Pu AB (Dr. Sasa A Pa) Le Hnaring Khua Kong Hi A Mak Kho Tuk E

PU A B LE HNARING KHUA
Ngaktah rian Lutlai an ka tuan ter lio Hnaring ka um. Rev.DiVan an inn ah ka rak i thum. Cu lio ah Fanthen khua in Thawng thabiachim tu Saya AB a rak lut lai ti a si. Hnaring a phan hnu ah a mah a thawngtha bia cu chim ter cu a si.
A thawngtha bia chim mi cu nan chungkhar lak ah nan sian lo bikmi nan pek lai ti a si. A sina in inn lo thial awk a tha lo mi ti bantuk cu nan pek laivlo ti tu a rak si. Keimah pumpak ka ngeih mi a um lo. Tisen A ah Lei Ekah cheu a um i ka ngeihmi lak ah ka sian lo mi a si ko nain ka Lei tu kha ka sian lo bik tu ka pe ve.

Hnaring ka um lio kha inn kip vah pi tu cu Hotu Pu Lian Tar nih Saya nangmah tu nih kan zulh piak law ka duh ti in a ka nawl. Lothlo mi kan si i nangmah tu kan zulh pak ti a ka fial caah an pa fa um kal nak ah ka rak zulh hna. Hnaring B Sayamah Khin Yee te nih rawl ei an sawm hna i an mah an nupa in inn kan thawk. Sayamah cu a Suithi a hlut ve. Culio ah Rev. DiVan a rak dam lo lio a si i kan inn chung ah thilri inn ngeih mi kha, innka rak on uh ti a si. An inn ah cun an nu nih a kan chuak piak mi vialte cu a herh mi kan lak i thlacam nak kan ngeih tak hna. Cu lio kan tawn mi vialte cu ka tial ti lai lo.

Lautu ram an um an vah dih hnu ah a hnu ah Cawngthia khua an phan tiang ka telcpi hna. A pa A B cu zumh nak ah a rak i pek taktak caah a duh lo mi hna a hnu ah an lung an i thlen than i innka an on than ti a si. Kei mah he Cawngthia kan i thlen lai te ah Ngaktah caah kan bawm ve te lai ti bia a ka cah.A si nain kum 2000 in ni hin tiangi hmuh tawn caan kan ngei kho ti lo. A B min hi Mara Baibal Sianginn tu ah a mah min in Library a um mi ka hmuh.

Dr.SaSa a si can nak kong lam cu theih cio mi a si i ka tial ti lo. Ram dang in Pathian riantuan Japan in USA thial in nih a rak ka ti ning in Soiselak ca an tial mi kha a si lo le a si lo lawng te keimah pumpak ka tawn mi a si. Ramdang mi nih na kong na tuan bia tial kan duh an ti na in a duh rih lo a rak ka ti. Ram than chonak caah donan tu a si mi bia le ca hi Zum tu a si mi nih cun a si khawh chung Pathian min in kan ni ralring i kan hrial cio awk a si. KanChinram cu BAWIPA thluachuah mi Chinram kan sikho cio ding ah Uktu Cozah hna caah thlacam nak in bawmh cio ko uh si.

Saduhthah Alchia an ti bang in kan Saduhthah cio mi thazangtu i pek thlacam cio uh si. Thlacam hi kan caah asunglawi cem mi caan a si. Salm le Isaiah 40-41 kha kan Chinmiphun pi caah thlacam nakhe in rel cio ding in kan sawm cio hna. Credit: Hup Thang

Leave a Reply

Your email address will not be published. Required fields are marked *