President Win Myint te hna bantuk in thih ngamh in a đír ve ko lo, timi kong tu ahcun
==========
Henry Van Thio cu ralkap nih inn-thong an khumh mi asi tiah ti khawh asi. A pa – Rev. Dr. Ral Buai ruakhumh ding ah leengchuah hmanh an rak sianh lo. A rak chuak kho loh. Kum 2 chung ralkap sin ah aa tel duh lo. Kaa-lung meeting zong a kai duh bal ve lo. Thinlung taksa sifahnak nganpi a tuar ve. Nai ceo khan meeting a cun kai ve.
Thihri le nunri ah a um mi asi caah asi ko lai. Cucu ruah piak ahau. Ziah, President Win Myint te hna bantuk in thih ngamh in a đír ve ko lo, timi kong tu ahcun a duh mi nih mawh thluk khawh cu asi ve ko hnga! Na in- Anih cu amah hrimhrim zong nih Naingnganzi tama (politician) ka si aa ti bal lo.
Aa peek lio i Vote a rak kawl lio zong ah, “Kei cu politician ka si lo, a thiam zong ka thiam loh, cozah rian saupi a tuan ve mi ka si ca le hmuh tonmi tampi ka ngeih ve cang caah, cu experiences hmang cun ram caah rianttuan tthan ve ka duh rih caah thimnak ah ka cuh ve mi asi” ti kha zapi sin ah a rak chim tawn. Politician asi caah si lo in “experienced bureaucrat”pakhat a rak si caah, NLD zong nih VP rian an rak peek ve mi kha asi ko.
NLD party an policy le an tlaitleeng a duh tuk caah an party ah a rak luhmi asi loh, ti cu zapi theih a si. Ram le mipi thanchonak ca caah vision a ngei mi, rian a thiammi, asi bantuk in mipi caah riantuan(cozah riantuan) kha a duh mi asi ko. Policy maker si kha a duh phun le a thiam phun asi loh.
Mi ding, mifel, thiam nak le hmuhton tampi a ngei ve mi asi caah, cun a tling hnga ding party ah hmunhma an peek ve caah, mipi nih kan thim ve mi tu kha asi. A umnak party i Naingnganzi Tliahtleng kha thih ngamh in a dirpi zungzal dingmi ahcun ruah ding asi rua loh ka ti ve. Ziah tiah, Politician asi lo caah! A tawinak chim ahcun anih cu politician asi loh, bureaucrat tu asi deuh mi asi. Credit: Andrew Hrang Dun
NLD Central Committee nih Henry Van Thio cu NLD Party Chungtel Sinak In An Phuah! National League for Democracy (NLD) Central nih Henry Van Thio cu NLD party chungtel sinak in an phuah cang tiah August 9 ah cathanh an chuah. NLD Central Committee lei cathanh an chuah mi cu-1.Rammi sin ah kutthlak in sualnak a tuahtu SAC ralhrang Min Aung Hlaing nih uknak a lak hnu ah NLD party Chairman le Vice Chairman telh in center chungtel minunh 9 cu tlaih in thong a thlak hna.
NLD Central chungtel pakhat a si mi U Nyan Win cu thonginn chung ah ngamdam lo in a um i sii lei zohkhenh- thlopbulnak tha tein a hmuh khawh lo ruang ah thonginn chung ah a nunnak a liam. NLD party cu ramchung mipi nih an duh mi Democracy hmuhnak ding ah mipi he kutsih in hmainor mi a si.
U Henry Van Thio cu (2016-2021) hluttaw palai rian a ṭuan chung ah party nih zumh mi a si caah Myanmar ram Vice- President dirhmun tiang rian pek a si nain nihin ah mipi a hremtu, a thattu, tlaihkihnak a tuahtu misual ralhrang bu he tonpumhnak cu (31.07. 2023) ni ah SAC ralhrang he komh in rian a ṭuan mi hmuh a si.
A cunglei rianṭuannak kong he pehtlai in (8.8. 2023) ah a voihnihnak Central Committee caan karlak emergency meeting auh in Central Committee biaceihnak ah U Henry Van Thio cu NLD party chungtel sinak in chuah ding in biakhiahnak a ngei.
Cucaah U Henry Van Thio cu mipi duhnak tlinter ding le party nih aa timh mi policy zulh in ṭuan ding in biakamnak a tuah i, 2020 kum ramchung thimnak ah Amyotha hluttaw palai in teinak a hmu i, mipi duhning tein rianṭuan ding le biakamnak a tuah mi cu a zulh ti lo caah U Henry Van Thio cu National League for Democracy party chungtel sinak in chuah a si cang. 08.08. 2023 ni a voi 2nak Central Committee Caan karlak meeting hnatlaknak he, Central committee, National League for Democracy
Vice President Pu Henry Van Thio NLD in an phuah. Pu Henry Van Thio nih Mee thlatu rammi hna sin zumhtlak sinak biakam a buar i ralhraang council sin aa fonh ca ah NLD party chungtel sinak in kan phuah tiah nihin nithla khenh in NLD nih cathanh an chuah. Hi biakhiahnak hi, nizan ah tuah mi a voi 2nak central committee lakhruak meeting ah mi tam u hnatlaknak in khiah mi a si tiah an langhter.
“Rammi duhnak biapi ah chia in rian a tuan mi party i a hmuitinh hna le policy pawl ka zulh lai tiah bia aa kam pin ah, 2020 thimnak ah party aiawhtu Amyotha Hluttaw palai pakhat sinak in mee thlatu rammi hna duhnak biapi ah ka chiah lai ti mi rammi hna sin biakamnak a buar caah Pu Henry Van Thio cu NLD party chungtel sinak in kan phuah,” tiah cathanh ah an langhter.
Pu Henry Van Thio cu 2016 – 2021 Hluttaw caan chung ah party nih zumh ngai in tuanvo kan pek mi Vice President a rak si nain atu ah cun rammi hna cung ah hrem, tlaihkhih, thah nawn le sualnak phun za kip a tuah mi nawlngeihnak chuttu phu he July 31 ah aa fonh mi hmuh a si ti zong cathanh ah an telh.
Ralhraang council nih NLD party Chairman, Vice Chairman, CEC chungtel pakua leng ah NLD party chungtel tampi thong an thlak hna ti mi le, NLD party cu ramkomh pumpi in democracy a duh mi tlangcung mi hna le rammi hna he hmun khat ah kan dirti ti zong cathanh ah an langhter.
NLD CHAN VICE PRESIDENT H. VAN THIO NIH GENERAL MINAUNGHLIANG DIRKAM! July 31,2023 Zinglei 9:30 ah Myanmar NDSC (National Defense& Security Council) cu an nei i,Members-11 dingah Members-9 lawng an kai. Cu hna pawl cu;-Acting President U Myintshwe, Vice President Pu Henry Van Thio, Chairman of Phytuh Hluatdaw U.T Khunmyat,Senior General MinAungHliang, Vice Sr.General Soe Win pinah Ministers of Defense, Home, Foreign le Border Affairs an i tel.
MAH nih tuhlan bantukin biapi -pa a chim tilo na’in, rampi Democracy thimnak tuah dingmi ah Township 330 ah Sagaing cheu khat, Maggwe chaklei, Chin, Kayah, Karen hmun cheukhat, Pegu Nichuahlei le Taningtary cheu khatah Security ruangah tuah khawh dawh kan si rih lo pinah Townships-325 tiang Thimnak tuah kan duh
ca’ah Emergency SAC Cozah cu Ram Phunhrampi Article-425 bangin Thlaruk dang rak kan samh piak rih uh ti’ah “ကာလုံ” cu a nawl hna i, cu’ah cun Vice Sr General Soe Win, NLD chan lio Vice President Pu. Henry Vanthio, Speaker T. Khun Myat le Home/Defense Vuanci Minung-5 nih an support(ထောက်ခံ) ca’ah MAH hruai SAC Ralkap Cozah cu Kum 2023 dongh tiang an kal rih lai tinak asi.
2020 General Election ah Suukyi hruaimi NLD Cozah nih ningcang lo’in Votes an fir(Rigging) ti’ah USDP le Ralkap nih an puh ca’ah January 1,2021 ah SAC nih Anna an ting hnu’ah,vawi-4 tiang a caan an suah cang i, a tu zongah 2024 October thla ah Minung minlu relnak(Census) kan tuah dih hnu lawngah thimnak hi tuah kho asi lai i, a caan cu kan chim kho rih lo ti’ah Pu. Zawmelung nih a chim chapbei rih. Cu asi’ ah cun,Myanmar ram cu Ralkap nih 2025 tiang an uk rih kho men ti’ah mi tampi nih zumh asi.
Pu Henry Vanthio hi tuhlan “Anna ting” ka 2021 in 2023 January tiang kha cu NDSC (ကာလုံ) ton -nak meeting ah, ka dam lo ti’in a tel bel lo na’in, tutan cu a tel ve pinah MAH thloptu bakah a tel ve cang ca’ah mi tampi nih cun, lungrawk lei’ah SAC hi dirkamhpi law law cang hna usih hei ti sehlaw a lo ngai cang an ti. Cu asilo’ah Ralkap nih an hnekchawm mi zong asi kho ve ko.
A zei khom va si’ah, General Newin chan lio i Pu. Van Kulh(Vuanci/ကောင်စီဝင်) bantukin “Newin Uico” Pa an rak ti len ko na’in a donghnak ah cun, mi zaapi nih kan i bochan bikmi le”Gangaw-Hakha” le “Hakha-Matupi” lampi a kan cawhpiaktu kan Pa bik bantuk ah kan rak chiah thiam thiam ko. Amah Pu Henry Vanthio zong hi Pu Vankulh(L) bantukin Kawl ralbawi hlun thiam arak si ve hoi.
Thaituan August 1,2023 ah MAH dirhmi Pura Pi cu Nyphydaw ah hlunghlai ngai’in hawnnak an tuah lai i, Suukyi le Political Prisoners cheukhat chuah an i timhmi cu, Mi fim ati mi Mihrut pawl an holh tamtuk ruangah a caan thial kho men ti ah an chim ko khah! Kachin ram KIA Hqtr laak ding kongah cun, China Special Envoy nih a that nak in “Tlangtlaknak” a serpiak hna ti’ah thawng kan theih.
Cun, 2021 ah NLD Cozah hmanh sehla, Vice President ah ret an tum nawn cuang lo.. U Manwin Khiang Tan kha pek an rak tummi asi hlei ah amah khal NLD ruh le Pakhal khal arak silo hrim hrim. Credit: MC Biklian
Adik/ttha bak si. Asining te si. Van Thio hi miphun le ramca rianttuan taktak arak silo tihi afiang tukcang. Mahpaw, sinak duh, ruangah miphun le ram zuarzong apoi tilo mipa pei arak siko hi! Kan Pale tiah kan timi hna cheukhat nih kan Miphun pi caah Reliable and Stable Character an kan ngeihpiak lo hmanh ah kan U-nau hna Thisen le temtuarnak hna cu Pathian nih alak in a canter lai lo.