlennak thazang cu Chin miphun ramleng ummi in asi, 2. CNA dothlennak zong ramchun ramleng Chin miphun in asi rih. Tikah kut in volleyball bengh pahin ke nih football a chuihpa thiam hngamaw? under one command tang ah a kal lomi hriamtlai buu cu aim aa khah hmanh ah dilna satna a si kho i cu tikah nang maw kei ti a um telai.

Ral doh hauha lo i bu tamtuk dir hi phaisa lei support a tuah tu caah rethei men a si. Orders pakhat tang ah i fu dih lawlaw hna sehlaw a tha cang. An thawng pang tete le an thut dir ning le an cawl cangh ning theih tik ah milung tha hrimhrim lo. Kan pa le nih ramleng lei bu hruaitu hna vialte orders pakhat tang ah an um khawhnak hnga an kan zuam piak tuan a hau ko lai.

A mah be ruah awk a simi cu CDF kan ralkap nih CNA Orders tangah an um duh lo ti si zaapi cu. An u le nih cun um an duh i um khawh zong an i zuam nain an mah le an mah hmanh an i chim kho set lo tiah an chim theo. Kan pa le nih an chim ning ruahtik ah khuaruah a hau ngai cang ko lai lo maw? A tu an um ning tein um hna sehlaw nawl pakhat tangah i fu dih kho hna seh ti khi ka chim duh mi a si.

A tu cu mah le duh salam in ralkap zaapi cu um dawh an si. Cun raltuk nak kal ding an ti viar ah an phisin i zaapi cu an kal duh hoi lo ti si hoi. Cucu zei nih dah a langhter kan ti ah cun Command & Orders tangah kan um duh lo caah si.

A tu ning in a kal rih ko ah cun sian ram nak hi a chiakha deuh mi chin ram ah a chuak khawh mi asi. Pastor le Chin mi mifim deuh le CNF i fawn in CDF vial te CNA ah i fawnh ding khua khan tti nak ngeih a herh cang.CNF long in zei hmangh nan tuah kho lai lo ti cu hmuhkhawh asi ko cang.

Shanram bantuk kan sikho tiah ka rak tial bal. Thil kal ning aa thlen bantuk le caan aa thlen bantuk in CNF nih a thlen khawh le a thlen thiam ve lo ahcun CNF caah harnak pe tu an sikho. Kan fale cu nulepa bawmtu ah kan duh hna. Nain kan chimhchawnh thiam hna lo ahcun nulepa lungfahnak petu an si ko. Atu hi thil sining aa thleng pah cang. A herh lo nak ah tangka tampi dih in CDF a hau ti lo.

CDF hi caan a rau deuhdeuh lai, an commander pawl zong nih ralbawi si thawtnam an theih chin lengmang lai. CNF/ A kuttang um cu an duh lo chin lengmang ve lai. CDF cu CNF/A Orders tangah an um ding a si, tiin mipi sinah nan ttial ding a si nain, mipi nih kan ruah loning tuin nan van ttial. CDF zong rallokap doh ah an i thawh ko caah, CNF/A Order tangah thazaang pakhat in kan doh cu a pakhatnak ah kan i thim ding mi a si cang.

Kan nau le CDF ah a lut i meithal ai tleih mi an tam mi cu a pawilo na in a pengtlang in cdf an dirh mi tu hi cu 100/100 a pawi ko ral um lo nak le ral tuk ngam lo in cdf ah a lut mi hna pengtlang cheukhat khi cu a cawmlam an har.

Apeng kha zarih koseh.Atlang le akhua cu aum lo atha kodah kaw. CNA San atlai lotuk le zeititha. Kan um cio hau ko hi. TT te hmanh tutiang ala kho lo cu bochan awk le zumhawk an har ngai cang ko. Hakha cu 2022 ah pakhat si kan I zuam lio. upa tamdeuh nih fawnh an duh dih cang. 2021 cu emergency ithawh cio sikaw, Pikpak deuh ah cang. Ifun bak kan hau.

A tha tiah ka rak ruah peng ve ko nain thla 10 kan kal cang i zeidah Apoi ti ahcun: 1. Hmundang/khuadang i raltuk an duh lo. 2. Chinmi kan zia pakhat kan rak thlau khawh bak lomi cu aphu a tam deuh paoh le kan lungrualnak a tlau deuhdeuh ve, hmuh ning kalpining, zumh ning, ramri I khiah cio ning, mi le mah tuanvo pek ning, ah kan i khat kho ti lo. 3. Ramdang phaisa kan rak khawlh khawh tuk cio mi hi athattuk nain ai fonhmi si usihlaw a let in a cak deuh ko hnga.

One command and one order tangah an um khawh ahcun a thattuk thiam ko nain thla 10 chung experience ah buainak lawngte asi ko hi teh. Tu ahhin mah khua ralkap nih vun kah lo ahcun meithal puah a duh bak lomi an tampi cang, nanmah khua cio kha i ven ulaw a dang paoh cu CNA nih kan in venpi hna lai nan ti bel ahcun atha ngai hnga nain Cucu asi kho lomi thil asi hnga. Cucaah cun I fonh khawh chungin I fonh khawh hi a tha bik ko lai ka ti e, CDF- Mindat, CDF-Falam…etc belte cu mah peng cio an si caah khi cu um phung a va si ko hnga i anmah le peng chung in tlang cio, khi cu ai ning rih khua lawng bakin an dir mi khi Cu a poi ngaingai.