Pu Cung Hu: Motor kan hlang kho lo i Yangon ah kan kal kho lo:

Motor kan hlang kho lo i Yangon ah kan kal kho lo:
=================
Nai ah ka unau Johnf Thawng nih accident a tongmi a fate kong a tialmi ka hmuh ii ka zaangfak ngaingai.Pathian nih damnak tling pe ko seh. Motor man an ka hal caah a man ka chimh hna.Thil cu a man a um dih cio caah. Mizaw a sining, phaisa an harsat ning zeihmanh an ka chim lo.

Hi mizaw harsa bawmhnak ah “Member” timi biafang kan hmang lo. Mi dang thi na hlu ve maw, 1000/- tein mizaw caah naa tel ve maw tiah kan hal ko hna. 1000/- naa tel ah cun Kyats- 100,000/- tthumh nan si lai i kum 3-4 aa tel cangmi hna cu =200,000/- tthumh nan si lai ka ti ko hna. Hi zong hi mi bawmh duhnak lungthin ngei hna seh ti ka duh hna caah a si ko.Hi tining zong hin kan ttuan lem lo. Phaisa ngei lo mi a man lo, a ngeimi nih motor man liam ko ding, a harsa pah mi nih an ti khawh tawk ii liam tawn khi a si ko.

HOPE Motor Drivers pawl hi zuu an ding lo. Mizaw an cawi thlir pi hna. Oxygen bunh an thiam dih. Mizaw duhning in Motor an mongh piak hna. Lam hla an tlawn poah ah expert drivers pa (2) lengmang hman an si.Motor hi a tthat khawh chung in kan remh zungzal. Bawipa thawng in lam ah a rawk bal lo. Mizaw cung ah dawtnak an ngei. Service tha tein an pek khawh hna.Hi vialte caah hin a man kan liam dih. Kei cu sining tein chim hi ka duh bik.

Mithmai ngei ton bantuk in a ho hmanh kaa tonter bal hna lo. Phone in bawmh an ka hal. FB in an ka chimh men ko. Fiang tein bia kan i ruah. Tha nuam tein bawmhnak ka kawl piak hna. Kei zong hi tin midang sin ah lungthiang tein bawmh ka hal ve hna..An ka bawmh ve ko. A nuam tuk ka ti. Nang le kei kar ah theih thiam lonak le lung hniarnak a um hraw lo. Midang harsa an ral a chia sual lai ti ka phan caah ka vun tialnak tu a si. Upatnak he, Pa Hu, Hakha.

CHIN RAM KHUA LIPI HAKHA SIZUNG LE SIBAWI,NURSE PAWL KAN DIR HMUN HI ZEI TIN DAH NAN HMUH CIO NING ASI HNGA. 15Nov, 2020 Zarhpini chun ah kafapa Chin Christian University(CCU)ah BA E kum khat nak kai lio mi Van chiat ah Cycle accident a tong sual,Lungfim loin a um ,Pathian mi hna le hawikawm unau hna nih rian rang in Sizung an tlik pi colh 2pm hrawng ah asi. A thai zing nikhat ni, nihnih ni tiang Sibawi Sang Ruhlei le Adangdang Sibawi pi nih an zoh lo.CT scan voi hnih an thlak ter, Ultersound le Xray chim lo in.Phaisa tu cu cei lak te kan dih manh nithum chung ah. A result cu Paraku (ruh sibawi tel in) te nih an zoh hnu ah kan in chimh te hna lai tiah duty sibawi te le nurse re nih an ti hna.

Cawn ni thum ni tiang zei hmanh a um lo, kafapa zong a lung a fim kho hkei lo.cu caah RGN lei ah rian rang in kal pi ko kan duh ko tiah duty pawl cu chimh an si nain kan mah nawl asi lo an zoh hnu ah zei tin dek an ti te lai tiah an ti than.an kan check bal lo tik ah van sang in kan um. NURSE pa khat (a min cu a herh cun ka chim te lai)nih Sibawi pi hi leng hna uh nan len hna lo cun an in zoh hna lai lo RGN lei kal pi nan duh asi zong ah chimh a hauh caah TINGKHAT in leng uh tiah a van kan ti. Tingkhat cu kan ngei lo THONG 70 tel in si kho hnga maw tiah ceih cum asi. Len lo awk a that ti lo caah SIbawi pi cu CABAWM te he kan va ton.

A thai zing ah a check colh. A hnawng ruh ai kaam,a kha ruh a pelh an ti chel,a kiak an ti chel a tha than ko an ti chel,a lung fim lo mi le zei dang hi cu kan hngal kho bak lo CT scan le Xray le Ulter sound zong kan check dih ko an ti. Kafapa cu Zarh thum chung um hau lai anti,Phaisa kawl nak ah hman an kan timh cang caah kan duh ti lo ii inn ah tin pi asi. 4Dec,2020 cawn ningan ni ah RGN lei kal pi asi. Rgn ah an check colh tik ah kafapa te cu a thluak thahri pa 6 nak a cat,a kha ruh a hliah cang hmunkhat a kiak,hmunkhat a pelh,a hnawng ruh ai merh an ti.

Result kan vun theih cun kkhat lei kam ah kan i lawm tuk.kafa pa te hi a nunnak hmanh Hakha sizung khan a rak dih ding asi ko nain BAWIPA nih adawt tuk,a mah long asi lo Bawipa vel kan chungkhar in kan co caah anunnak a humhim piak tu kan Pathian asi. Rgn Si bawi te nih zeiruang dah Hakha ah hin opration an tuah lo an ti,an khuaruah har tuk.mah ban tuk mi zaw emergency in sizung phan ko mi cu an ti..Mizaw damh le minunnak chanh hi Hakha sizung nih ai rak tinh mi asi rua lo, Mizaw sin in phaisa kawl tu hi an rak i tinh mi asi ko rua hi ta tia khua ka ruat.

Hawidawt hna Kafapa ca long si loin Hakha le Thantlang Sizung le sibawi,Nurse te caah thla za cam piak rih ko hna usih mu.A khongdeng sual tu zong Bawipa min in kan ngaihthiam khawh.Police le PK nih sizung tiang an ra, case kan in ser piak hna lai an ti ,Kan dam hi biapi si koseh law Bawipa nih kafapa damnak pe ko seh,kan ngaihthiam ko lai kan mah nih cun case kan ser lai lo tiah kan ti hna. Caan raih hlan ah kafapa te A thluak tjahri,a kha ruh opration tuah ding asi caah thlacam nak he kan bawm rih cio ko uh law. Credit: Johnf Thawng